Innlent

Bjarni vill taka daginn snemma

Atli Ísleifsson skrifar
Bjarni Benediktsson tók við embætti forsætisráðherra fyrr í mánuðinum.
Bjarni Benediktsson tók við embætti forsætisráðherra fyrr í mánuðinum. Vísir/Vilhelm

Ákveðið hefur verið að reglulegir þriðjudagsfundir ríkisstjórnar skulu hefjast fyrr um morguninn en verið hefur síðustu ár. Fundirnir hefjast nú 8:15, en í forsætisráðherratíð Katrínar Jakobsdóttur var þumalputtareglan sú að þriðjudagsfundirnir hæfust klukkan 9:30.

Hersir Aron Ólafsson, aðstoðarmaður Bjarna, segir í samtali við fréttastofu að Bjarni Benediktsson forsætisráðherra hafi lagt fram tillögu þessa efnis fyrir ríkisstjórn og að hún hafi verið samþykkt. Hugsunin með því að flýta fundartíma væri að með þeim hætti geti ráðherrar nýtt daginn betur.

Ríkisstjórn fundar einnig alla jafna á föstudögum og hafa þeir fundir hafist klukkan 8:30 síðustu ár. Engin breyting verður á þeim fundartíma og munu föstudagsfundirnir áfram klukkan 8:30, sé fundað á annað borð.

Annað ráðuneyti Bjarna Benediktssonar á tröppum Bessastaða 10. apríl síðastliðinn.Vísir/Vilhelm

Bjarni tók við embætti forsætisráðherra 10. apríl síðastliðinn eftir sex og hálfs árs forsætisráðherratíð Katrínar Jakobsdóttur. Katrín tilkynnti 5. apríl síðastliðinn að hún gæti kost á sér til embættis forseta Íslands og baðst í kjölfarið lausnar.

Ríkisstjórn Bjarna Benediktssonar Sjálfstæðisflokkurinn
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið