Viðskipti innlent

Tekur við for­stjóra­stólnum af eig­andanum

Árni Sæberg skrifar
Brynjar Elefsen Óskarsson, nýr forstjór BL.
Brynjar Elefsen Óskarsson, nýr forstjór BL. BL

Um nýliðin áramót tók Brynjar Elefsen Óskarsson við sem forstjóri bílaumboðsins BL ehf.. Hann tekur við af Ernu Gísladóttur, eiganda BL, sem hefur verið forstjóri félagsins síðastliðin 11 ár.

Þetta segir í fréttatilkynningu frá BL vegna forstjóraskiptanna. Þar segir að Brynjar hafi starfað hjá BL undanfarin tíu ár, þar af sem framkvæmdastjóri sölusviðs merkja BL á Sævarhöfða frá árinu 2019.

Hann sé þakklátur fyrir það traust sem eigendur og stjórn BL sýni honum og hlakki til þess að leiða fyrirtækið á komandi tímum sem verði jafnt krefjandi sem spennandi. 

„BL hefur verið söluhæsta bílaumboð landsins síðastliðin tíu ár og með frábæru starfsfólki hefur okkur tekist að aðlagast hratt að þeim breytingum og áskorunum sem við höfum mætt í bílgreininni. BL er því á frábærum stað til þess að takast á við næsta kafla í orkuskiptunum, snjallvæðingu og aukinni samkeppni sem fyrirsjáanleg er á bílamarkaðnum,“ er haft eftir Brynjari, sem er viðskiptafræðingur frá Háskólanum í Reykjavík og með meistaragráðu í forystu og stjórnun frá Háskólanum á Bifröst.

Vistaskipti Bílar


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið