Innlent

Fóru tóm­hentir heim frá bensín­stöðinni

Eiður Þór Árnason skrifar
Einstaklingarnir höfðu ekki erindi sem erfiði. Ljósmyndin er úr safni.
Einstaklingarnir höfðu ekki erindi sem erfiði. Ljósmyndin er úr safni. Vísir/Hanna

Lögregla hafði afskipti af manni í miðbæ Reykjavíkur í nótt sem er sagður hafa hrækt á dyraverði. Þegar laganna verðir mættu á staðinn neitaði einstaklingurinn að segja til nafns og lét öllum illum látum, að sögn lögreglu. Sá var vistaður í fangageymslu þar til hann var talinn viðræðuhæfur.

Þetta kemur fram í dagbók lögreglunnar á höfuðborgarsvæðinu sem einnig barst tilkynning um að reynt hafi verið að komast í sjálfsafgreiðsluvél á bensínstöð. Þjófarnir eru sagðir hafa farið tómhentir af vettvangi þar sem þeim hafi ekki tekist að brjóta upp vélina.

Hélt líkamsárás áfram

Tilkynnt um slagsmál utan við skemmtistað í miðbænum og þegar lögreglumenn komu á vettvang urðu þeir vitni að áframhaldandi líkamsárás. Tveir einstaklingar voru handteknir vegna málsins og gista fangageymslur í þágu rannsóknar þess.

Á fjórða tímanum í nótt var lögreglu tilkynnt um mann sem hótaði að stinga annan vegna deilna þeirra á milli. Við athugun kom í ljós að maðurinn var óvopnaður, mjög ölvaður og ekki líklegur til ofbeldis, að sögn lögreglu. Málið er nú sagt í rannsókn.

Þá var tilkynnt um blóðugan mann á gangi í Vesturbæ Reykjavíkur um klukkan eitt í nótt. Maðurinn var farinn þegar lögregla kom á vettvang.

Lögreglumál Reykjavík
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið