Manchester United úr leik eftir tap gegn Bayern

Manchester United er úr leik í Meistaradeild Evrópu eftir 0-1 tap gegn Bayern München í lokaumferð riðlakeppninnar í kvöld.

Fyrir leik var ljóst að mikið þyrfti að ganga upp til að United ætti möguleika á sæti í 16-liða úrslitum. Liðið þurfti að vinna Þýskalandsmeistara Bayern og treysta á jafntefli í viðureign FCK og Galatasaray á sama tíma.

Von liðsins minnkaði til muna þegar FCK tók forystuna gegn Galatasaray um miðjan síðari hálfleikinn í Kaupmannahöfn og vonarneistinn slokknaði alveg þegar Kingsley Coman kom Bayern yfir á Old Trafford eftir fallegt samspil við Harry Kane.

Niðurstaðan varð því 0-1 sigur Bayern sem endar með 16 stig á toppi A-riðils og fer í 16-liða úrslit, ásamt FCK sem vann sinn leik gegn Galatasaray. Manchester United endar hins vegar í neðsta sæti riðilsins meðfjögur stig og missir þar af leiðandi einnig af sæti í Evrópudeildinni.