Matthew Perry látinn Kolbeinn Tumi Daðason skrifar 29. október 2023 00:32 Perry var þekktastur fyrir hlutverk sitt sem Chandler í sjónvarpsþáttunum Friends. Getty/Frederick M. Brown Matthew Perry, ein af stjörnum gamanþáttanna Friends, er látinn 54 ára gamall. Perry lék Chandler Bing í tíu þáttaröðum Friends á árunum 1994 til 2004. Þættirnir eru einhverjir vinsælustu sjónvarpsþættir sögunnar. Jay Leno ræðir við karlleikarana þrjá í Friends á setti þáttanna, kaffihúsinu Central Perk, árið 2004.WireImage/Paul Drinkwater TMZ hefur eftir lögregluyfirvöldum að leikarinn hafi fundist látinn í dag, laugardag, á heimili í Los Angeles. Svo virðist sem hann hafi drukknað í heitum potti. Engin fíkniefni fundust á vettvangi samkvæmt heimildarmönnum TMZ innan raða lögreglunnar. Ekki er talið að andlát Perry hafi borið að með saknæmum hætti. Samkvæmt heimildum miðilsins hafði Perry stundað líkamsrækt um morguninn og sent aðstoðarmann sinn út. Sá sneri aftur um tveimur tímum síðar og kom að Perry látnum í heitum potti. Perry opnaði sig upp á gátt um fíknivanda sinn í viðtali á ABC sjónvarpsstöðinni fyrir tæpu ári í tilefni útgáfu bókar sinnar. Þótt frægðarsól Perry hafi skinið skærast í Friends þá kom hann við sögu í fjölmörgum öðrum þáttaröðum í gegnum árin. Má þar nefna Boys Will be Boys, Growing Pains, Silver Spoons, Charles in Charge, Sydney, Beverly Hills 90210, Home Free, Ally McBeal, The West Wing, Scrubs, Studio 60 on the Sunset Strip, Go On, The Odd Couple og fleiri. Að neðan má sjá eftirminnileg atriði úr Friends þar sem Perry fór á kostum sem Chandler. Þá lék hann í þó nokkrum eftirminnilegum kvikmyndum, helst gamanmyndum. Má þar nefna Fools Rush In, The Whole Nine Yards, Three to Tango, The Kid, 17 Again, Getting In og fleiri. Hann hefur ekki verið áberandi á hvíta tjaldinu undanfarin ár og raunar ekki verið í hlutverki síðustu sex ár. Í Whole Nine Yards fór Perry með aðalhlutverk ásamt Bruce Willis. Á skjánum var alltaf stutt í húmorinn og skapaði hann eftirminnilega karaktera. Á bak við tjöldin voru erfiðari draugar sem hann var opinn með í seinni tíð. Baráttu við áfengisvandann og verkjalyf. Hann ánetjaðist verkjastillandi ópíóðalyfinu vicodin á árum sínum í Friends. Hann hafði margoft farið í meðferð vegna fíknar sinnar. David Schwimmer, Lisa Kudrow, Matthew Perry, Courteney Cox Arquette, Jennifer Aniston and Matt Leblanc með verðlaun á 54. Emmy-verðlaunahátíðinni árið 2002.WireImage/SGranitz Perry fæddist í Plymouth í Massachusetts á austurströnd Bandaríkjanna 19. ágúst 1969. Móðir hans er kanadískur blaðamaður en faðir hans leikari og fyrrverandi fyrirsæta. Hann ólst upp að stærstum hluta í Kanada og var efnilegur tennisspilari. Hélt til Los Angeles 15 ára Þegar Perry var fimmtán ára leitaði hugurinn til Los Angeles í leiklistarnám. Að lokinni útskrift kom Perry við sögu í ýmsum sjónvarpsþáttum þar til hann fór í prufu fyrir sjónvarpsþáttaröðina Six of One, sem átti eftir að verða að Friends. Perry var yngstur vinanna sex, aðeins 24 ára þegar tökur hófust á fyrstu þáttaröðinni. Perry átti vingott við ýmsar þekktar konur á ævinni en giftist aldrei. Hann sló sér upp með leikkonunni Yasmine Bleeth úr Strandvörðum árið 1995 og Julia Roberts leikkona varð kærasta hans í framhaldinu í nokkra mánuði. Hann trúlofaðist Molly Hurwitz í nóvember 2020 en tilkynnti að trúlofuninni hefði verið slitið sumarið 2021. Perry eignaðist aldrei börn. Fréttin hefur verið uppfærð. Andlát Hollywood Friends Kanada Bandaríkin Bíó og sjónvarp Mest lesið „Þetta styrkti mig rosalega en þetta braut mig líka“ Tónlist Gaman að geta grætt fólk á góðan hátt Lífið Fataherbergið seldi henni íbúðina strax Tíska og hönnun Fréttatía vikunnar: Lögreglan, körfubolti og frambjóðendur Lífið „Ég dreg mig í hlé og fer bara og stofna kaffihús“ Lífið Sérfræðingar rýna í Bakgarðshlaupið: „Endamarkið er í hausnum á þér“ Lífið Grænmetisæta í 38 ár en ekki lengur Lífið Fjórar dýrindis diskósúpur úr hráefnum sem annars hefði verið hent Lífið Kynfræðingur selur slotið á landsbyggðinni Lífið Bakaríið í beinni Lífið Fleiri fréttir Gaman að geta grætt fólk á góðan hátt Bakaríið í beinni Fréttatía vikunnar: Lögreglan, körfubolti og frambjóðendur Fjórar dýrindis diskósúpur úr hráefnum sem annars hefði verið hent Kynfræðingur selur slotið á landsbyggðinni Bakaríið í beinni Sérfræðingar rýna í Bakgarðshlaupið: „Endamarkið er í hausnum á þér“ „Ég dreg mig í hlé og fer bara og stofna kaffihús“ Grænmetisæta í 38 ár en ekki lengur Una Torfadóttir með sína útgáfu af Bubbalagi frá 1998 Hyggjast renna fimmtíu íslenskum lögum inn í karaokívélarnar Magnús Árni selur sögufrægt hús með kastalaturni „Veit ekkert hvernig þessi ferð endar, en ég er samt mjög ánægð með að hafa lagt af stað“ Ekki með mönnum á hennar aldri því „þeir eru allir látnir“ Minningar um líf sem er að hverfa Lolla í Litlu hryllingsbúðinni:„Þetta er auðvitað geggjað hlutverk“ Jón Daði og María Ósk eignuðust dreng Tíu ár og aukin meðvitund í bransanum Hvetur fólk til þess að leika sér Sígó eftir hvern hring og undir lokin þurfti að lyfta Mari upp úr stólnum en hún hljóp af stað Annie Mist og Frederik eignuðust dreng Hljómborðsleikari ELO fallinn frá Engir palestínskir fánar í Eurovision-höllinni Mikið fjör á opnun kosningaskrifstofu Gnarr Sjarmerandi og seiðandi á sjötugsaldri Nemendur Flóaskóla slá í gegn með Langspilin sín „Kveiktum næstum í öllu sumarbústaðalandinu“ „Nútíminn er trunta“ Sagan á bak við djarft listaverk Ásdísar Ránar Rithöfundurinn Paul Auster er látinn Sjá meira
Jay Leno ræðir við karlleikarana þrjá í Friends á setti þáttanna, kaffihúsinu Central Perk, árið 2004.WireImage/Paul Drinkwater TMZ hefur eftir lögregluyfirvöldum að leikarinn hafi fundist látinn í dag, laugardag, á heimili í Los Angeles. Svo virðist sem hann hafi drukknað í heitum potti. Engin fíkniefni fundust á vettvangi samkvæmt heimildarmönnum TMZ innan raða lögreglunnar. Ekki er talið að andlát Perry hafi borið að með saknæmum hætti. Samkvæmt heimildum miðilsins hafði Perry stundað líkamsrækt um morguninn og sent aðstoðarmann sinn út. Sá sneri aftur um tveimur tímum síðar og kom að Perry látnum í heitum potti. Perry opnaði sig upp á gátt um fíknivanda sinn í viðtali á ABC sjónvarpsstöðinni fyrir tæpu ári í tilefni útgáfu bókar sinnar. Þótt frægðarsól Perry hafi skinið skærast í Friends þá kom hann við sögu í fjölmörgum öðrum þáttaröðum í gegnum árin. Má þar nefna Boys Will be Boys, Growing Pains, Silver Spoons, Charles in Charge, Sydney, Beverly Hills 90210, Home Free, Ally McBeal, The West Wing, Scrubs, Studio 60 on the Sunset Strip, Go On, The Odd Couple og fleiri. Að neðan má sjá eftirminnileg atriði úr Friends þar sem Perry fór á kostum sem Chandler. Þá lék hann í þó nokkrum eftirminnilegum kvikmyndum, helst gamanmyndum. Má þar nefna Fools Rush In, The Whole Nine Yards, Three to Tango, The Kid, 17 Again, Getting In og fleiri. Hann hefur ekki verið áberandi á hvíta tjaldinu undanfarin ár og raunar ekki verið í hlutverki síðustu sex ár. Í Whole Nine Yards fór Perry með aðalhlutverk ásamt Bruce Willis. Á skjánum var alltaf stutt í húmorinn og skapaði hann eftirminnilega karaktera. Á bak við tjöldin voru erfiðari draugar sem hann var opinn með í seinni tíð. Baráttu við áfengisvandann og verkjalyf. Hann ánetjaðist verkjastillandi ópíóðalyfinu vicodin á árum sínum í Friends. Hann hafði margoft farið í meðferð vegna fíknar sinnar. David Schwimmer, Lisa Kudrow, Matthew Perry, Courteney Cox Arquette, Jennifer Aniston and Matt Leblanc með verðlaun á 54. Emmy-verðlaunahátíðinni árið 2002.WireImage/SGranitz Perry fæddist í Plymouth í Massachusetts á austurströnd Bandaríkjanna 19. ágúst 1969. Móðir hans er kanadískur blaðamaður en faðir hans leikari og fyrrverandi fyrirsæta. Hann ólst upp að stærstum hluta í Kanada og var efnilegur tennisspilari. Hélt til Los Angeles 15 ára Þegar Perry var fimmtán ára leitaði hugurinn til Los Angeles í leiklistarnám. Að lokinni útskrift kom Perry við sögu í ýmsum sjónvarpsþáttum þar til hann fór í prufu fyrir sjónvarpsþáttaröðina Six of One, sem átti eftir að verða að Friends. Perry var yngstur vinanna sex, aðeins 24 ára þegar tökur hófust á fyrstu þáttaröðinni. Perry átti vingott við ýmsar þekktar konur á ævinni en giftist aldrei. Hann sló sér upp með leikkonunni Yasmine Bleeth úr Strandvörðum árið 1995 og Julia Roberts leikkona varð kærasta hans í framhaldinu í nokkra mánuði. Hann trúlofaðist Molly Hurwitz í nóvember 2020 en tilkynnti að trúlofuninni hefði verið slitið sumarið 2021. Perry eignaðist aldrei börn. Fréttin hefur verið uppfærð.
Andlát Hollywood Friends Kanada Bandaríkin Bíó og sjónvarp Mest lesið „Þetta styrkti mig rosalega en þetta braut mig líka“ Tónlist Gaman að geta grætt fólk á góðan hátt Lífið Fataherbergið seldi henni íbúðina strax Tíska og hönnun Fréttatía vikunnar: Lögreglan, körfubolti og frambjóðendur Lífið „Ég dreg mig í hlé og fer bara og stofna kaffihús“ Lífið Sérfræðingar rýna í Bakgarðshlaupið: „Endamarkið er í hausnum á þér“ Lífið Grænmetisæta í 38 ár en ekki lengur Lífið Fjórar dýrindis diskósúpur úr hráefnum sem annars hefði verið hent Lífið Kynfræðingur selur slotið á landsbyggðinni Lífið Bakaríið í beinni Lífið Fleiri fréttir Gaman að geta grætt fólk á góðan hátt Bakaríið í beinni Fréttatía vikunnar: Lögreglan, körfubolti og frambjóðendur Fjórar dýrindis diskósúpur úr hráefnum sem annars hefði verið hent Kynfræðingur selur slotið á landsbyggðinni Bakaríið í beinni Sérfræðingar rýna í Bakgarðshlaupið: „Endamarkið er í hausnum á þér“ „Ég dreg mig í hlé og fer bara og stofna kaffihús“ Grænmetisæta í 38 ár en ekki lengur Una Torfadóttir með sína útgáfu af Bubbalagi frá 1998 Hyggjast renna fimmtíu íslenskum lögum inn í karaokívélarnar Magnús Árni selur sögufrægt hús með kastalaturni „Veit ekkert hvernig þessi ferð endar, en ég er samt mjög ánægð með að hafa lagt af stað“ Ekki með mönnum á hennar aldri því „þeir eru allir látnir“ Minningar um líf sem er að hverfa Lolla í Litlu hryllingsbúðinni:„Þetta er auðvitað geggjað hlutverk“ Jón Daði og María Ósk eignuðust dreng Tíu ár og aukin meðvitund í bransanum Hvetur fólk til þess að leika sér Sígó eftir hvern hring og undir lokin þurfti að lyfta Mari upp úr stólnum en hún hljóp af stað Annie Mist og Frederik eignuðust dreng Hljómborðsleikari ELO fallinn frá Engir palestínskir fánar í Eurovision-höllinni Mikið fjör á opnun kosningaskrifstofu Gnarr Sjarmerandi og seiðandi á sjötugsaldri Nemendur Flóaskóla slá í gegn með Langspilin sín „Kveiktum næstum í öllu sumarbústaðalandinu“ „Nútíminn er trunta“ Sagan á bak við djarft listaverk Ásdísar Ránar Rithöfundurinn Paul Auster er látinn Sjá meira