SUNNUDAGUR 4. DESEMBER NÝJAST 16:15

Í beinni. Ţór Ak. - Tindastóll | Norđurlandsslagur í bikarnum

SPORT

Gary Martin samdi viđ Víking

 
Íslenski boltinn
18:30 15. FEBRÚAR 2016
Gary Martin spilar fyrir sitt ţriđja félag á Íslandi.
Gary Martin spilar fyrir sitt ţriđja félag á Íslandi. VÍSIR/STEFÁN

Enski framherjinn Gary Martin er genginn í raðir Víkings, en hann skrifaði undir samning við Fossvogsfélagið í kvöld, samkvæmt heimildum Vísis.

Gary kemur til Víkings frá KR þar sem hann hefur spilað frá miðju sumri 2012, en fyrst kom Englendingurinn til Íslands til að spila með ÍA fyrir sex árum síðan.

Þessi 25 ára gamli framherji skoraði þrettán mörk fyrir KR í Pepsi-deildinni 2013 og fékk bronsskóinn og svo gullskóinn ári síðar þegar hann skoraði jafn mörg mörk. Hann skoraði fimm mörk í 15 leikjum á síðustu leiktíð.

Gary hefur skorað 38 mörk í 80 leikjum í efstu deild á Íslandi fyrir ÍA og KR og verður mikill hvalreki fyrir Víkingsliðið sem hafnaði í níunda sæti Pepsi-deildarinnar á síðustu leiktíð.

Framherjinn var nokkuð eftirsóttur, en Baldur Stefánsson, varaformaður knattspyrnudeildar KR, staðfesti við Fótbolti.net í dag að nokkur tilboð hefðu borist í Gary.

Englendingurinn ræddi við Breiðablik í gær, samkvæmt heimildum Vísis, og Víkinga svo í morgun og ákvað framherjinn á endanum að semja við Fossvogsfélagið.

KR fer í æfingaferð til Flórída á morgun en verði gengið nógu hratt frá félagaskiptum gæti Gary verið í liði Víkings á móti HK í Lengjubikarnum annað kvöld.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Sport / Fótbolti / Íslenski boltinn / Gary Martin samdi viđ Víking
Fara efst