Innlent

Baldur fremstur í nýrri könnun og Halla Hrund skákar Jóni

Hólmfríður Gísladóttir skrifar
Baldur og Halla Hrund mega vel við una samkvæmt nýrri skoðanakönnun Prósent.
Baldur og Halla Hrund mega vel við una samkvæmt nýrri skoðanakönnun Prósent.

Baldur Þórhallsson mælist með mest fylgi í nýrri könnun Prósents, eða 27,2 prósent. Katrín Jakobsdóttir mælist með 23,8 prósent og Halla Hrund Logadóttir með 18 prósent.

Athygli vekur að Halla Hrund hefur stokkið fram úr Jóni Gnarr, sem mælist nú með 17,2 prósent.

Ekki er marktækur munu á milli Baldurs og Katrínar annars vegar og Höllu Hrundar og Jóns hins vegar.

Samkvæmt niðurstöðum könnunarinnar, sem unnin var fyrir Morgunblaðið, er langt í næstu frambjóðendur en Halla Tómasdóttir mælist með 5,8 prósent fylgi þegar horft er til þeirra sem tóku afstöðu, Arnar Þór Jónsson með 2,8 prósent og Steinunn Ólína Þorsteinsdóttir með 2,1 prósent.

Könnunin var gerð dagana 16. til 21. apríl. Úrtakið var 2.300 manns en svarhlutfallið 53,3 prósent.

Baldur, Jón og Halla Hrund voru gestir Pallborðsins í síðustu viku.

Forsetakosningar 2024 Skoðanakannanir
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið