Góð kvöldveiði í Kleifarvatni
Fín veiði úr Kleifarvatni, þessi mynd er úr frétt sem við birtum fyrr í sumar
Veiðin virðist vera mest í suðurbotninum en það gæti líka stafað af því að þangað fara flestir til að veiða. Jón Einarsson var þar fyrir fáum kvöldum við annan mann og lönduðu þeir um 30 fiskum eftir klukkan níu um kvöldið til miðnættis og misstu annað eins. Annar var með flugu en hinn með makríl og maðk, skiptist aflinn sæmilega jafnt á milli þeirra.
Mest fengu þeir við Lambhagann en nokkra fiska fengu þeir líka við klappirnar norður af Lambhaganum, þar af eina 7 punda bleikju. Töluvert líf færist í vatnið þegar skyggja tekur og því ekki úr vegi að hvetja menn til að nýta þá fáu daga sem eftir eru af veiðitímabilinu í vatninu til að stunda kvöldveiðina. Og annað sem Jón vildi koma á framfæri er að minna menn á að vera með hausljós, því það er orðið ansi dimmt á kvöldin núna og í raun alveg furðulegt að ná fiski á flugu í kolniðamyrkri við vatnið.
- Fréttir
- Sport
- Viðskipti
- Lífið
Nýjast á Vísi
Fréttir eftir mánuði
Hér má finna fréttir eftir mánuði.
- Sími 512 5000
- Hafðu samband
- Starfsfólk
- Umferð
- Veftré
- Auglýsingar
- 365 Skaftahlíð 24 105 Reykjavík Sími: 512 5000