Innlent

Guðlaugur fór af þingflokksfundi

Guðlaugur Þór vék af þingflokksfundi á undan öðrum þingmönnum Sjálfstæðisflokksins í dag. Mynd/ Anton.
Guðlaugur Þór vék af þingflokksfundi á undan öðrum þingmönnum Sjálfstæðisflokksins í dag. Mynd/ Anton.
Guðlaugur Þór Þórðarson alþingismaður Sjálfstæðisflokksins fór af þingflokksfundi flokksins sem haldinn var í morgun á undan öðrum þingmönnum.

Samkvæmt heimildum fréttastofu fór Guðlaugur til þess að sækja vinnustaðafundi vegna komandi kosninga. Á þingflokksfundinum ræddu sjálfstæðismenn meðal annars risastyrki frá FL Group og Landsbanka. Niðurstaða þeirra var, eins og ónefndur þingmaður orðaði það við fréttastofu, að setja undir sig hausinn og keyra inn í kosningabaráttuna.

Styrkjamál Sjálfstæðisflokksins og annarra flokka eru víða rædd á Alþingi í dag. Forsætisnefnd þingsins kom saman í hádeginu. Formenn þingflokka ræðast við í dag og einnig formenn flokkanna. Hermt er að styrkjamálin verði rædd á öllum þessum fundum.







Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×