Erlent

Stjórn­völd í Úkraínu banna í­þrótta­mönnum að keppa við Rússa og Bela­rúsa

Hólmfríður Gísladóttir skrifar
Úkraínska tenniskonan Marta Kostyuk keppti við Marketu Simkovu frá Tékklandi í undankeppni Billie Jean King Cup í Tyrklandi í morgun.
Úkraínska tenniskonan Marta Kostyuk keppti við Marketu Simkovu frá Tékklandi í undankeppni Billie Jean King Cup í Tyrklandi í morgun. Getty/Luke Walker

Stjórnvöld í Úkraínu hafa bannað landsliðum sínum að taka þátt í alþjóðlegum íþróttaviðburðum þar sem einstaklingar frá Rússlandi og Belarús eru meðal þátttakenda. 

Þetta kemur fram í yfirlýsingu sem íþróttaráðuneytið birti í nótt.

Samkvæmt Reuters var ákvörðunin tekin í kjölfar þess að Alþjóða Ólympíunefndin (IOC) heimilaði íþróttamönnum frá Rússlandi og Belarús að keppa sem „óháðir“ á viðburðum á vegum IOC.

Ákvörðun IOC vakti mikla reiði í Úkraínu en ákvörðun úkraínskra stjórnvalda um að leggja keppnisbann á eigið íþróttafólk hefur ekki síður vakið gagnrýni.

Yfirvöld höfðu áður varað innlend íþróttafélög við því að senda íþróttafólk til þátttöku á alþjóðlegum mótum þar sem Rússar og Belarúsar væru meðal þátttakenda. 

Innrás Rússa í Úkraínu Úkraína Rússland Ólympíuleikar
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið