FÖSTUDAGUR 27. MAÍ NÝJAST 22:00

Búiđ ađ finna 23 óhreina á ÓL í London

SPORT

Hafa aldrei unniđ nćsta leik eftir sigur á Norđmönnum á stórmóti

 
Handbolti
12:00 17. JANÚAR 2016
Róbert Gunnarsson í sigurleiknum á móti Noregi.
Róbert Gunnarsson í sigurleiknum á móti Noregi. VÍSIR/VILHELM

Íslenska karlalandsliðið í handbolta vann 26-25 sigur á Noregi í fyrsta leik sínum á Evrópumótinu í Póllandi á föstudagskvöldið en eftir hvíldardag í gær mæta íslensku strákarnir Hvít-Rússum í dag.

Strákarnir geta náð sögulegum sigri á móti Hvíta-Rússlandi í dag. Það hefur verið hægt að treysta á sigur á móti Noregi á síðustu stórmótum en það hefur líka skapast sú hefð að íslenska liðið hefur aldrei unnið næsta leik á eftir sigurleik á móti norska liðinu.

Íslenska landsliðið hefur með sigrinum á Norðmönnum á föstudaginn unnið sex sigra í sjö leikjum á móti Noregi á stórmótum þar af alla fimm leiki liðanna frá eina tapinu á EM í Sviss 2006.

Íslenska liðið hefur tapað fjórum sinnum í næsta leik eftir þessa fimm sigra á norska landsliðinu en náði bestum árangri fyrir tveimur árum þegar liðið náði jafntefli við Ungverja. Það var í fyrsta sinn sem íslenska liðið tapaði ekki næsta leik eftir að hafa unnið Norðmenn á stórmóti.

Nú er bara að vona að strákarnir okkar haldi haus eftir sigurinn á Norðmönnum og klári leikinn á móti Hvít-Rússum í dag sem myndir ekki bara tryggja íslenska liðinu sæti í milliriðli heldur væri einnig öruggt að liðið myndi taka með sér tvö stig.


Sigurleikir á Noregi á stórmótum og næsti leikur á eftir:

EM í Danmörku 2014
31-26 sigur á Noregi
Næsti leikur: 27-27 jafntefli við Ungverjaland

EM í Serbíu 2012
34-32 sigur á Noregi
Næsti leikur: 32-34 tap á móti Slóveníu

HM í Svíþjóð 2012
29-22 sigur á Noregi
Næsti leikur: 24-27 tap á móti Þýskalandi

EM í Austurríki 2010
35-34 sigur á Noregi
Næsti leikur: 28-36 tap á móti Frakklandi

HM í Kumamoto 1997
32-28 sigur á Noregi
Næsti leikur: 25-26 tap á móti Ungverjalandi


Ekki missa af neinu sem gerist á EM. Fylgdu Vísi á Twitter, Facebook og Snapchat (notendanafn: sport365).


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Sport / Handbolti / Hafa aldrei unniđ nćsta leik eftir sigur á Norđmönnum á stórmóti
Fara efst