Samið um starfslok eftir að akkerið skemmdi vatnslögn Eyjamanna Kolbeinn Tumi Daðason skrifar 28. nóvember 2023 11:22 Gylfi Viðar, Sigurgeir Brynjar og Guðmundur Huginn við kaup Vinnslustöðvarinnar á Huginn í ársbyrjun 2021. Vinnslustöðin Skipstjóri og stýrimaður á Huginn VE hafa lokið störfum hjá Vinnslustöðinni í framhaldi af því að akkeri skipsins skemmdi vatnslögn Eyjamanna. Óttast er um vatnsskort í Vestmannaeyjum í vetur. Hættustigi almannavarna hefur verið lýst yfir í Vestmannaeyjum vegna skemmda sem urðu á vatnslögn við innsiglingu til Vestmannaeyja föstudagskvöldið 17. nóvember. Akkeri skipsins hafnaði á vatnslögninni með fyrrnefndum afleiðingum. Lögregla og rannsóknarnefnd samgönguslysa hafa atvikið til skoðunar. Þá hefur Vinnslustöðin framkvæmt sína eigin skoðun innanhúss. „Við erum að reyna að gera okkur grein fyrir því hér innanhúss hvað fór úrskeiðis,“ segir Sigurgeir Brynjar Kristgeirsson er framkvæmdastjóri Vinnslustöðvarinnar. Huginn VE að loðnuveiðum undan Snæfellsjökli í mars 2021.KMU Skipstjóri og stýrimaður sem voru í brúnni á Hugin VE þegar atvikið varð fyrir ellefu dögum hafa lokið störfum hjá Vinnslustöðinni. Þeir eru báðir skipstjórar en sigldu skipinu til skiptis. „Við gerðum samkomulag við þá um að þeir hættu,“ segir Sigurgeir Brynjar. Hann vill ekki tjá sig frekar um ástæður uppsagnarinnar. Vinnslustöðin keypti útgerðarfélagið Hugin snemma árs 2021. Við kaupin var ákveðið að Guðmundur Ingi Guðmundsson yrði skipstjóri á móti föður sínum Guðmundi Hugin Guðmundssyni og föðurbróður, Gylfa Viðari Guðmundssyni. Gylfi og Guðmundur Huginn áttu 17,15 prósenta hlut í Hugin við söluna. Nokkuð er síðan Guðmundur Huginn hætti að róa hjá Vinnslustöðinni og nú hafa Guðmundur Ingi og Gylfi Viðar horfið á braut. Sigurgeir Brynjar hafnar því með öllu að uppsagnirnar tengist því að verið sé að losa sig við Huginsmenn. „Nei, það er ekkert til í því. Það er ekki svoleiðis.“ Akkerið úr skipinu er enn á botni sjávar enda fast í lögninni. Skemmdir á lögninni ná yfir um þrjú hundruð metra kafla á lögninni sem hefur færst mikið úr stað. Möguleikar á bráðabirgðaviðgerð eru því litlir. „Eina varanlega lausnin er ný lögn. Mikilvægt er að vinna mat á afleiðingum sem takmarkað rennsli vatns eða algert rof hefði á íbúa og starfsemi í Vestmannaeyjum og hrinda af stað mótvægisaðgerðum til að koma í veg fyrir að neyðarástand skapist,“ sagði í tilkynningu ríkislögreglustjóra í morgun. Sigurgeir Brynjari dylst ekki alvarleiki málsins. Hann segir fyrirtækið hafa fengið nýjar upplýsingar um málið í gær. „Í ljósi þess sem við fengum í gær er ég ekki hissa á því að lýst er yfir hættustigi,“ segir Sigurgeir Brynjar. Það sé þó annarra að útskýra stöðuna, þeirra sem séu með gögnin. Gamli sveitamaðurinn svartsýnn „En gamla sveitamanninum lýst ekki vel á stöðuna. Eins og staðan er í dag er ekki líklegt að atvinnulífið fái nægt vatn í vetur til að standa undir framleiðslu,“ segir Sigurgeir Brynjar. Ljóst sé að fara þurfi í ýmsar aðgerðir. Sigurgeir Brynjar er framkvæmdastjóri Vinnslustöðvarinnar.Vísir/Egill Í tilkynningu ríkislögreglustjóra í morgun sagði að á næstu dögum yrði unnið að tillögu og framkvæmdum til að laga leiðsluna eða bæta ástandið. Markmið þeirrar vinnu væri að tryggja öryggi og velferð Vestmannaeyinga. Vatnslögnin sé enn nothæf og þjóni Vestmannaeyjum. Ekki þurfi að safna vatni að svo stöddu. Von er á rannsóknarnefnd samgönguslysa til Eyja á fimmtudag þar sem skipið verður yfirfarið og rætt við þá áhafnarmeðlimi sem nefndin óskar eftir. Þá hafi rannsóknarnefndin óskað eftir því að láta fara fram sjópróf þar sem allir sem voru í áhöfn verða kallaðir til og farið í siglingu til að fara yfir atburðarásina. Hvorki náðist í Guðmund Inga né Gylfa Viðar við vinnslu fréttarinnar. Ekki heldur lögregluna í Vestmannaeyjum. Að neðan má sjá annað myndband af skemmdunum á lögninni. Skemmd neysluvatnslögn í Eyjum Vestmannaeyjar Samgönguslys Sjávarútvegur Lögreglumál Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Var í símanum á 142 kílómetra hraða áður en hann lést Innlent Halla Tómasdóttir tekur stökk í nýrri könnun Prósents Innlent Vaknaði og barnið var horfið Innlent Læknirinn mátti læsa dætur sínar inni eftir allt saman Innlent „Hvers konar „motherfucking“ óþverri væri þessi guð ef hann er til“ Innlent Forsetavaktin 2024: Hver verður sjöundi forseti lýðveldisins? Innlent Samfélagið í áfalli vegna málsins Innlent Mikið vesen á veitingastöðum borgarinnar Innlent Kórónuveirufaraldurinn ekkert miðað við sýklalyfjaónæmi Erlent Hvar eru Illugi Jökuls, Hallgrímur Helga, Atli Þór Fanndal? Innlent Fleiri fréttir Maðurinn ríkisborgari Möltu Dæmdur fyrir manndráp af gáleysi vegna ofsaaksturs undir áhrifum Áhorf á úrslit Eurovision hríðféll Sýnist stefna í kapphlaup tveggja en útilokar þó ekki vendingar Mótmæla þróun gervigreindar á Austurvelli Veit ekki hvort hann fái svar áður en spurningin verði úrelt Auknar líkur á gosi sem gæti hafist án fyrirvara Guðni heldur utan til að kveðja Margréti Þórhildi Telur ástandið á sauðfjárbúinu ekki eins slæmt og menn vilja vera láta Læknirinn mátti læsa dætur sínar inni eftir allt saman Hvar eru Illugi Jökuls, Hallgrímur Helga, Atli Þór Fanndal? „Hvers konar „motherfucking“ óþverri væri þessi guð ef hann er til“ Var í símanum á 142 kílómetra hraða áður en hann lést Vaknaði og barnið var horfið Mikið vesen á veitingastöðum borgarinnar Halla Tómasdóttir tekur stökk í nýrri könnun Prósents „Algjörlega forkastanlegt“ ef stjórnvöld svari ekki beiðninni Minnstu smáatriði úthugsuð og til þess gerð að skapa hughrif Samfélagið í áfalli vegna málsins Vilja bæta íslenskukennslu fyrir innflytjendur Ragnar Freyr segist hreinsaður af sök Læknir segir að brottvísun muni ógna lífi sjúklings „Er réttur þinn eða mannréttindi að einhver annar deyði þig?“ Kviknaði í bragga á Egilsstöðum Meint fjárkúgun, frelsissvipting og líkamsárás Rannsaka alvarlegt ofbeldisbrot í Árnessýslu Pólitíkin, dánaraðstoð, NATO og kosningar á Sprengisandi „Mig langaði bara að drepa þennan mann“ Grunaðir um rán í miðbænum Aðrir frambjóðendur en efstu tveir eigi töluvert langt í land Sjá meira
Hættustigi almannavarna hefur verið lýst yfir í Vestmannaeyjum vegna skemmda sem urðu á vatnslögn við innsiglingu til Vestmannaeyja föstudagskvöldið 17. nóvember. Akkeri skipsins hafnaði á vatnslögninni með fyrrnefndum afleiðingum. Lögregla og rannsóknarnefnd samgönguslysa hafa atvikið til skoðunar. Þá hefur Vinnslustöðin framkvæmt sína eigin skoðun innanhúss. „Við erum að reyna að gera okkur grein fyrir því hér innanhúss hvað fór úrskeiðis,“ segir Sigurgeir Brynjar Kristgeirsson er framkvæmdastjóri Vinnslustöðvarinnar. Huginn VE að loðnuveiðum undan Snæfellsjökli í mars 2021.KMU Skipstjóri og stýrimaður sem voru í brúnni á Hugin VE þegar atvikið varð fyrir ellefu dögum hafa lokið störfum hjá Vinnslustöðinni. Þeir eru báðir skipstjórar en sigldu skipinu til skiptis. „Við gerðum samkomulag við þá um að þeir hættu,“ segir Sigurgeir Brynjar. Hann vill ekki tjá sig frekar um ástæður uppsagnarinnar. Vinnslustöðin keypti útgerðarfélagið Hugin snemma árs 2021. Við kaupin var ákveðið að Guðmundur Ingi Guðmundsson yrði skipstjóri á móti föður sínum Guðmundi Hugin Guðmundssyni og föðurbróður, Gylfa Viðari Guðmundssyni. Gylfi og Guðmundur Huginn áttu 17,15 prósenta hlut í Hugin við söluna. Nokkuð er síðan Guðmundur Huginn hætti að róa hjá Vinnslustöðinni og nú hafa Guðmundur Ingi og Gylfi Viðar horfið á braut. Sigurgeir Brynjar hafnar því með öllu að uppsagnirnar tengist því að verið sé að losa sig við Huginsmenn. „Nei, það er ekkert til í því. Það er ekki svoleiðis.“ Akkerið úr skipinu er enn á botni sjávar enda fast í lögninni. Skemmdir á lögninni ná yfir um þrjú hundruð metra kafla á lögninni sem hefur færst mikið úr stað. Möguleikar á bráðabirgðaviðgerð eru því litlir. „Eina varanlega lausnin er ný lögn. Mikilvægt er að vinna mat á afleiðingum sem takmarkað rennsli vatns eða algert rof hefði á íbúa og starfsemi í Vestmannaeyjum og hrinda af stað mótvægisaðgerðum til að koma í veg fyrir að neyðarástand skapist,“ sagði í tilkynningu ríkislögreglustjóra í morgun. Sigurgeir Brynjari dylst ekki alvarleiki málsins. Hann segir fyrirtækið hafa fengið nýjar upplýsingar um málið í gær. „Í ljósi þess sem við fengum í gær er ég ekki hissa á því að lýst er yfir hættustigi,“ segir Sigurgeir Brynjar. Það sé þó annarra að útskýra stöðuna, þeirra sem séu með gögnin. Gamli sveitamaðurinn svartsýnn „En gamla sveitamanninum lýst ekki vel á stöðuna. Eins og staðan er í dag er ekki líklegt að atvinnulífið fái nægt vatn í vetur til að standa undir framleiðslu,“ segir Sigurgeir Brynjar. Ljóst sé að fara þurfi í ýmsar aðgerðir. Sigurgeir Brynjar er framkvæmdastjóri Vinnslustöðvarinnar.Vísir/Egill Í tilkynningu ríkislögreglustjóra í morgun sagði að á næstu dögum yrði unnið að tillögu og framkvæmdum til að laga leiðsluna eða bæta ástandið. Markmið þeirrar vinnu væri að tryggja öryggi og velferð Vestmannaeyinga. Vatnslögnin sé enn nothæf og þjóni Vestmannaeyjum. Ekki þurfi að safna vatni að svo stöddu. Von er á rannsóknarnefnd samgönguslysa til Eyja á fimmtudag þar sem skipið verður yfirfarið og rætt við þá áhafnarmeðlimi sem nefndin óskar eftir. Þá hafi rannsóknarnefndin óskað eftir því að láta fara fram sjópróf þar sem allir sem voru í áhöfn verða kallaðir til og farið í siglingu til að fara yfir atburðarásina. Hvorki náðist í Guðmund Inga né Gylfa Viðar við vinnslu fréttarinnar. Ekki heldur lögregluna í Vestmannaeyjum. Að neðan má sjá annað myndband af skemmdunum á lögninni.
Skemmd neysluvatnslögn í Eyjum Vestmannaeyjar Samgönguslys Sjávarútvegur Lögreglumál Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Var í símanum á 142 kílómetra hraða áður en hann lést Innlent Halla Tómasdóttir tekur stökk í nýrri könnun Prósents Innlent Vaknaði og barnið var horfið Innlent Læknirinn mátti læsa dætur sínar inni eftir allt saman Innlent „Hvers konar „motherfucking“ óþverri væri þessi guð ef hann er til“ Innlent Forsetavaktin 2024: Hver verður sjöundi forseti lýðveldisins? Innlent Samfélagið í áfalli vegna málsins Innlent Mikið vesen á veitingastöðum borgarinnar Innlent Kórónuveirufaraldurinn ekkert miðað við sýklalyfjaónæmi Erlent Hvar eru Illugi Jökuls, Hallgrímur Helga, Atli Þór Fanndal? Innlent Fleiri fréttir Maðurinn ríkisborgari Möltu Dæmdur fyrir manndráp af gáleysi vegna ofsaaksturs undir áhrifum Áhorf á úrslit Eurovision hríðféll Sýnist stefna í kapphlaup tveggja en útilokar þó ekki vendingar Mótmæla þróun gervigreindar á Austurvelli Veit ekki hvort hann fái svar áður en spurningin verði úrelt Auknar líkur á gosi sem gæti hafist án fyrirvara Guðni heldur utan til að kveðja Margréti Þórhildi Telur ástandið á sauðfjárbúinu ekki eins slæmt og menn vilja vera láta Læknirinn mátti læsa dætur sínar inni eftir allt saman Hvar eru Illugi Jökuls, Hallgrímur Helga, Atli Þór Fanndal? „Hvers konar „motherfucking“ óþverri væri þessi guð ef hann er til“ Var í símanum á 142 kílómetra hraða áður en hann lést Vaknaði og barnið var horfið Mikið vesen á veitingastöðum borgarinnar Halla Tómasdóttir tekur stökk í nýrri könnun Prósents „Algjörlega forkastanlegt“ ef stjórnvöld svari ekki beiðninni Minnstu smáatriði úthugsuð og til þess gerð að skapa hughrif Samfélagið í áfalli vegna málsins Vilja bæta íslenskukennslu fyrir innflytjendur Ragnar Freyr segist hreinsaður af sök Læknir segir að brottvísun muni ógna lífi sjúklings „Er réttur þinn eða mannréttindi að einhver annar deyði þig?“ Kviknaði í bragga á Egilsstöðum Meint fjárkúgun, frelsissvipting og líkamsárás Rannsaka alvarlegt ofbeldisbrot í Árnessýslu Pólitíkin, dánaraðstoð, NATO og kosningar á Sprengisandi „Mig langaði bara að drepa þennan mann“ Grunaðir um rán í miðbænum Aðrir frambjóðendur en efstu tveir eigi töluvert langt í land Sjá meira