Innlent

Fíknefnaviðskipti beint fyrir framan nef lög­reglu

Jón Þór Stefánsson skrifar
Lögreglan átti í nógu að snúast í nótt.
Lögreglan átti í nógu að snúast í nótt. Vísir/Arnar

Lögreglan á höfuðborgarsvæðinu var kölluð út að slysadeild vegna einstaklings sem lét öllum illum látum í gærkvöldi eða nótt. Einstaklingurinn var að sögn lögreglu ölvaður og gerði tilraun til að ráðast á öryggisverði og lögreglu. Hann hefur verið vistaður í fangaklefa þangað til hann verður viðræðuhæfur.

Þetta kemur fram í dagbók lögreglu. Þar segir einnig frá því að lögreglumenn hafi orðið vör við fíkniefnaviðskipti sem áttu að fara fram fyrir framan nefið á þeim. Fíkniefnasalinn var handtekinn og töluvert magn fíkniefna og peninga fannst við leit á honum.

Þá er greint frá því að ungmenni hafi verið stöðvað af lögreglu eftir að hafa reynt að ljúga til um nafn og þar á eftir hlaupa frá lögreglu. Fram kemur að ungmennið hafi verið með tvo hnífa á sér. Að sögn lögreglu verður málið leyst með aðkomu barnaverndaryfirvalda.

Einstaklingur var handtekinn eftir ölvunarakstur og áreksktur, en hann reyndi að stinga af. Hann var vistaður í fangaklefa vegna málsins.

Lögreglumál Reykjavík
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið