Hætta við olíuleit á Drekasvæðinu

Kristján Már Unnarsson skrifar 12. desember 2014 18:00

Sérleyfin þrjú á Drekasvæði. Leyfi Faroe Petroleum, sem skilað var inn, er austast, í fjólubláum lit. Basaltlög þar eru talin hindra tilætlaðan árangur frekari endurkastsmælinga.

Einn þriggja sérleyfishafa á Drekasvæðinu, hópur undir forystu Faroe Petroleum, hefur fallið frá olíuleitinni. Orkustofnun barst í dag erindi frá Faroe Petroleum þar sem tilkynnt er að félagið ásamt samstarfsaðilum þeirra, Petoro Iceland og Íslenskt kolvetni, skili sérleyfi sínu, sem útgefið var 4. janúar 2013.

Í tilkynningu á heimasíðu Orkustofnunar kemur fram að aðrir sérleyfishafar halda áfram rannsóknum, samkvæmt rannsóknaráætlunum sínum.

Íslenskt kolvetni hf., sem nú hefur dregið sig til baka, segist í fréttatilkynningu hafa á síðustu tveimur árum, í samstarfi með Faroe Petroleum og Petoro, stundað ítarlegar rannsóknir á Drekasvæðinu, meðal annars með því að greina endurkastsmælingar til að meta líkur á að þar kunni að finnast olía í vinnanlegu magni.

Graham Stewart, forstjóri Faroe Petroleum, tekur við olíuvinnsluleyfinu frá Guðna Jóhannessyni orkumálastjóra, í janúar 2013. Kristján Jóhannsson, stjórnarformaður Íslensks kolvetnis, fyrir aftan.

„Niðurstöður frumrannsókna á leyfissvæðinu benda til þess að frekari endurkastsmælingar í næsta áfanga muni ekki skila tilætluðum árangri, aðallega vegna basaltlaga á austurjaðri Drekasvæðisins. Til viðbótar voru aðrar rannsóknaraðferðir einnig metnar af leyfishöfunum og talið var að þær aðferðir myndu ekki auka líkurnar á að finna kolvetnisgildrur í vinnanlegu magni á leyfissvæði IS2013/01.

Þess vegna hefur Íslenskt kolvetni tekið þá ákvörðun að endurnýja ekki leyfi sitt til frekari rannsókna á Drekasvæðinu,“ segir í tilkynningu félagsins, sem Kristján Jóhannsson stjórnarformaður ritar undir.

Þar segir ennfremur: „Á síðustu árum hefur starfsemi félagsins vaxið og orðið fjölbreyttari og er félagið með mörg áhugaverð verkefni sem öll tengjast norðlægum slóðum. Þessi verkefni eru áhættuminni og á mismunandi svæðum þar sem meira liggur fyrir af jarðfræðilegum upplýsingum. Stefnt er að því að greina betur frá þeim verkefnum á næstu mánuðum.“

Olíuleit á Drekasvæði Bensín og olía

Tengdar fréttir

2,5 milljarðar í olíuleit á Drekasvæði á næsta ári

Sérleyfishafar á Drekasvæðinu áforma að verja tveimur og hálfum milljarði króna til olíuleitar á Drekasvæðinu á næsta ári.

15. október 2014 19:15

Miklar gleðifréttir fyrir Íslendinga

Olíulindir á norska hluta Jan Mayen-svæðisins, sem Íslendingar eiga rétt á að nýta að hluta, gætu verið yfir fimmtíu þúsund milljarða króna virði, samkvæmt mati sem Olíustofnun Noregs birti í gær. Stjórnarformaður Íslensks kolvetnis segir þetta miklar gleðifréttir. "Nýtt olíuævintýri í norðri" segir í fyrirsögn norska Finansavisen í dag um fréttirnar en þær fjalla einnig um nýtt mat á hluta Barentshafs. Matið yfir norska hluta Jan Mayen-svæðisins snertir Íslendinga vegna 25 prósenta nýtingarréttar, og einnig vegna nálægðar og skyldleika við íslenska Drekasvæðið.

28. febrúar 2013 19:00

Kínverjar mættir til að hefja olíuleitina

Leyfishafar á Drekasvæðinu undir forystu kínverska félagsins CNOOC ákváðu á fundi í dag að hraðar yrði farið af stað í olíuleitina en áætlanir gerðu ráð fyrir.

20. október 2014 20:15

Svona ná þeir olíunni upp innan átta ára

Vinnsluskip, í líkingu við það sem tekið var í notkun á Skarfs-olíusvæðinu undan Norður-Noregi nú um áramótin, þykir líklegasta aðferðin til að vinna olíu og gas af Drekasvæðinu. Forstjóri Faroe-olíufélagsins segir að með slíkri lausn megi hefja olíuvinnsluna eftir sjö til átta ár, eða mun fyrr en með eldri aðferðum. Afhending fyrstu sérleyfanna á föstudag markaði upphaf olíustarfseminnar á Drekasvæðinu og áætlanir beggja leyfishafa gera ráð fyrir að næstu ár verði notuð til hljóðbylgjumælinga.

7. janúar 2013 18:45

Vonast til að olíuframleiðslan hefjist eftir 7-8 ár

Olíuframleiðsla á landgrunni Íslands gæti hafist eftir sjö til átta ár og fyrsti borpallurinn komið eftir þrjú til fjögur ár. Þetta segir forstjóri skoska olíufélagsins Faroe Petroleum, sem nú er orðinn rétthafi fyrsta olíuvinnsluleyfis í lögsögu Íslands. Olíumálaráðherra Noregs segir leyfisútgáfuna í dag sögulegan viðburð. Norski olíumálaráðherrann Ola Borten Moe mætti í Ráðherrabústaðinn klukkan níu í morgun ásamt fylgdarliði til fundar við Steingrím J. Sigfússon atvinnuvegaráðherra og áttu fulltrúar ríkjanna klukkustundarlangan fund áður en kom að stóru stundinni.

4. janúar 2013 18:37

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið

Fleiri fréttir