Innlent

Kvöld­fréttir Stöðvar 2

Árni Sæberg skrifar
Kolbeinn Tumi Daðason les fréttir klukkan 18.30.
Kolbeinn Tumi Daðason les fréttir klukkan 18.30. Stöð 2

Í fréttatíma kvöldsins verður fjallað ítarlega um undirbúning leiðtogafundarins, en allt er að verða klárt í Hörpu. Þungvopnaðir lögreglumenn og leyniskyttur hafa komið sér fyrir og öryggisgæslan er af stærðargráðu sem við höfum aldrei séð hér á landi.

Þá ræðum við við skólastjóra Helgafellsskóla vegna verkfalla félagsfólks BSRB sem hófust á miðnætti. Hún er ósátt við að verkfallsundanþágur hafi ekki verið veittar vegna barna með fötlun, sem nú þurfi að sitja heima á meðan bekkjarfélagar þeirra komast í skólann. Við ræðum við formann Þroskahjálpar í beinni.

Bjarki Sigurðsson kynnti sér nýjar ruslatunnur, Sigurður Orri fylgdist með börnum þreyta hjólapróf og Magnús Hlynur kíkti í heimsókn á útfararstofu. Svo er spennan vægast sagt að magnað á Sauðárkróki þar sem heimamenn stefna á að tryggja fyrsta Íslandsmeistaratitil í sögu Tindstóls þegar Valsmenn koma í heimsókn. Við tökum púlsinn í Síkinu þar sem orðið er þröngt á þingi í Sportpakkanum í kvöld.

Þetta og meira til á samtengdum rásum Bylgjunnar, Stöðvar 2 og Vísis klukkan 18:30. En þangað til þá, veriði sæl.

Kvöldfréttir Stöðvar 2
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið