Innlent

Ís­lendingur kærður í Kanada vegna barna­níðs­efnis

Jón Þór Stefánsson skrifar
Meint brot Íslendingsins áttu sér stað í Abbotsford í Kanada.
Meint brot Íslendingsins áttu sér stað í Abbotsford í Kanada. Getty

Íslenskur karlmaður hefur verið kærður fyrir þrjú brot er varða barnaníðsefni í kanadísku borginni Abbotsford.

Jafnframt hefur handtökuskipun verið gefin út á hendur Íslendingnum, þar sem að hann mætti ekki í fyrirtöku málsins þann sjötta nóvember síðastliðinn.

Fjallað er um málið í fjölmiðlum vestanhafs, en þar segir að hann hafi verið upplýstur um kæruna, en líkt og áður segir hafi hann ekki mætt fyrir dóm.

Tvö brotanna varða innflutning eða dreifingu á barnaníðsefni í júní í fyrra og janúar á þessu ári. Hann er einnig kærður fyrir vörslu á barnaníðsefni í maí á þessu ári.

Öll brotin eiga að hafa átt sér stað í Abbotsford-borg, en rannsókn lögreglunnar í Kanada hófst í mars á þessu ári. Lögreglan heldur því fram að mikil vinna hafi farið í rannsókn málsins.

Kanada Íslendingar erlendis Dómsmál
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið