Foreldrar ungra reykvískra barna geta nú spáð fyrir um stöðuna á biðlistum Atli Ísleifsson skrifar 5. mars 2024 14:29 Leikskólareiknirinn var til umræðu á fundi borgarstjórnar í dag. Myndin er úr safni. Vísir/Vilhelm Reykjavíkurborg hefur hleypt af stokkunum sérstökum Leikskólareikni sem ætlað er að sýna stöðu umsókna í leikskóla borgarinnar og geti foreldrar þannig fengið áætlaða spá um stöðu barna sinna á biðlista. Borgarfulltrúi Sjálfstæðisflokksins segir gott að fá fram reikninn sem sýni þó jafnframt fram á þá alvarlegu stöðu sem uppi sé í leikskólamálum. Leikskólareiknirinn var til umræðu á fundi borgarstjórnar í dag þar sem umræða um ávinning stafrænnar umbreytingar fyrir borgarbúa. Var þar meðal annars rætt um þá stöðu sem uppi sé á leikskólum borgarinnar. Í tilkynningu frá borginni segir að hingað til hafi fólk þurft að skrá sig inn í Völu og sækja um eða hringja í þjónustuver borgarinnar eða í leikskólana sjálfa, til að fá upplýsingar um stöðu barna sinna. Markmið með Leikskólareikninum sé að auka gagnsæi í upplýsingamiðlun og sýna stöðuna eins og hún sé hverju sinni svo foreldrar og forsjáraðilar geti sjálf skoðað upplýsingar án þess að þurfa að hringja mörg símtöl. Ekki þörf á Galileo Galilei Hildur Björnsdóttir, borgarfulltrúi Sjálfstæðisflokksins, segist í samtali við fréttastofu að sjálfsögðu fagna því að fá leikskólareikninn fram. Sjálfstæðismenn hafi ítrekað kallað eftir stafrænu mælaborði sem sýni stöðu biðlista eftir leikskólaplássi og sé leikskólareiknirinn ákveðið svar við því. „Hann gefur foreldrum tækifæri til að fylgjast með stöðu biðlista á leikskólum borgarinnar og það er vissulega mjög jákvætt skref. Hildur Björnsdóttir, borgarfulltrúi Sjálfstæðismanna, segir reikninn sýna með skýrum hætti hvað biðlistavandi leikskólanna sé yfirgripsmikill. Vísir/Ívar Fannar Það sem reiknirinn sýnir okkur hins vegar líka með skýrum hætti, er hvað biðlistavandi leikskólanna er yfirgripsmikill. Hann sýnir okkur að í haust munu losna um 1.160 leikskólapláss í Reykjavík, þegar leikskólabörn færast yfir í grunnskóla. Það er engan veginn nægur fjöldi til að svara eftirspurninni. Eins og við þekkjum eru börn að meðaltali tuttugu mánaða þegar þau komast inn á leikskóla borgarinnar. Samkvæmt nýjustu tölum frá Hagstofunni er fjöldi barna í Reykjavík undir tveggja ára aldri nú 3.271. Það þarf engan Galileo Galilei til að reikna sig niður á það að 1.160 pláss munu ekki svara þeirri þörf sem blasir við. Biðlistar verða áfram stjarnfræðilegir og leikskólavandinn enn alvarlegur. Því miður hefur maður ekki séð nýjan meirihluta, né heldur nýjan borgarstjóra, grípa til neinna aðgerða sem leyst geta þennan vanda sem blasir við fjölskyldufólki í Reykjavík,“ segir Hildur. Fæðingardagur sleginn inn Bryndís Eir Kristinsdóttir, framleiðandi Leikskólareiknisins, segir hann vera lið í að bæta þjónustu við börn og forsjáraðila í borginni. „Hann er ákveðin bylting í upplýsingagjöf þegar kemur að biðlistatölum í leikskólum Reykjavíkurborgar, en varan er unnin í góðu samtali við notendur sem bíða eftir leikskólaplássi. Leikskólareikninum er ætlað að auka gagnsæi og gera forsjáraðilum kleift að taka upplýstari ákvörðun um val á leikskóla,” segir Bryndís Eir. Um Leikskólareikninn segir í tilkynningu að fæðingardagur barns sé einfaldlega sleginn inn í leitarvél ásamt hverfi og sé þá reiknuð út áætluð staða barnsins á biðlistum í leikskóla í viðkomandi hverfi. „Niðurstaðan er byggð á fæðingardegi barns, umsóknum sem þegar hafa borist, fjölda barna sem hætta til að byrja í grunnskóla og fleiri breytum. Hægt er að skoða staðsetningar á korti og bera þannig saman til dæmis leikskóla nálægt heimili fólks eða vinnu. Leikskólareiknirinn er byggður á lifandi gögnum og eru tölurnar uppfærðar daglega. Niðurstöður úr reikninum eru ekki umsókn og geta ekki gefið loforð um pláss,“ segir í tilkynningunni. Reykjavík Borgarstjórn Leikskólar Skóla - og menntamál Stafræn þróun Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Lítilsvirðing gagnvart konum eigi ekki að líðast hjá RÚV Innlent Spurningar til Baldurs minni á árið 1980 Innlent Veðmálaauglýsingar með stærstu stjörnum landsins „fá að grassera“ Innlent Flugvöllur Færeyinga fær að taka við stærri þotum Erlent Forsetavaktin 2024: Hver verður sjöundi forseti lýðveldisins? Innlent Hættur við að styðja Höllu Hrund Innlent Þættirnir rími við margt í raunveruleikanum Innlent „Ég held að Landskjörstjórn þurfi að endurskoða sína lögfræðiþekkingu“ Innlent Segir upp hjá RÚV og snýr sér að pólitík Innlent Guðrún á Glitstöðum segir vaðið yfir vilja almennings Innlent Fleiri fréttir Lítilsvirðing gagnvart konum eigi ekki að líðast hjá RÚV Spurningar til Baldurs minni á árið 1980 Veðmálaauglýsingar með stærstu stjörnum landsins „fá að grassera“ Utankjörfundaratkvæðagreiðsla hefst í síðasta lagi á fimmtudag Aðalsöngvari the Commitments stígur á svið í Háskólabíói Samningar við sjómenn til níu ára í höfn Vinstri græn aldrei með minna fylgi Þættirnir rími við margt í raunveruleikanum Ógild framboð, flug í lamasessi og draumaferð í Disney „Ég held að Landskjörstjórn þurfi að endurskoða sína lögfræðiþekkingu“ Hættur við að styðja Höllu Hrund Meðferðarstöðinni Vík lokað í sumar Boða verkfallsaðgerðir á Keflavíkurflugvelli í maí Kjörinn heiðursmeðlimur í bandarísku lista- og vísindaakademíuna Guðrún á Glitstöðum segir vaðið yfir vilja almennings Helmingurinn af búslóðinni í ruslið Fyrstu tilnefningar til Vigdísarverðlauna Evrópuráðsþingsins kynntar á Alþingi Segir upp hjá RÚV og snýr sér að pólitík Ellefu verða í framboði til embættis forseta Íslands Landlæknir fer með ákvörðun Persónuverndar fyrir dóm Stór hópur fanga sem ekki treystir stofnunum Viktor og Kári heltast úr lestinni Ástand hinnar látnu bar þess merki að henni hefði verið ráðinn bani Dramatík þegar tveimur var tilkynnt um ólögleg framboð Best ef forseti hefur ekki verið í stjórnmálastarfi Ráðherra kynnir nýtt mælaborð farsældar barna Skjálfti við Bláfjöll í morgun og óbreytt við Sundhnúk Ætlaði að ganga frá álverinu og upp á Keflavíkurflugvöll Halla Hrund fremst í nýrri könnun og Katrín dottin niður í þriðja sæti Vopnuð rán tíðari en fólk gerir sér grein fyrir Sjá meira
Leikskólareiknirinn var til umræðu á fundi borgarstjórnar í dag þar sem umræða um ávinning stafrænnar umbreytingar fyrir borgarbúa. Var þar meðal annars rætt um þá stöðu sem uppi sé á leikskólum borgarinnar. Í tilkynningu frá borginni segir að hingað til hafi fólk þurft að skrá sig inn í Völu og sækja um eða hringja í þjónustuver borgarinnar eða í leikskólana sjálfa, til að fá upplýsingar um stöðu barna sinna. Markmið með Leikskólareikninum sé að auka gagnsæi í upplýsingamiðlun og sýna stöðuna eins og hún sé hverju sinni svo foreldrar og forsjáraðilar geti sjálf skoðað upplýsingar án þess að þurfa að hringja mörg símtöl. Ekki þörf á Galileo Galilei Hildur Björnsdóttir, borgarfulltrúi Sjálfstæðisflokksins, segist í samtali við fréttastofu að sjálfsögðu fagna því að fá leikskólareikninn fram. Sjálfstæðismenn hafi ítrekað kallað eftir stafrænu mælaborði sem sýni stöðu biðlista eftir leikskólaplássi og sé leikskólareiknirinn ákveðið svar við því. „Hann gefur foreldrum tækifæri til að fylgjast með stöðu biðlista á leikskólum borgarinnar og það er vissulega mjög jákvætt skref. Hildur Björnsdóttir, borgarfulltrúi Sjálfstæðismanna, segir reikninn sýna með skýrum hætti hvað biðlistavandi leikskólanna sé yfirgripsmikill. Vísir/Ívar Fannar Það sem reiknirinn sýnir okkur hins vegar líka með skýrum hætti, er hvað biðlistavandi leikskólanna er yfirgripsmikill. Hann sýnir okkur að í haust munu losna um 1.160 leikskólapláss í Reykjavík, þegar leikskólabörn færast yfir í grunnskóla. Það er engan veginn nægur fjöldi til að svara eftirspurninni. Eins og við þekkjum eru börn að meðaltali tuttugu mánaða þegar þau komast inn á leikskóla borgarinnar. Samkvæmt nýjustu tölum frá Hagstofunni er fjöldi barna í Reykjavík undir tveggja ára aldri nú 3.271. Það þarf engan Galileo Galilei til að reikna sig niður á það að 1.160 pláss munu ekki svara þeirri þörf sem blasir við. Biðlistar verða áfram stjarnfræðilegir og leikskólavandinn enn alvarlegur. Því miður hefur maður ekki séð nýjan meirihluta, né heldur nýjan borgarstjóra, grípa til neinna aðgerða sem leyst geta þennan vanda sem blasir við fjölskyldufólki í Reykjavík,“ segir Hildur. Fæðingardagur sleginn inn Bryndís Eir Kristinsdóttir, framleiðandi Leikskólareiknisins, segir hann vera lið í að bæta þjónustu við börn og forsjáraðila í borginni. „Hann er ákveðin bylting í upplýsingagjöf þegar kemur að biðlistatölum í leikskólum Reykjavíkurborgar, en varan er unnin í góðu samtali við notendur sem bíða eftir leikskólaplássi. Leikskólareikninum er ætlað að auka gagnsæi og gera forsjáraðilum kleift að taka upplýstari ákvörðun um val á leikskóla,” segir Bryndís Eir. Um Leikskólareikninn segir í tilkynningu að fæðingardagur barns sé einfaldlega sleginn inn í leitarvél ásamt hverfi og sé þá reiknuð út áætluð staða barnsins á biðlistum í leikskóla í viðkomandi hverfi. „Niðurstaðan er byggð á fæðingardegi barns, umsóknum sem þegar hafa borist, fjölda barna sem hætta til að byrja í grunnskóla og fleiri breytum. Hægt er að skoða staðsetningar á korti og bera þannig saman til dæmis leikskóla nálægt heimili fólks eða vinnu. Leikskólareiknirinn er byggður á lifandi gögnum og eru tölurnar uppfærðar daglega. Niðurstöður úr reikninum eru ekki umsókn og geta ekki gefið loforð um pláss,“ segir í tilkynningunni.
Reykjavík Borgarstjórn Leikskólar Skóla - og menntamál Stafræn þróun Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Lítilsvirðing gagnvart konum eigi ekki að líðast hjá RÚV Innlent Spurningar til Baldurs minni á árið 1980 Innlent Veðmálaauglýsingar með stærstu stjörnum landsins „fá að grassera“ Innlent Flugvöllur Færeyinga fær að taka við stærri þotum Erlent Forsetavaktin 2024: Hver verður sjöundi forseti lýðveldisins? Innlent Hættur við að styðja Höllu Hrund Innlent Þættirnir rími við margt í raunveruleikanum Innlent „Ég held að Landskjörstjórn þurfi að endurskoða sína lögfræðiþekkingu“ Innlent Segir upp hjá RÚV og snýr sér að pólitík Innlent Guðrún á Glitstöðum segir vaðið yfir vilja almennings Innlent Fleiri fréttir Lítilsvirðing gagnvart konum eigi ekki að líðast hjá RÚV Spurningar til Baldurs minni á árið 1980 Veðmálaauglýsingar með stærstu stjörnum landsins „fá að grassera“ Utankjörfundaratkvæðagreiðsla hefst í síðasta lagi á fimmtudag Aðalsöngvari the Commitments stígur á svið í Háskólabíói Samningar við sjómenn til níu ára í höfn Vinstri græn aldrei með minna fylgi Þættirnir rími við margt í raunveruleikanum Ógild framboð, flug í lamasessi og draumaferð í Disney „Ég held að Landskjörstjórn þurfi að endurskoða sína lögfræðiþekkingu“ Hættur við að styðja Höllu Hrund Meðferðarstöðinni Vík lokað í sumar Boða verkfallsaðgerðir á Keflavíkurflugvelli í maí Kjörinn heiðursmeðlimur í bandarísku lista- og vísindaakademíuna Guðrún á Glitstöðum segir vaðið yfir vilja almennings Helmingurinn af búslóðinni í ruslið Fyrstu tilnefningar til Vigdísarverðlauna Evrópuráðsþingsins kynntar á Alþingi Segir upp hjá RÚV og snýr sér að pólitík Ellefu verða í framboði til embættis forseta Íslands Landlæknir fer með ákvörðun Persónuverndar fyrir dóm Stór hópur fanga sem ekki treystir stofnunum Viktor og Kári heltast úr lestinni Ástand hinnar látnu bar þess merki að henni hefði verið ráðinn bani Dramatík þegar tveimur var tilkynnt um ólögleg framboð Best ef forseti hefur ekki verið í stjórnmálastarfi Ráðherra kynnir nýtt mælaborð farsældar barna Skjálfti við Bláfjöll í morgun og óbreytt við Sundhnúk Ætlaði að ganga frá álverinu og upp á Keflavíkurflugvöll Halla Hrund fremst í nýrri könnun og Katrín dottin niður í þriðja sæti Vopnuð rán tíðari en fólk gerir sér grein fyrir Sjá meira