Geir Haarde með illkynja æxli og hættir formennsku - vill kosningar 9. maí

Geir Haarde forsætisráðherra ætlar að láta af formennsku í Sjálfstæðisflokknum og segja skilið við stjórnmálin. Geir greindi frá þessu í samtali við fjölmiðla í hádeginu. Geir greindist með illkynja æxli í vélinda og þarf að leita sér lækninga erlendis.

Þingflokkur Sjálfstæðisflokksins og miðstjórn vilja að gengið verði til alþingiskosninga laugardaginn 9. maí næskomandi. Þá hefur miðstjórn og þingflokkur samþykkt að halda landsfund flokksins dagana 26. - 29. mars næstkomandi.

Fram kom í máli Geirs að meðferð vegna æxlisins myndi hefjast í næsta mánuði.