„Ég þykist vita að Heimildin sé komin í ákveðna klemmu" Auður Ösp Guðmundsdóttir skrifar 23. mars 2023 12:38 Í samtali við Vísi ítrekar Frosti að við vinnslu þáttarins hafi hann aflað upplýsinganna sem blaðamaður fyrst og fremst. Hann vísar því á bug ásökunum um brot á persónuverndarlögum, enda gildi aðrar reglur þegar um er að ræða blaðamann sem aflar upplýsinga í tengslum við starf sitt. Aðsend „Ég mun ekki gefa upp nákvæmlega hvernig ég fékk þessar upplýsingar staðfestar eða hverja ég talaði við en ég get sagt að ég hefði aldrei komið fram með þessar ásakanir ef ég hefði ekki verið búinn að fá þetta allt saman hundrað prósent staðfest,“ segir Frosti Logason fjölmiðlamaður í samtali við Vísi. Frosti birti í morgun opið bréf til Heimildarinnar vegna starfa Eddu Falak blaðamanns á miðlinum. Edda hefur verið áberandi í samfélagsumræðu undanfarin tvö ár eða síðan hlaðvarpsþættirnir Eigin konur hófu göngu sína. Hún hefur nú hætt framleiðslu þáttanna og er hluti af ritstjórn Heimildarinnar þar sem hún framleiðir þættina Edda Falak. Frosti staðhæfði í hlaðvarpsþættinum Harmageddon á dögunum að Edda hefði villt á sér heimildir í viðtölum við fjölmiðla í gegnum tíðina. Hún hefði sagt ósatt þegar hún kvaðst hafa unnið í dönskum fjárfestingabanka og orðið þar fyrir kynbundnu áreiti. „Edda sagði frá þessum hremmingum sínum í fleiri viðtölum hjá fjölmiðlum á borð við mbl.is og vísir.is. Þetta gerði hún á sama tíma og hún ásamt öðrum hratt af stað herferð undir yfirskriftinni „Ég trúi“ sem miðaði að því að fá samfélagið til að samþykkja þá hugmynd að öllum konum skyldi alltaf trúað ef þær greindu frá kynbundnu áreiti eða ofbeldi. Því hver hefði annars hag af því að ljúga um slíkt? Jarðvegurinn var þá orðinn einkar frjór fyrir hlaðvarp hennar Eigin konur, þar sem rætt var einhliða við þolendur enda búið að planta rækilega þeirri hugmynd að konur hreinlega geti ekki sagt ósatt þegar kemur að slíkum málum. Nú virðist þessi hugmynd vera komin í hnút því komið hefur í ljós að ein upphafskona „Ég trúi“ átaksins sem er Edda hefur ekki sagt satt og rétt frá varðandi starfsferil sinn í Kaupmannahöfn. Ég hef kannað það sjálfur og niðurstaðan er óyggjandi. Staðreyndin er einfaldlega sú að Edda Falak hefur aldrei starfað hjá stórum virtum banka, fjárfestingarbanka eða í fjármáladeild risa lyfjafyrirtækis. Það þýðir með öðrum orðum að hún varð aldrei fyrir því kynbundna áreiti sem hún hefur greint frá af fyrrnefndum vinnustöðum,“ segir meðal annars í opnu bréfi Frosta. Edda Falak hefur vakið athygli fyrir hlaðvarpsþætti sína Eigin konur.Vísir/Vilhelm Þá spyr Frosti hvort ekki sé vert að ábyrgðarmenn Heimildarinnar greini almenningi frá hver afstaða fréttamiðilsins sé til þess „að blaðamaður hans hefur farið á svig við sannleikann í viðtölum um eigin reynslu.“ „Þegar þú lýgur að blaðamanni ertu að ljúga að allri þjóðinni og um leið að vega að trúverðugleika allra fjölmiðla. Það að félagi í Blaðamannafélagi Íslands geri sig sekan um slíkt eykur mjög á alvarleika slíks brots. Er það síðan trúverðugt að blaðamaður sem staðinn hefur verið að þessum ósannindum sé að fjalla um málaflokk þennan með þeim hætti sem hún gerir? Telur Heimildin það rétt að manneskja sem sagt hefur ósatt um kynbundið áreiti í öllum stærstu fjölmiðlum landsins gegni þessu hlutverki á fréttamiðli sem vill láta taka sig alvarlega? Eða teljið þið þetta jafnvel engu máli skipta?“ Neitar að hafa brotið persónuverndarlög Í umræðum um málið á samfélagsmiðlum hafa meðal annars komið fram ásakanir á hendur Frosta um brot á persónuverndarlögum, og bent á að samkvæmt dönskum persónuverndarlögum og dómafordæmum megi ekki gefa upp upplýsingar um starfsmann frá fyrri vinnuveitenda án samþykkis frá starfsmanninnum sjálfum. Frosti leggur áherslu á það að við vinnslu þáttarins hafi hann aflað upplýsinganna sem blaðamaður fyrst og fremst. Hann vísar því á bug ásökunum um brot á persónuverndarlögum, enda gildi aðrar reglur þegar um er að ræða blaðamann sem aflar upplýsinga í tengslum við starf sitt. „Blaðamönnum er auðvitað fullkomlega frjálst að spyrjast fyrir þegar um jafn alvarlegar ásakanir eru að ræða eins og Edda hefur sett fram á hendur þessum fyrirtækjum. Að ýja að því að það sé einhvers konar lögbrot af minni hálfu er auðvitað bara fásinna,“ segir Frosti. Frosti var umfjöllunarefni Eddu í þáttunum Eigin konur þegar Edda Pétursdóttir, fyrrverandi kærasta Frosta, sagði hann hafa hótað að dreifa kynferðislegum myndböndum af henni. Frosti neitar því að hann sé að ofsækja Eddu með því að leggja fram þessar ásakanir. „Það er í raun ekki svaravert. Fólk virðist ekki vera átta sig á hversu alvarlegt það er að segja blaðamönnum ósatt. Það grefur undan trúverðugleika allra fjölmiðla og þannig lýðræðinu sjálfu. Að afhjúpa blaðamann sem hefur gert slíkt, og er þar að auki meðlimur í Blaðamannafélagi Íslands, er auðvitað bara skylda allra heiðarlegra blaðamanna. En maður sér auðvitað þessi element sértrúarsafnaða í kringum hana, sem bara geta ekki trúað neinu misjöfnu upp á frelsara sinn. Ég finn til með slíku fólki." Þá gagnrýnir Frosti skort á viðbrögðum frá Eddu og Heimildinni vegna málsins. „Ég þykist vita að Heimildin sé komin í ákveðna klemmu. Þögnin frá þeim er samt þrúgandi. Þetta er að verða vika síðan ég greindi frá þessu og það hefur ekki heyrst eitt orð. Á ritstjórn Heimildarinnar starfa samt nokkrir af bestu blaðamönnum landsins sem þekkja leikreglur fagsins út og inn. Ég trúi því ekki að þau ætli að láta þetta viðgangast mikið lengur.“ Ingibjörg Dögg Kjartansdóttir, ritstjóri Heimildarinnar, sagði á Facebook á dögunum frá nýjum þáttum Eddu á Heimildinni. „Hlakka til að sýna ykkur hvað við erum að gera, en Edda kemur inn uppfull af orku og krafti og nýtur stuðnings ritstjórnarinnar til að nálgast mál í víðara samhengi en áður.“ Fréttastofa hefur ekki náð tali af Eddu Falak undanfarna daga vegna málsins. Þá náðist ekki í ritstjórn Heimildarinnar í dag við vinnslu fréttarinnar. Harmageddon Fjölmiðlar MeToo Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Varaforsetaefni í bobba vegna hundsdráps og meints fundar með Kim Erlent Ótrúlegustu aðskotahlutir gera óskunda í dósatalningarvélum Innlent Kolbeinn hafi strokið kynfæri stúlkunnar ítrekað Innlent Katrín efst en Jón hrynur í nýrri könnun Innlent Hafa rukkað þá sem valda sinubruna um kostnað við útkall Innlent Sólríkasta byrjun árs í Reykjavík í 77 ár Innlent Fjöldi verkfallsboðana á Keflavíkurflugvelli áhyggjuefni Innlent Forsetavaktin 2024: Hver verður sjöundi forseti lýðveldisins? Innlent Halla Hrund líka vinsæll annar kostur Innlent Svona var Pallborðið með Höllu Hrund, Katrínu og Baldri Innlent Fleiri fréttir Sólríkasta byrjun árs í Reykjavík í 77 ár Hafa rukkað þá sem valda sinubruna um kostnað við útkall Ótrúlegustu aðskotahlutir gera óskunda í dósatalningarvélum Fjöldi verkfallsboðana á Keflavíkurflugvelli áhyggjuefni Kosið um sameiningu Húna- og Skagabyggðar í júní Nýjustu skoðanakannanir, verkfallsaðgerðir á flugvellinum og týndur gaffall Halla Hrund líka vinsæll annar kostur Kolbeinn hafi strokið kynfæri stúlkunnar ítrekað Segja lýðræðis- og mannréttindabakslag staðreynd Ný sendiskrifstofa opnuð í Síerra Leóne Baldur segir niðurstöður nýjustu kannana vonbrigði Halla Hrund mælist með mest fylgi í nýrri könnun Maskínu Tilvísunum vegna skekkju á höfuðkúpu ungbarna fjölgað mikið Fréttaskýring Maríu Sigrúnar kemur út á mánudag Einar segir forsetaembættið um ekki neitt Svona gæti bensínstöðvarreiturinn við Ægisíðu litið út Ákærð fyrir að kæfa son sinn með kodda Börn lögð inn með kíghósta „Við reyndum eins og við gátum“ Framkvæmdanefnd fyrir Grindavík sett á laggirnar Sambærileg rúðubrot í Lækjargötu og á Skólavörðustíg Skipar framkvæmdanefnd um málefni Grindavíkur Spellvirkinn lætur til skarar skríða á ný Svona var Pallborðið með Höllu Hrund, Katrínu og Baldri Svandís boðar til blaðamannafundar Heyrist meira af kjaftæði um lyf en vísindalegum staðreyndum Sautján greinst með kíghósta og inflúensan enn að dreifa sér Vilja svör um möguleg „óþægileg hagsmunatengsl“ borgar og RÚV „Fann það þegar ég vaknaði í morgun að þetta var lúmskt áfall“ Horfði á þegar vinur hans réðst á manninn sem braut á dóttur hans Sjá meira
Frosti birti í morgun opið bréf til Heimildarinnar vegna starfa Eddu Falak blaðamanns á miðlinum. Edda hefur verið áberandi í samfélagsumræðu undanfarin tvö ár eða síðan hlaðvarpsþættirnir Eigin konur hófu göngu sína. Hún hefur nú hætt framleiðslu þáttanna og er hluti af ritstjórn Heimildarinnar þar sem hún framleiðir þættina Edda Falak. Frosti staðhæfði í hlaðvarpsþættinum Harmageddon á dögunum að Edda hefði villt á sér heimildir í viðtölum við fjölmiðla í gegnum tíðina. Hún hefði sagt ósatt þegar hún kvaðst hafa unnið í dönskum fjárfestingabanka og orðið þar fyrir kynbundnu áreiti. „Edda sagði frá þessum hremmingum sínum í fleiri viðtölum hjá fjölmiðlum á borð við mbl.is og vísir.is. Þetta gerði hún á sama tíma og hún ásamt öðrum hratt af stað herferð undir yfirskriftinni „Ég trúi“ sem miðaði að því að fá samfélagið til að samþykkja þá hugmynd að öllum konum skyldi alltaf trúað ef þær greindu frá kynbundnu áreiti eða ofbeldi. Því hver hefði annars hag af því að ljúga um slíkt? Jarðvegurinn var þá orðinn einkar frjór fyrir hlaðvarp hennar Eigin konur, þar sem rætt var einhliða við þolendur enda búið að planta rækilega þeirri hugmynd að konur hreinlega geti ekki sagt ósatt þegar kemur að slíkum málum. Nú virðist þessi hugmynd vera komin í hnút því komið hefur í ljós að ein upphafskona „Ég trúi“ átaksins sem er Edda hefur ekki sagt satt og rétt frá varðandi starfsferil sinn í Kaupmannahöfn. Ég hef kannað það sjálfur og niðurstaðan er óyggjandi. Staðreyndin er einfaldlega sú að Edda Falak hefur aldrei starfað hjá stórum virtum banka, fjárfestingarbanka eða í fjármáladeild risa lyfjafyrirtækis. Það þýðir með öðrum orðum að hún varð aldrei fyrir því kynbundna áreiti sem hún hefur greint frá af fyrrnefndum vinnustöðum,“ segir meðal annars í opnu bréfi Frosta. Edda Falak hefur vakið athygli fyrir hlaðvarpsþætti sína Eigin konur.Vísir/Vilhelm Þá spyr Frosti hvort ekki sé vert að ábyrgðarmenn Heimildarinnar greini almenningi frá hver afstaða fréttamiðilsins sé til þess „að blaðamaður hans hefur farið á svig við sannleikann í viðtölum um eigin reynslu.“ „Þegar þú lýgur að blaðamanni ertu að ljúga að allri þjóðinni og um leið að vega að trúverðugleika allra fjölmiðla. Það að félagi í Blaðamannafélagi Íslands geri sig sekan um slíkt eykur mjög á alvarleika slíks brots. Er það síðan trúverðugt að blaðamaður sem staðinn hefur verið að þessum ósannindum sé að fjalla um málaflokk þennan með þeim hætti sem hún gerir? Telur Heimildin það rétt að manneskja sem sagt hefur ósatt um kynbundið áreiti í öllum stærstu fjölmiðlum landsins gegni þessu hlutverki á fréttamiðli sem vill láta taka sig alvarlega? Eða teljið þið þetta jafnvel engu máli skipta?“ Neitar að hafa brotið persónuverndarlög Í umræðum um málið á samfélagsmiðlum hafa meðal annars komið fram ásakanir á hendur Frosta um brot á persónuverndarlögum, og bent á að samkvæmt dönskum persónuverndarlögum og dómafordæmum megi ekki gefa upp upplýsingar um starfsmann frá fyrri vinnuveitenda án samþykkis frá starfsmanninnum sjálfum. Frosti leggur áherslu á það að við vinnslu þáttarins hafi hann aflað upplýsinganna sem blaðamaður fyrst og fremst. Hann vísar því á bug ásökunum um brot á persónuverndarlögum, enda gildi aðrar reglur þegar um er að ræða blaðamann sem aflar upplýsinga í tengslum við starf sitt. „Blaðamönnum er auðvitað fullkomlega frjálst að spyrjast fyrir þegar um jafn alvarlegar ásakanir eru að ræða eins og Edda hefur sett fram á hendur þessum fyrirtækjum. Að ýja að því að það sé einhvers konar lögbrot af minni hálfu er auðvitað bara fásinna,“ segir Frosti. Frosti var umfjöllunarefni Eddu í þáttunum Eigin konur þegar Edda Pétursdóttir, fyrrverandi kærasta Frosta, sagði hann hafa hótað að dreifa kynferðislegum myndböndum af henni. Frosti neitar því að hann sé að ofsækja Eddu með því að leggja fram þessar ásakanir. „Það er í raun ekki svaravert. Fólk virðist ekki vera átta sig á hversu alvarlegt það er að segja blaðamönnum ósatt. Það grefur undan trúverðugleika allra fjölmiðla og þannig lýðræðinu sjálfu. Að afhjúpa blaðamann sem hefur gert slíkt, og er þar að auki meðlimur í Blaðamannafélagi Íslands, er auðvitað bara skylda allra heiðarlegra blaðamanna. En maður sér auðvitað þessi element sértrúarsafnaða í kringum hana, sem bara geta ekki trúað neinu misjöfnu upp á frelsara sinn. Ég finn til með slíku fólki." Þá gagnrýnir Frosti skort á viðbrögðum frá Eddu og Heimildinni vegna málsins. „Ég þykist vita að Heimildin sé komin í ákveðna klemmu. Þögnin frá þeim er samt þrúgandi. Þetta er að verða vika síðan ég greindi frá þessu og það hefur ekki heyrst eitt orð. Á ritstjórn Heimildarinnar starfa samt nokkrir af bestu blaðamönnum landsins sem þekkja leikreglur fagsins út og inn. Ég trúi því ekki að þau ætli að láta þetta viðgangast mikið lengur.“ Ingibjörg Dögg Kjartansdóttir, ritstjóri Heimildarinnar, sagði á Facebook á dögunum frá nýjum þáttum Eddu á Heimildinni. „Hlakka til að sýna ykkur hvað við erum að gera, en Edda kemur inn uppfull af orku og krafti og nýtur stuðnings ritstjórnarinnar til að nálgast mál í víðara samhengi en áður.“ Fréttastofa hefur ekki náð tali af Eddu Falak undanfarna daga vegna málsins. Þá náðist ekki í ritstjórn Heimildarinnar í dag við vinnslu fréttarinnar.
Harmageddon Fjölmiðlar MeToo Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Varaforsetaefni í bobba vegna hundsdráps og meints fundar með Kim Erlent Ótrúlegustu aðskotahlutir gera óskunda í dósatalningarvélum Innlent Kolbeinn hafi strokið kynfæri stúlkunnar ítrekað Innlent Katrín efst en Jón hrynur í nýrri könnun Innlent Hafa rukkað þá sem valda sinubruna um kostnað við útkall Innlent Sólríkasta byrjun árs í Reykjavík í 77 ár Innlent Fjöldi verkfallsboðana á Keflavíkurflugvelli áhyggjuefni Innlent Forsetavaktin 2024: Hver verður sjöundi forseti lýðveldisins? Innlent Halla Hrund líka vinsæll annar kostur Innlent Svona var Pallborðið með Höllu Hrund, Katrínu og Baldri Innlent Fleiri fréttir Sólríkasta byrjun árs í Reykjavík í 77 ár Hafa rukkað þá sem valda sinubruna um kostnað við útkall Ótrúlegustu aðskotahlutir gera óskunda í dósatalningarvélum Fjöldi verkfallsboðana á Keflavíkurflugvelli áhyggjuefni Kosið um sameiningu Húna- og Skagabyggðar í júní Nýjustu skoðanakannanir, verkfallsaðgerðir á flugvellinum og týndur gaffall Halla Hrund líka vinsæll annar kostur Kolbeinn hafi strokið kynfæri stúlkunnar ítrekað Segja lýðræðis- og mannréttindabakslag staðreynd Ný sendiskrifstofa opnuð í Síerra Leóne Baldur segir niðurstöður nýjustu kannana vonbrigði Halla Hrund mælist með mest fylgi í nýrri könnun Maskínu Tilvísunum vegna skekkju á höfuðkúpu ungbarna fjölgað mikið Fréttaskýring Maríu Sigrúnar kemur út á mánudag Einar segir forsetaembættið um ekki neitt Svona gæti bensínstöðvarreiturinn við Ægisíðu litið út Ákærð fyrir að kæfa son sinn með kodda Börn lögð inn með kíghósta „Við reyndum eins og við gátum“ Framkvæmdanefnd fyrir Grindavík sett á laggirnar Sambærileg rúðubrot í Lækjargötu og á Skólavörðustíg Skipar framkvæmdanefnd um málefni Grindavíkur Spellvirkinn lætur til skarar skríða á ný Svona var Pallborðið með Höllu Hrund, Katrínu og Baldri Svandís boðar til blaðamannafundar Heyrist meira af kjaftæði um lyf en vísindalegum staðreyndum Sautján greinst með kíghósta og inflúensan enn að dreifa sér Vilja svör um möguleg „óþægileg hagsmunatengsl“ borgar og RÚV „Fann það þegar ég vaknaði í morgun að þetta var lúmskt áfall“ Horfði á þegar vinur hans réðst á manninn sem braut á dóttur hans Sjá meira