Innlent

Á­fram fundað stíft í Karp­húsinu

Árni Sæberg skrifar
Ástráður Haraldsson ríkissáttasemjari hefur sett sjálfan sig og samningafólki í fjölmiðlabann.
Ástráður Haraldsson ríkissáttasemjari hefur sett sjálfan sig og samningafólki í fjölmiðlabann. Vísir/Einar

Fulltrúar breiðfylkingar stéttarfélaga og Samtaka atvinnulífsins hófu fundahöld klukkan 09 í morgun og gert er ráð fyrir því að fundað verði áfram í allan dag.

Þetta segir Ástráður Haraldsson ríkissáttasemjari í samtali við Vísi. Hann segir annars fátt nýtt að frétta af kjaraviðræðum. Frá því að Ástráður setti sjálfan sig og samningsaðila í fjölmiðlabann hafa litlar upplýsingar borist um gang viðræðna. Ekki náðist í fulltrúa samningsaðila og því má gera ráð fyrir því að fundað sé stíft.

Samningsaðilar funduðu frá klukkan 09 til 17 í gær.

Sigríður Margrét Oddsdóttir, framkvæmdastjóri Samtaka atvinnulífsins, hefur þó sagt að samningsviljinn væri sterkur og að fundað yrði þar til samningar næðust.

Viðræðum um nýja kjarasamninga var vísað til sáttasemjara þann 24. janúar eftir nokkrar vikur af viðræðum.

Kjaraviðræður 2023-24 Kjaramál
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið