Innlent

Ás­laug María ráðin að­stoðar­maður ríkis­stjórnarinnar

Árni Sæberg skrifar
Áslaug María Friðriksdóttir er nýr aðstoðarmaður ríkisstjórnarinnar.
Áslaug María Friðriksdóttir er nýr aðstoðarmaður ríkisstjórnarinnar. Stjórnarráðið

Áslaug María Friðriksdóttir hefur verið ráðin aðstoðarmaður ríkisstjórnarinnar. Meginverkefni hennar verða tengd undirbúningi stjórnarskrárvinnu og samhæfingu mála milli ráðuneyta.

Í tilkynningu um ráðninguna segia að Áslaug María sé með MSc-próf í vinnusálfræði frá Háskólanum í Hertfordshire og BA-próf í sálfræði frá Háskóla Íslands. Hún hafi undanfarin ár unnið sem sjálfstætt starfandi ráðgjafi á sviði stafrænna mála og mannauðsmála. 

Áður hafi hún meðal annars verið borgarfulltrúi, varaborgarfulltrúi og varaþingmaður fyrir Sjálfstæðisflokkinn auk þess að starfa sem sérfræðingur í félagsmálaráðuneytinu.

Aðstoðarmenn ríkisstjórnarinnar séu nú þrír talsins í samræmi við heimild í lögum um Stjórnarráð Íslands. Fyrir séu Henný Hinz og Dagný Jónsdóttir en Teitur Björn Einarsson hafi látið af störfum sem aðstoðarmaður ríkisstjórnarinnar í maí síðastliðnum þegar hann tók sæti á Alþingi.

Ríkisstjórn Katrínar Jakobsdóttur Vistaskipti
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið