Innlent

Engu nær um það hverjir réðust á ráð­stefnu­gestinn

Árni Sæberg skrifar
Grímur Grímsson við lögreglustöð 1 við Hverfisgötu. Árásin var framin á sömu götu.
Grímur Grímsson við lögreglustöð 1 við Hverfisgötu. Árásin var framin á sömu götu. Stöð 2/Einar

Lögreglan á höfuðborgarsvæðinu er engu nær um það hvaða tveir menn voru að verki þegar ráðist var á gest ráðstefnu á vegum Samtakanna '78. Yfirlögregluþjónn segir það óvenjulegt.

Fyrir rúmlega tveimur vikum síðan, þann 27. síðasta mánaðar, var ráðist á mann á gangi á Hverfisgötu í Reykjavík. Sá sem fyrir árásinni varð slasaðist talsvert og dvaldi á spítala næturlangt. 

Hann var gestur á ráðstefnu sem haldin var af Samtökunum '78 í samvinnu við forsætisráðuneytið og Norrænu ráðherranefndina. Hátt í hundrað fulltrúar frá öllum helstu samtökum hinsegin fólks á Norðurlöndum tóku þátt. Sá sem ráðist var á var með hálsband skreytt litum hinsegin fólks og málið er rannsakað sem mögulegur hatursglæpur.

Mjög óvanalegt að slík mál séu ekki leyst

Grímur Grímsson, yfirlögregluþjónn miðlægrar rannsóknardeildar Lögreglunnar á höfuðborgarsvæðinu, segir í samtali við Vísi að rannsókn málsins sé nánast á byjunarreit. Rannsakendur fari helst yfir mikið magn upptaka úr öryggismyndavélum, sem eru víða á Hverfisgötu og nágrenni.

Þá segir hann að mjög óalgengt að mál af þessum toga séu ekki leyst. Langflest alvarleg ofbeldisbrot leysist fljótt og til að mynda sé ekkert morðmál síðari ára óleyst.

Lögreglumál Hinsegin Reykjavík
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið