„Ég er að fara í ljónagryfjuna“ Sindri Sverrisson skrifar 1. mars 2024 08:01 Dagur Sigurðsson á ærið verk fyrir höndum en honum er ætlað að koma Króatíu aftur í fremstu röð. Instagram/@hrs_insta Ljóst er að pressan verður mikil á Degi Sigurðssyni sem fyrsta erlenda þjálfara landsliðs Króatíu í handbolta. Dagur er maðurinn sem Króatar treysta á að færi þeim Ólympíuleika í sumar og velgengni á heimavelli á HM í janúar. Dagur skrifaði undir samning til fjögurra ára, eftir að hafa fengið sig lausan frá Japan, og þarf að hafa hraðar hendur í nýju starfi, hjá liði sem er í vissum öldudal. Eftir hálfan mánuð er nefnilega umspil um sæti á Ólympíuleikum, þar sem Króatar berjast við Þýskaland, Austurríki og Alsír um tvö laus sæti í París í sumar. „Þeir eru mjög spenntir. Ég er fyrsti erlendi þjálfarinn hjá þeim og þeir hafa skipt ört um þjálfara, þannig að ég er að fara í ljónagryfjuna. Þeir hafa skipt um þjálfara nánast á hálfs árs fresti síðustu árin. En þetta er mjög spennandi,“ segir Dagur í viðtali við Vísi. Króatar áttu mjög lengi lið í allra fremstu röð og hafa til að mynda unnið tvö ólympíugull (1996 og 2004), heimsmeistaratitil 2003 og alls 14 verðlaun á stórmótum, síðast brons á EM 2016. „Mér fannst mjög spennandi að komast í lið sem er með þessa hefð sem þeir hafa. Það hefur gengið illa síðustu árin en þeir eru með rosalega ástríðu. Þetta er fjögurra milljóna manna land og þeir eru ótrúlega vel inni í öllum íþróttum, ná ótrúlegum árangri miðað við fólksfjölda. Það er ótrúlega margt hérna sem tikkar í boxin hjá mér og svo finnst mér Króatía sem land mjög spennandi fyrir mig. Þetta styttir líka ferðalögin aðeins,“ segir Dagur sem ekki þarf lengur að ferðast yfir hálfan hnöttinn til móts við sitt lið. Fær þrjá daga með liðinu áður en barist verður um sæti á ÓL En pressan er mikil á honum, eins og fyrr segir: „Það verður nú eiginlega ekki til meiri pressa en fyrir fyrsta leik. Við spilum við Austurríki strax í umspili fyrir Ólympíuleika og ég fæ mannskapinn bara þremur dögum fyrir leik. Það tekur þá kannski pressuna aðeins af manni að geta ekki gert neitt, en það er gríðarleg pressa á að liðið komist á Ólympíuleikana. Ég nefndi það nú á blaðamannafundi að það eru margar góðar þjóðir sem eru ekki einu sinni í umspilinu, eins og Ísland til dæmis og Katar og fleiri. Það eru forréttindi að vera þó í þeirri stöðu. Svo verður ekki síðri pressa strax í janúar þegar heimsmeistaramótið fer að hluta til fram í Króatíu. Króatíska liðið kemur til með að spila sína leiki hér í Zagreb, í 15.000 manna höll þar sem að allt er vitlaust,“ segir Dagur. Líkt því þegar Dagur tók við Þýskalandi Dagur hefur áður þjálfað landslið Austurríkis, Þýskalands og Japans, og vakti mikla athygli með því að gera Þjóðverja að Evrópumeisturum og vinna brons með þeim á Ólympíuleikum, 2016. Hann sér margt líkt með stöðunni hjá Króatíu núna og þegar hann tók við Þýskalandi. Pogledajte ovu objavu na Instagramu. Objavu dijeli Hrvatski rukometni savez (@hrs_insta) „Þá var gullaldartímabili lokið og búið að vera hökt eftir það. Það eru leikmenn hérna sem eru á síðustu metrunum aldurslega, en á móti kemur að það eru feykilega öflugir strákar að koma upp sem eru rétt rúmlega tvítugir. Að mörgu leyti er því þetta ekkert ósvipuð staða og þegar ég tók við Þýskalandi. Svo á eftir að koma í ljós hvernig þetta raðast saman. Byrjunin verður mjög mikilvæg, og hún verður mjög erfið því það eru nokkrir lykilmenn meiddir eftir Evrópumótið. Ég þarf því aðeins að púsla þessu saman án þess að hafa mikla reynslu af þeim. Það hefði verið mjög gott að fá 2-3 vikur í æfingar og 4-5 æfingaleiki. En þrír dagar verða bara að duga,“ segir Dagur. Handbolti Ólympíuleikar 2024 í París Mest lesið Úr húsvarðarstarfi í atvinnumennsku Handbolti Rooney segir United losa sig við nær allan leikmannahópinn Enski boltinn Slys á æfingu fyrir fjórum árum er enn að eyðileggja fyrir Söru Sport Einbeitir sér að því að komast í NBA frekar en að spila með pabba sínum Körfubolti „Núna ætla ég að klára þetta þar sem þetta er síðasta tímabilið mitt hérna“ Sport Albert gáttaður á Lárusi Orra: „Hvað meinarðu? Hvað er í gangi hérna?“ Íslenski boltinn Tiger trúir enn á sjálfan sig: „Líður enn eins og ég geti unnið golfmót“ Golf Gerir sér grein fyrir erfiðu tímabili: „Þið eruð bestu stuðningsmenn í heimi“ Enski boltinn „Þetta var eitt það erfiðasta sem ég hef farið í gegnum“ Sport Birna með slitið krossband og missir af úrslitaeinvíginu Körfubolti Fleiri fréttir Úr húsvarðarstarfi í atvinnumennsku Uppgjörið og viðtöl: Valur - Afturelding 27-29 | Mosfellingar í úrslit Teitur skoraði fimm og Flensburg heldur naumlega í við toppliðin „Okkur dauðlangar í meira“ Íslendingaliðið tryggði sér oddaleik Ólafur Gústafsson aftur heim í FH: „Gleðidagur fyrir okkur FH-inga“ Einar hættir með kvennalið Fram „Við erum alveg róleg“ Uppgjör: Haukar - Valur 22-30 | Meistararnir í 2-0 Algjör niðurlæging sveina Dags sem hafa aldrei tapað stærra Vonar að pabbi sinn komist ekki á ÓL Heimsmeistararnir stöðvaðir á síðustu stundu Uppgjörið: Eistland - Ísland 24-37 | Gengu örugglega frá Eistum og tryggðu farseðil á HM Frost í sókn en sveinar Dags mörðu sigur Segja Ísland hafa skorað fimmtíu án þess að svitna „Annað hvort gera þeir eins og Man. City eða eins og Liverpool“ Grafalvarleg staða: „Við verðum að breyta þessu strax“ Einar Bragi skrifaði undir tveggja ára samning í Svíþjóð Slóvakía skellti Póllandi óvænt í umspili HM „Við vorum skugginn af sjálfum okkur“ Uppgjörið og viðtöl: Valur - Haukar 28-27 | Íslandsmeistarnir sluppu með skrekkinn Gagnrýnir lítinn stuðning við afreksíþróttafólk: „Upphæðin ein og sér er grín“ Myndaveisla frá risasigrinum á Eistum Færeyingar hársbreidd frá fyrsta heimsmeistaramótinu Uppgjörið: Ísland - Eistland 50-25 | Stigu bensínið í botn frá fyrstu mínútu „Ánægður að við sýndum þá hlið að við getum verið góðir í sextíu mínútur“ Þakklátur eftir fyrsta landsleikinn: „Tek bara einn dag fyrir í einu“ „Ekkert sjálfgefið að valta yfir lið“ Skyldusigur í kvöld: „Þurfum að koma okkur inn á HM“ Einar Bragi verður einn af strákunum okkar í kvöld Sjá meira
Dagur skrifaði undir samning til fjögurra ára, eftir að hafa fengið sig lausan frá Japan, og þarf að hafa hraðar hendur í nýju starfi, hjá liði sem er í vissum öldudal. Eftir hálfan mánuð er nefnilega umspil um sæti á Ólympíuleikum, þar sem Króatar berjast við Þýskaland, Austurríki og Alsír um tvö laus sæti í París í sumar. „Þeir eru mjög spenntir. Ég er fyrsti erlendi þjálfarinn hjá þeim og þeir hafa skipt ört um þjálfara, þannig að ég er að fara í ljónagryfjuna. Þeir hafa skipt um þjálfara nánast á hálfs árs fresti síðustu árin. En þetta er mjög spennandi,“ segir Dagur í viðtali við Vísi. Króatar áttu mjög lengi lið í allra fremstu röð og hafa til að mynda unnið tvö ólympíugull (1996 og 2004), heimsmeistaratitil 2003 og alls 14 verðlaun á stórmótum, síðast brons á EM 2016. „Mér fannst mjög spennandi að komast í lið sem er með þessa hefð sem þeir hafa. Það hefur gengið illa síðustu árin en þeir eru með rosalega ástríðu. Þetta er fjögurra milljóna manna land og þeir eru ótrúlega vel inni í öllum íþróttum, ná ótrúlegum árangri miðað við fólksfjölda. Það er ótrúlega margt hérna sem tikkar í boxin hjá mér og svo finnst mér Króatía sem land mjög spennandi fyrir mig. Þetta styttir líka ferðalögin aðeins,“ segir Dagur sem ekki þarf lengur að ferðast yfir hálfan hnöttinn til móts við sitt lið. Fær þrjá daga með liðinu áður en barist verður um sæti á ÓL En pressan er mikil á honum, eins og fyrr segir: „Það verður nú eiginlega ekki til meiri pressa en fyrir fyrsta leik. Við spilum við Austurríki strax í umspili fyrir Ólympíuleika og ég fæ mannskapinn bara þremur dögum fyrir leik. Það tekur þá kannski pressuna aðeins af manni að geta ekki gert neitt, en það er gríðarleg pressa á að liðið komist á Ólympíuleikana. Ég nefndi það nú á blaðamannafundi að það eru margar góðar þjóðir sem eru ekki einu sinni í umspilinu, eins og Ísland til dæmis og Katar og fleiri. Það eru forréttindi að vera þó í þeirri stöðu. Svo verður ekki síðri pressa strax í janúar þegar heimsmeistaramótið fer að hluta til fram í Króatíu. Króatíska liðið kemur til með að spila sína leiki hér í Zagreb, í 15.000 manna höll þar sem að allt er vitlaust,“ segir Dagur. Líkt því þegar Dagur tók við Þýskalandi Dagur hefur áður þjálfað landslið Austurríkis, Þýskalands og Japans, og vakti mikla athygli með því að gera Þjóðverja að Evrópumeisturum og vinna brons með þeim á Ólympíuleikum, 2016. Hann sér margt líkt með stöðunni hjá Króatíu núna og þegar hann tók við Þýskalandi. Pogledajte ovu objavu na Instagramu. Objavu dijeli Hrvatski rukometni savez (@hrs_insta) „Þá var gullaldartímabili lokið og búið að vera hökt eftir það. Það eru leikmenn hérna sem eru á síðustu metrunum aldurslega, en á móti kemur að það eru feykilega öflugir strákar að koma upp sem eru rétt rúmlega tvítugir. Að mörgu leyti er því þetta ekkert ósvipuð staða og þegar ég tók við Þýskalandi. Svo á eftir að koma í ljós hvernig þetta raðast saman. Byrjunin verður mjög mikilvæg, og hún verður mjög erfið því það eru nokkrir lykilmenn meiddir eftir Evrópumótið. Ég þarf því aðeins að púsla þessu saman án þess að hafa mikla reynslu af þeim. Það hefði verið mjög gott að fá 2-3 vikur í æfingar og 4-5 æfingaleiki. En þrír dagar verða bara að duga,“ segir Dagur.
Handbolti Ólympíuleikar 2024 í París Mest lesið Úr húsvarðarstarfi í atvinnumennsku Handbolti Rooney segir United losa sig við nær allan leikmannahópinn Enski boltinn Slys á æfingu fyrir fjórum árum er enn að eyðileggja fyrir Söru Sport Einbeitir sér að því að komast í NBA frekar en að spila með pabba sínum Körfubolti „Núna ætla ég að klára þetta þar sem þetta er síðasta tímabilið mitt hérna“ Sport Albert gáttaður á Lárusi Orra: „Hvað meinarðu? Hvað er í gangi hérna?“ Íslenski boltinn Tiger trúir enn á sjálfan sig: „Líður enn eins og ég geti unnið golfmót“ Golf Gerir sér grein fyrir erfiðu tímabili: „Þið eruð bestu stuðningsmenn í heimi“ Enski boltinn „Þetta var eitt það erfiðasta sem ég hef farið í gegnum“ Sport Birna með slitið krossband og missir af úrslitaeinvíginu Körfubolti Fleiri fréttir Úr húsvarðarstarfi í atvinnumennsku Uppgjörið og viðtöl: Valur - Afturelding 27-29 | Mosfellingar í úrslit Teitur skoraði fimm og Flensburg heldur naumlega í við toppliðin „Okkur dauðlangar í meira“ Íslendingaliðið tryggði sér oddaleik Ólafur Gústafsson aftur heim í FH: „Gleðidagur fyrir okkur FH-inga“ Einar hættir með kvennalið Fram „Við erum alveg róleg“ Uppgjör: Haukar - Valur 22-30 | Meistararnir í 2-0 Algjör niðurlæging sveina Dags sem hafa aldrei tapað stærra Vonar að pabbi sinn komist ekki á ÓL Heimsmeistararnir stöðvaðir á síðustu stundu Uppgjörið: Eistland - Ísland 24-37 | Gengu örugglega frá Eistum og tryggðu farseðil á HM Frost í sókn en sveinar Dags mörðu sigur Segja Ísland hafa skorað fimmtíu án þess að svitna „Annað hvort gera þeir eins og Man. City eða eins og Liverpool“ Grafalvarleg staða: „Við verðum að breyta þessu strax“ Einar Bragi skrifaði undir tveggja ára samning í Svíþjóð Slóvakía skellti Póllandi óvænt í umspili HM „Við vorum skugginn af sjálfum okkur“ Uppgjörið og viðtöl: Valur - Haukar 28-27 | Íslandsmeistarnir sluppu með skrekkinn Gagnrýnir lítinn stuðning við afreksíþróttafólk: „Upphæðin ein og sér er grín“ Myndaveisla frá risasigrinum á Eistum Færeyingar hársbreidd frá fyrsta heimsmeistaramótinu Uppgjörið: Ísland - Eistland 50-25 | Stigu bensínið í botn frá fyrstu mínútu „Ánægður að við sýndum þá hlið að við getum verið góðir í sextíu mínútur“ Þakklátur eftir fyrsta landsleikinn: „Tek bara einn dag fyrir í einu“ „Ekkert sjálfgefið að valta yfir lið“ Skyldusigur í kvöld: „Þurfum að koma okkur inn á HM“ Einar Bragi verður einn af strákunum okkar í kvöld Sjá meira