„Ekki draumastaða, ég get alveg sagt það“ Aron Guðmundsson skrifar 9. febrúar 2024 18:00 Þorsteinn Halldórsson er landsliðsþjálfari Íslands. Vísir/Vilhelm Þorsteinn Halldórsson, landsliðsþjálfari íslenska kvennalandsliðsins hefur valið leikmannahóp sem tekur þátt í mikilvægu einvígi um laust sæti í A-deild Þjóðadeildarinnar undir lok mánaðarins. Hann tekur andstæðinginn í umspilinu alvarlega og segir okkar konur þurfa að mæta klárar í allt. Sigur í einvíginu hefur mikið að segja um leið liðsins að sæti á Evrópumótinu í knattspyrnu árið 2025. Ísland fær eftir allt saman að spila á heimavelli en allt þarf að smella saman svo leikhæft verði hér undir lok febrúar. Engin draumastaða en þó vel möguleg. Íslenska landsliðið á fyrir höndum einvígi gegn Serbíu í umspili um laust sæti í A-deild Þjóðadeildarinnar undir lok þessa mánaðar og var leikmannahópur liðsins fyrir komandi verkefni opinberaður í dag. Ein stærstu tíðindin varðandi leikmannahópinn eru þau að Sveindís Jane Jónsdóttir, leikmaður Wolfsburg, snýr aftur eftir meiðsli. Serbar aldrei unnið Stelpurnar okkar í keppnisleik Þjálfarateymi íslenska landsliðsins hefur haft góðan tíma til þess að greina lið Serbíu og þó svo að Ísland hafi unnið alla sex keppnisleiki þessara liða til þessa er það kýrskýrt í augum Þorsteins Halldórssonar, landsliðsþjálfara að taka þarf andstæðinginn alvarlega. „Þetta er andstæðingur með góða leikmenn í góðum félagsliðum. Bara sterkt lið að mörgu leiti með sterka leikmenn inn á milli. Við þurfum að gera okkur grein fyrir því að við þurfum að mæta tilbúin í þessa leiki. Þurfum að mæta klár í allt. Það er mikil barátta í þessu liði, þær eru líkamlega sterkar og hafa verið að ná í góð úrslit. Ég nefni sem dæmi sterkan sigur þeirra á heimavelli gegn Þjóðverjum í undankeppni HM á síðasta ári. Við þurfum að eiga góða leiki til að slá þær út. Það er alveg ljóst. Varnarlega þurfum við að vera vel vakandi gegn leikmönnum þeirra. Serbía býr að sóknarleikmönnum sem eru virkilega góðir og vel skapandi. Þær vilja vera með boltann og eru sömuleiðis áræðnar. Sömuleiðis þegar að þetta serbneska lið vinnur boltann þá eru þær mjög beinskeyttar í sínum aðgerðum, spila fljótt upp og beita mörgum skyndisóknum. Svo geta þær verið rólegar á boltanum líka, líður vel með hann innan síns liðs og reyna að skapa opnanir hægt og rólega. Við þurfum að vera sterkar varnarlega en einnig vakandi fyrir því að opnanirnar sem við getum nýtt okkur koma þegar að þær tapa boltanum og hægt er að sækja hratt á þær. Það eru algengustu mörkin sem þetta serbneska lið hefur verið að fá á sig.“ Sigur hefur mikið að segja Og það er mikið í húfi í einvíginu sem mun hefjast á útileik í Serbíu þann 23. febrúar. Fjórum dögum síðar mætast liðin svo hér heima á Kópavogsvelli og gildir samanlagður árangur í þessum tveimur leikjum. Undankeppni Evrópumóts næsta árs byggir á árangri í Þjóðadeildinni og með því að halda sæti okkar í A-deild verða möguleikar Íslands á því að tryggja sér beint sæti á EM 2025 betri þar sem að efstu tvö lið hvers riðils A-deildarinnar tryggja sér sæti á mótinu. Liðin í þriðja og fjórða sæti hvers riðils í A-deildinni munu svo taka þátt í tveggja umferða umspili um sæti á EM Með að hámarki tveimur einvígjum við lið úr C deild og svo mögulega B eða C deild. Leiðin yrði torfærari falli Ísland niður í B-deild með tapi í einvíginu gegn Serbíu. Öðruvísi nálgun? Það er nú ekki á hverjum degi sem íslenska landsliðið heldur inn í tveggja leikja einvígi. Nálgunin á svona einvígi. Er hún önnur heldur en ef aðeins væri um að ræða einn leik? „Já það mætti segja það. Maður fer náttúrulega inn í fyrri leikinn með það hugarfar að maður sé ekki að fara opna allt og taka mikið af sénsum. Ég geri ráð fyrir því að við spilum nokkuð lokaðan leik úti í Serbíu og gefum ekki mörg færi á okkur. Maður lítur svolítið á þetta þannig að Serbarnir muni þurfa að taka einhverja sénsa á sínum heimavelli. Samt sem áður munu þær ábyggilega einnig hugsa þetta þannig að þær vilja vera lifandi í einvíginu þegar komið er inn í seinni leikinn hér á Íslandi. Þetta verður taktískur leikur held ég.“ Hafandi allt þetta í huga. Er þá betra að eiga seinni leikinn í einvíginu hér á heimavelli eða skiptir það engu máli? „Ég veit það ekki. Það getur oft verið betra að eiga seinni leikinn á heimavelli en samt sem áður snýst þetta nú alltaf um úrslit og skiptir því kannski ekkert þannig séð miklu máli hvort seinni leikurinn sé á heimavelli. Það er þó oft talað um það þannig að það sé betra að svo sé. Það er ekki mikil reynsla af því í landsliðunum hjá okkur að spila heima og að heiman í einvígum undanfarin ár. Þetta verður bara allt að koma í ljós hvernig við tæklum þetta.“ Fá að spila á Íslandi Það er þó allavegana klárt að íslenska landsliðið fékk undanþágu til þess að spila heimaleik sinn á Íslandi og það á Kópavogsvelli. Eins og mikið hefur verið rætt og ritað um er ekki til knattspyrnuvöllur hér á landi sem stenst nútímakröfur sambandsins og því verður einnig að vonast til þess að veðurfarslegar aðstæður verði góðar og til friðs þegar Ísland tekur á móti Serbíu í seinni leik einvígisins undir lok febrúar. En er það ekki ótrúlega leiðinlegt limbó í aðdraganda svona stórleiks að vera upp á það kominn að allt gangi upp svo hægt verði að spila hér við góðar aðstæður? „Við skulum vona að það verði ánægjulegt að spila hér heima. Við vitum að Kópavogsvöllur er fínn og sömuleiðis aðstaðan þar en svo þarf bara að koma í ljós hvaða aðstæður okkur verður boðið upp á af aðilum sem við stjórnum ekki.“ En er það ekki leiðinlegt limbó í aðdraganda svona stórleikja að þurfa að vera upp á góðar veðurfarslegar aðstæður kominn til þess að geta spilað leik á leikhæfum velli? „Það er ekki draumastaða. Ég get alveg sagt það. En samt er maður ekkert farinn að hugsa út í það. Einbeiting okkar er á því að fram undan eru tveir fótboltaleikir og við þurfum að takast á við þær aðstæður sem þar koma upp sama hverjar þær verða. Sama gildir um Serbana. Þetta kemur jafnt niður á báðum liðum væntanlega.“ Enduðu síðasta ár á góðu nótunum Íslenska landsliðið endaði síðasta ár á hvelli með tveimur útisigrum í Þjóðadeildinni gegn Wales og svo Danmörku. Frammistaðan, sér í lagi í leiknum við Dani, var frábær og ætla mætti að hún myndi gefa íslenska landsliðinu kraft og sjálfstraust inn í komandi verkefni. „Jú auðvitað vonast maður til þess. Sigrar næra mann alltaf og hjálpa til með sjálfstraust og allt það. Það er það sem maður vonast til að þeir gefi okkur. Gefi okkur áfram möguleika á því að þróa okkur, verða betri og betri. Heilt yfir fannst mér nú frammistaðan í Þjóðadeildinni vera góð. Það var stígandi í okkar leik og heilt yfir vorum við að spila gott mót. Við náum besta árangri liða í þriðja sæti í riðlakeppninni. Þetta er alveg ágætis frammistaða og við getum aðallega verið stolt af okkar framgöngu á útivelli í Wales og svo í Danmörku. Við síðustu tvo leikina vel og vonandi tökum við það sem við gerðum vel í því verkefni inn í þetta verkefni. Auðvitað líður langur tími á milli leikja en maður vonast til að þetta gefi okkur mikið.“ Landslið kvenna í fótbolta Þjóðadeild kvenna í fótbolta Mest lesið Fjölmiðlar keppast við að lítillækka landsliðið eftir tapið gegn Íslandi Fótbolti Ótrúlegt atvik á EM: Fagnaði of snemma og missti af medalíu Sport Utan vallar: Þeim er ekki sama núna Fótbolti Pitstop-torfæran fór fram í dag Sport Sjáðu markið sem tryggði Íslandi sigur gegn Englandi Fótbolti Gefur Englendingum ekki háa einkunn: „Flatt, leiðinlegt og ömurlegt“ Fótbolti Andri Lucas kveður Lyngby: „Hjálpuðu mér að stíga næsta skref á ferlinum“ Fótbolti Uppgjör og viðtöl: Valur - Stjarnan 4-0 | Íslandsmeistararnir aftur á sigurbraut Íslenski boltinn Uppgjör og viðtöl: Fylkir - FH 0-3 | Öruggt hjá FH-ingum í Árbænum Íslenski boltinn Uppgjör og viðtöl: Víkingur - Keflavík 0-1 | Annar sigur Keflvíkinga í röð Íslenski boltinn Fleiri fréttir „Ég var að reyna senda hann á fjærsvæðið og hann fór inn, ég tek því bara” „Sést oft í Eyjum og á N1 mótinu en á kannski ekki að vera í fullorðinsfótbolta” Danir lögðu Noreg í síðasta leik fyrir EM „Við vorum ekki að fara spila fótbolta hérna“ Þrenna Kristrúnar tryggði Þrótti fyrsta sigur tímabilsins Snædís María: Leikplanið gekk mjög vel upp „Ég elska að vera í slagsmálum“ „Verður að virða myrkraöfl knattspyrnunnar“ Uppgjör og viðtöl: Víkingur - Keflavík 0-1 | Annar sigur Keflvíkinga í röð „Vildi koma mínu fram í seinni hálfleik og það heppnaðist“ Uppgjör og viðtöl: Fylkir - FH 0-3 | Öruggt hjá FH-ingum í Árbænum Uppgjör og viðtöl: Valur - Stjarnan 4-0 | Íslandsmeistararnir aftur á sigurbraut Uppgjör: Þór/KA - Breiðablik 0-3 | Blikar völtuðu yfir toppslaginn Utan vallar: Þeim er ekki sama núna Þórdís skoraði annan leikinn í röð og yfirburðir Rosengård algjörir Ekki fyrsti sigur Åge á Englandi: „Maggie Thatcher, strákunum þínum var rústað!“ Telur að England geti unnið EM þrátt fyrir áfallið gegn Íslandi Gefur Englendingum ekki háa einkunn: „Flatt, leiðinlegt og ömurlegt“ Messi útilokar ekki að spila á næsta heimsmeistaramóti Stjórnarformaður Liverpool staðráðinn í að spila leiki utan Englands Andri Lucas kveður Lyngby: „Hjálpuðu mér að stíga næsta skref á ferlinum“ Kroos mun einbeita sér að þjálfun og hlaðvarpshaldi eftir EM Fjölmiðlar keppast við að lítillækka landsliðið eftir tapið gegn Íslandi „Allir tala eins og við séum að fara að valta yfir mótið og vinna það“ „Frábært að koma hingað á mitt annað heimili og skemma partýið“ Åge: Gott fyrir strákana Jón Dagur: „Já þetta bara gerðist?“ Uppgjör: England - Ísland 0-1 | Strákarnir okkar með frækinn sigur á Wembley Sjáðu markið sem tryggði Íslandi sigur gegn Englandi Samfélagsmiðlar eftir sigurinn: Íslendingar kampakátir en Englendingar ekki lengur vongóðir fyrir EM Sjá meira
Sigur í einvíginu hefur mikið að segja um leið liðsins að sæti á Evrópumótinu í knattspyrnu árið 2025. Ísland fær eftir allt saman að spila á heimavelli en allt þarf að smella saman svo leikhæft verði hér undir lok febrúar. Engin draumastaða en þó vel möguleg. Íslenska landsliðið á fyrir höndum einvígi gegn Serbíu í umspili um laust sæti í A-deild Þjóðadeildarinnar undir lok þessa mánaðar og var leikmannahópur liðsins fyrir komandi verkefni opinberaður í dag. Ein stærstu tíðindin varðandi leikmannahópinn eru þau að Sveindís Jane Jónsdóttir, leikmaður Wolfsburg, snýr aftur eftir meiðsli. Serbar aldrei unnið Stelpurnar okkar í keppnisleik Þjálfarateymi íslenska landsliðsins hefur haft góðan tíma til þess að greina lið Serbíu og þó svo að Ísland hafi unnið alla sex keppnisleiki þessara liða til þessa er það kýrskýrt í augum Þorsteins Halldórssonar, landsliðsþjálfara að taka þarf andstæðinginn alvarlega. „Þetta er andstæðingur með góða leikmenn í góðum félagsliðum. Bara sterkt lið að mörgu leiti með sterka leikmenn inn á milli. Við þurfum að gera okkur grein fyrir því að við þurfum að mæta tilbúin í þessa leiki. Þurfum að mæta klár í allt. Það er mikil barátta í þessu liði, þær eru líkamlega sterkar og hafa verið að ná í góð úrslit. Ég nefni sem dæmi sterkan sigur þeirra á heimavelli gegn Þjóðverjum í undankeppni HM á síðasta ári. Við þurfum að eiga góða leiki til að slá þær út. Það er alveg ljóst. Varnarlega þurfum við að vera vel vakandi gegn leikmönnum þeirra. Serbía býr að sóknarleikmönnum sem eru virkilega góðir og vel skapandi. Þær vilja vera með boltann og eru sömuleiðis áræðnar. Sömuleiðis þegar að þetta serbneska lið vinnur boltann þá eru þær mjög beinskeyttar í sínum aðgerðum, spila fljótt upp og beita mörgum skyndisóknum. Svo geta þær verið rólegar á boltanum líka, líður vel með hann innan síns liðs og reyna að skapa opnanir hægt og rólega. Við þurfum að vera sterkar varnarlega en einnig vakandi fyrir því að opnanirnar sem við getum nýtt okkur koma þegar að þær tapa boltanum og hægt er að sækja hratt á þær. Það eru algengustu mörkin sem þetta serbneska lið hefur verið að fá á sig.“ Sigur hefur mikið að segja Og það er mikið í húfi í einvíginu sem mun hefjast á útileik í Serbíu þann 23. febrúar. Fjórum dögum síðar mætast liðin svo hér heima á Kópavogsvelli og gildir samanlagður árangur í þessum tveimur leikjum. Undankeppni Evrópumóts næsta árs byggir á árangri í Þjóðadeildinni og með því að halda sæti okkar í A-deild verða möguleikar Íslands á því að tryggja sér beint sæti á EM 2025 betri þar sem að efstu tvö lið hvers riðils A-deildarinnar tryggja sér sæti á mótinu. Liðin í þriðja og fjórða sæti hvers riðils í A-deildinni munu svo taka þátt í tveggja umferða umspili um sæti á EM Með að hámarki tveimur einvígjum við lið úr C deild og svo mögulega B eða C deild. Leiðin yrði torfærari falli Ísland niður í B-deild með tapi í einvíginu gegn Serbíu. Öðruvísi nálgun? Það er nú ekki á hverjum degi sem íslenska landsliðið heldur inn í tveggja leikja einvígi. Nálgunin á svona einvígi. Er hún önnur heldur en ef aðeins væri um að ræða einn leik? „Já það mætti segja það. Maður fer náttúrulega inn í fyrri leikinn með það hugarfar að maður sé ekki að fara opna allt og taka mikið af sénsum. Ég geri ráð fyrir því að við spilum nokkuð lokaðan leik úti í Serbíu og gefum ekki mörg færi á okkur. Maður lítur svolítið á þetta þannig að Serbarnir muni þurfa að taka einhverja sénsa á sínum heimavelli. Samt sem áður munu þær ábyggilega einnig hugsa þetta þannig að þær vilja vera lifandi í einvíginu þegar komið er inn í seinni leikinn hér á Íslandi. Þetta verður taktískur leikur held ég.“ Hafandi allt þetta í huga. Er þá betra að eiga seinni leikinn í einvíginu hér á heimavelli eða skiptir það engu máli? „Ég veit það ekki. Það getur oft verið betra að eiga seinni leikinn á heimavelli en samt sem áður snýst þetta nú alltaf um úrslit og skiptir því kannski ekkert þannig séð miklu máli hvort seinni leikurinn sé á heimavelli. Það er þó oft talað um það þannig að það sé betra að svo sé. Það er ekki mikil reynsla af því í landsliðunum hjá okkur að spila heima og að heiman í einvígum undanfarin ár. Þetta verður bara allt að koma í ljós hvernig við tæklum þetta.“ Fá að spila á Íslandi Það er þó allavegana klárt að íslenska landsliðið fékk undanþágu til þess að spila heimaleik sinn á Íslandi og það á Kópavogsvelli. Eins og mikið hefur verið rætt og ritað um er ekki til knattspyrnuvöllur hér á landi sem stenst nútímakröfur sambandsins og því verður einnig að vonast til þess að veðurfarslegar aðstæður verði góðar og til friðs þegar Ísland tekur á móti Serbíu í seinni leik einvígisins undir lok febrúar. En er það ekki ótrúlega leiðinlegt limbó í aðdraganda svona stórleiks að vera upp á það kominn að allt gangi upp svo hægt verði að spila hér við góðar aðstæður? „Við skulum vona að það verði ánægjulegt að spila hér heima. Við vitum að Kópavogsvöllur er fínn og sömuleiðis aðstaðan þar en svo þarf bara að koma í ljós hvaða aðstæður okkur verður boðið upp á af aðilum sem við stjórnum ekki.“ En er það ekki leiðinlegt limbó í aðdraganda svona stórleikja að þurfa að vera upp á góðar veðurfarslegar aðstæður kominn til þess að geta spilað leik á leikhæfum velli? „Það er ekki draumastaða. Ég get alveg sagt það. En samt er maður ekkert farinn að hugsa út í það. Einbeiting okkar er á því að fram undan eru tveir fótboltaleikir og við þurfum að takast á við þær aðstæður sem þar koma upp sama hverjar þær verða. Sama gildir um Serbana. Þetta kemur jafnt niður á báðum liðum væntanlega.“ Enduðu síðasta ár á góðu nótunum Íslenska landsliðið endaði síðasta ár á hvelli með tveimur útisigrum í Þjóðadeildinni gegn Wales og svo Danmörku. Frammistaðan, sér í lagi í leiknum við Dani, var frábær og ætla mætti að hún myndi gefa íslenska landsliðinu kraft og sjálfstraust inn í komandi verkefni. „Jú auðvitað vonast maður til þess. Sigrar næra mann alltaf og hjálpa til með sjálfstraust og allt það. Það er það sem maður vonast til að þeir gefi okkur. Gefi okkur áfram möguleika á því að þróa okkur, verða betri og betri. Heilt yfir fannst mér nú frammistaðan í Þjóðadeildinni vera góð. Það var stígandi í okkar leik og heilt yfir vorum við að spila gott mót. Við náum besta árangri liða í þriðja sæti í riðlakeppninni. Þetta er alveg ágætis frammistaða og við getum aðallega verið stolt af okkar framgöngu á útivelli í Wales og svo í Danmörku. Við síðustu tvo leikina vel og vonandi tökum við það sem við gerðum vel í því verkefni inn í þetta verkefni. Auðvitað líður langur tími á milli leikja en maður vonast til að þetta gefi okkur mikið.“
Landslið kvenna í fótbolta Þjóðadeild kvenna í fótbolta Mest lesið Fjölmiðlar keppast við að lítillækka landsliðið eftir tapið gegn Íslandi Fótbolti Ótrúlegt atvik á EM: Fagnaði of snemma og missti af medalíu Sport Utan vallar: Þeim er ekki sama núna Fótbolti Pitstop-torfæran fór fram í dag Sport Sjáðu markið sem tryggði Íslandi sigur gegn Englandi Fótbolti Gefur Englendingum ekki háa einkunn: „Flatt, leiðinlegt og ömurlegt“ Fótbolti Andri Lucas kveður Lyngby: „Hjálpuðu mér að stíga næsta skref á ferlinum“ Fótbolti Uppgjör og viðtöl: Valur - Stjarnan 4-0 | Íslandsmeistararnir aftur á sigurbraut Íslenski boltinn Uppgjör og viðtöl: Fylkir - FH 0-3 | Öruggt hjá FH-ingum í Árbænum Íslenski boltinn Uppgjör og viðtöl: Víkingur - Keflavík 0-1 | Annar sigur Keflvíkinga í röð Íslenski boltinn Fleiri fréttir „Ég var að reyna senda hann á fjærsvæðið og hann fór inn, ég tek því bara” „Sést oft í Eyjum og á N1 mótinu en á kannski ekki að vera í fullorðinsfótbolta” Danir lögðu Noreg í síðasta leik fyrir EM „Við vorum ekki að fara spila fótbolta hérna“ Þrenna Kristrúnar tryggði Þrótti fyrsta sigur tímabilsins Snædís María: Leikplanið gekk mjög vel upp „Ég elska að vera í slagsmálum“ „Verður að virða myrkraöfl knattspyrnunnar“ Uppgjör og viðtöl: Víkingur - Keflavík 0-1 | Annar sigur Keflvíkinga í röð „Vildi koma mínu fram í seinni hálfleik og það heppnaðist“ Uppgjör og viðtöl: Fylkir - FH 0-3 | Öruggt hjá FH-ingum í Árbænum Uppgjör og viðtöl: Valur - Stjarnan 4-0 | Íslandsmeistararnir aftur á sigurbraut Uppgjör: Þór/KA - Breiðablik 0-3 | Blikar völtuðu yfir toppslaginn Utan vallar: Þeim er ekki sama núna Þórdís skoraði annan leikinn í röð og yfirburðir Rosengård algjörir Ekki fyrsti sigur Åge á Englandi: „Maggie Thatcher, strákunum þínum var rústað!“ Telur að England geti unnið EM þrátt fyrir áfallið gegn Íslandi Gefur Englendingum ekki háa einkunn: „Flatt, leiðinlegt og ömurlegt“ Messi útilokar ekki að spila á næsta heimsmeistaramóti Stjórnarformaður Liverpool staðráðinn í að spila leiki utan Englands Andri Lucas kveður Lyngby: „Hjálpuðu mér að stíga næsta skref á ferlinum“ Kroos mun einbeita sér að þjálfun og hlaðvarpshaldi eftir EM Fjölmiðlar keppast við að lítillækka landsliðið eftir tapið gegn Íslandi „Allir tala eins og við séum að fara að valta yfir mótið og vinna það“ „Frábært að koma hingað á mitt annað heimili og skemma partýið“ Åge: Gott fyrir strákana Jón Dagur: „Já þetta bara gerðist?“ Uppgjör: England - Ísland 0-1 | Strákarnir okkar með frækinn sigur á Wembley Sjáðu markið sem tryggði Íslandi sigur gegn Englandi Samfélagsmiðlar eftir sigurinn: Íslendingar kampakátir en Englendingar ekki lengur vongóðir fyrir EM Sjá meira
Uppgjör og viðtöl: Valur - Stjarnan 4-0 | Íslandsmeistararnir aftur á sigurbraut Íslenski boltinn
Samfélagsmiðlar eftir sigurinn: Íslendingar kampakátir en Englendingar ekki lengur vongóðir fyrir EM
Uppgjör og viðtöl: Valur - Stjarnan 4-0 | Íslandsmeistararnir aftur á sigurbraut Íslenski boltinn