Innlent

Dag­björt á­kærð fyrir mann­dráp í Bátavogi

Árni Sæberg skrifar
Karlmaðurinn fannst látinn í fjölbýlishúsi við Bátavog 1-7 laugardagskvöldið 23. september.
Karlmaðurinn fannst látinn í fjölbýlishúsi við Bátavog 1-7 laugardagskvöldið 23. september. Vísir/Vilhelm

Héraðssaksóknari gaf í dag út ákæru á hendur Dagbjörtu Rúnarsdóttur, 42 ára gamalli konu, fyrir manndráp í Bátavogi í Reykjavík þann 23. september síðastliðinn.

Þetta staðfestir Arnþrúður Þórarinsdóttir, sem sækir málið fyrir hönd ákæruvaldsins, í samtali við Vísi. DV greindi fyrst frá ákærunni.

Arnþrúður segir að ákæran hafi ekki enn verið birt Dagbjörtu og fyrirkall ekki verið gefið út. Því liggur ekki annað fyrir í málinu en að Dagbjört sæti ákæru fyrir manndráp samkvæmt 211. grein almennra hegningarlaga. 

Hefur verið í gæsluvarðhaldi í tæpa þrjá mánuði

Það var mánudagsmorguninn 25. september sem lögreglan á höfuðborgarsvæðinu sendi frá sér tilkynningu um að 58 ára karlmaður hefði fundist meðvitundarlaus í félagsíbúð við Bátavog í Reykjavík laugardagskvöldið 23. september. 

Kona um fertugt hefði verið úrskurðuð í gæsluvarðhald á grundvelli rannsóknarhagsmuna eftir að hafa verið handtekin í íbúð í austurborginni á laugardagskvöld.

Tilkynning hafði borist lögreglu sama kvöld og þegar lögregluþjónar mættu á staðinn hófu þeir þegar endurlífgunartilraunir. Hann var í framhaldinu fluttur á Landspítalann en úrskurðaður látinn við komuna.

Dagbjört Rúnarsdóttir, sem hefur ekki verið nafngreind fyrr en nú, hefur setið í gæsluvarðhaldi síðan.

Mannslát til rannsóknar í Bátavogi Dómsmál Lögreglumál Reykjavík
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið