Dálítil úrkoma á víð og dreif

Atli Ísleifsson skrifar 7. nóvember 2023 07:13

Útlir er fyrir að hlýni heldur um helgina. Vísir/Vilhelm

Veðurfræðingar Veðurstofunnar segja að lægðirnar eigi erfitt með að komast alveg til landsins þar sem hæð norðan við land haldi þeim að mestu frá. Samt ekki meir en svo að það hvessi af og til og þá einkum með suður- og suðausturströndinni sem og á Vestfjörðum.

Á vef Veðurstofunnar segir að almennt sé frekar lítil úrkoma á landinu þótt viðvarandi sé dálítil úrkoma á víð og dreif en svo megi búast við þurru veðri og yfirleitt björtu um landið vestanvert.

Gera má ráð fyrir hita á bilinu núll til sjö stig að deginum þar sem mildast verður á Suðausturlandi.

Næstu dagar verða á svipuðum nótum, en um helgina er útlit fyrir að hlýni heldur.

Veðurhorfur á landinu næstu daga

Á miðvikudag: Norðaustan 10-18 m/s og rigning með köflum, hvassast við suðausturströndina, en yfirleitt bjart á vestanverðu landinu. Hiti víða 2 til 6 stig að deginum.

Á fimmtudag: Norðaustan 5-13 m/s og dálitlar skúrir eða él norðaustantil, en annars bjartviðri. Hiti 0 til 5 stig.

Á föstudag: Hæg austlæg eða breytileg átt, og lítilsháttar væta á víð og dreif, en þurrt fyrir austan. Hiti 0 til 5 stig suðvestantil, en annars um og undir frostmarki.

Á laugardag: Suðaustanátt og dálítil rigning eða slydda með köflum, en þurrt að kalla fyrir norðan og austan. Hiti breytist lítið.

Á sunnudag og mánudag: Austanátt með dálítilli rigningu suðaustantil, annars yfirleitt þurrt. Heldur hlýnandi veður.

Veður

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið

Fleiri fréttir