SUNNUDAGUR 26. MARS NÝJAST 11:07

Fangarnir grófu sig út úr tugthúsinu

FRÉTTIR

Haraldur Nelson: Ţjálfarar ţurfa ađ vera međvitađir um hvađ ţetta er hćttulegt

 
Sport
15:00 15. MARS 2017
skrifar frá London

Haraldur Nelson, faðir og umboðsmaður Gunnars Nelson, er einn helsti talsmaður þess innan UFC og bardagaheimsins að bardagakappar hætti óhóflegum niðurskurði sem hann segir vera lífshættulegan.

Ekki er langt síðan Haraldur spurði hvort einhver þyrfti að deyja svo reglunum varðandi niðurskurðinn yrði breytt en það var eftir að Rússinn Khabib Nurmagomedov þurfti að leggjast inn á sjúkrahús skömmu fyrir bardaga á móti Tony Ferguson.

Sjá einnig: „Jouban getur gert margt til að ógna Gunnari“
 
„Þetta er stórhættulegt,“ segir Haraldur í samtali við Vísi í London. „Ég held að það sé samt ekki við UFC að sakast. Ég tjái mig mjög ákveðið um þetta mál við þá og tel að þeir eigi að gera enn betur.“

„Þeir hafa verið að gera ýmislegt vel eins og til dæmis með lyfjaprófin. Mín skoðun er samt sú að þeir eigi að færa vigtun inn í lyfjaprófið og vigta menn reglulega þannig menn séu ekki að vaða langt yfir þá þyngd sem þeir eru að berjast í.“

Haraldur hefur einnig lengi talað gegn því að menn séu að mæta í bardaga mörgum kílóum þyngri en þeir eru við vigtun. Gunnar Nelson hefur til dæmis tvisvar sinnum mætt mönnum sem voru miklu þyngri en hann í búrinu þrátt fyrir að ná vigt daginn áður.

„Ég á þeirri skoðun að það eigi að setja mönnum takmörk hvað þeir mega þyngjast á milli vigtunar og bardaga. UFC færði vigtunina framar á föstudagana til að draga úr líkunum að menn komi ofþornaðir í búrið og stuðla þannig að heilbrigðara þyngdartapi,“ segir Haraldur.

„Það stoppar samt menn ekki í því að bæta þyngdinni á sig á milli vigtunar og bardaga. Fyrir vikið eru menn að skera hratt niður og mjög mikið og það er fyrst og fremst að fara með menn. Menn eru að skera ofboðslega mikið af sér til að bæta á sig fyrir bardagann.“

„Ég hef nefnt dæmið þegar Gunni barðist við Zak Cummings. Þá var Gunni 175 pund þegar hann steig inn í búrið á meðan var Cumming 209 pund. Hann var orðinn þungavigtarmaður. Brandon Thatch fannst mér svo stærri en Cummings. Þetta er ekki gott mál og menn þurfa að gera enn betur í þessum efnum. Þjálfarar þurfa líka að vera meðvitaðir um hversu hættulegt þetta er fyrir þeirra menn,“ segir Haraldur Nelson.

Viðtalið má sjá í spilaranum hér að ofan.

Ekki missa af neinu tengdu bardaga Gunnars Nelson og Alan Jouban. Vísir er í London og færir ykkur allar nýjustu fréttirnar af Gunnari og bardagakvöldinu í O2-höllinni á laugardaginn. Fylgdu okkur á Facebook, Twitter og Snapchat (sport365).


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Sport / Haraldur Nelson: Ţjálfarar ţurfa ađ vera međvitađir um hvađ ţetta er hćttulegt
Fara efst