Innlent

Norrænir ráðherrar og Trudeau mættir til Eyja

Gunnar Reynir Valþórsson skrifar
Það virðist hafa farið vel á með leiðtogunum.
Það virðist hafa farið vel á með leiðtogunum. Forsætisráðuneytið

Forsætisráðherrar allra Norðurlandannan auk Kanada komu til Vestmannaeyja í gærkvöldi en árlegur sumarfundur norrænu forsætisráðherranna fer þar fram í dag.

Justin Trudeau forsætisráðherra Kanada er sérstakur gestur fundarins að þessu sinni. 

Í tilkynningu frá forsætisráðuneytinu segir að ráðherrarnir hafi strax hist á fundi í Ráðhúsi Vestamannaeyja í gærkvöldi til þess að ræða stöðuna í Rússlandi í ljósi nýjustu vendinga þar.

Trudeau og Katrín leið til Eyja.Forsætisráðuneytið

Fyrr um kvöldið hafði Katrín Jakobsdóttir forsætisráðherra fundað með Trudeau þar sem þau ræddu meðal annars um samstarf þjóðanna á sviði stjórnmála, menningar og viðskipta. Fleiri málefni voru til umræðu eins og málefni innflytjenda og flóttafólks, umhverfismál og græn orka, að því er segir í tilkynningunni.

Þar áður hafði Katrín einnig fundað sérstaklega með Petteri Orpo forsætisráðherra Finna sem tók við embætti á þriðjudaginn í síðustu viku og því er heimsóknin til Eyja sú fyrsta sem hann fer til erlends ríkis sem forsætisráðherra.

Ríkisstjórn Katrínar Jakobsdóttur Utanríkismál Vestmannaeyjar Kanada
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið