Rússar segja að sendingar vestrænna skriðdreka muni engu máli skipta Samúel Karl Ólason skrifar 20. janúar 2023 11:17 Frá fundi bakhjarla Úkraínu í Ramstein í Þýskalandi í morgun. AP/Michael Probst Dmitrí Peskóv, talsmaður Valdimírs Pútíns, forseta Rússlands, segir að hergagnasendingar Vesturlanda til Úkraínu muni ekki hafa nein áhrif á stöðu mála á víglínum landsins. Sendingarnar muni eingöngu auka á vandræði Úkraínumanna. Eftir langvarandi þrátefli á víglínunum vinna bæði Rússar og Úkraínumenn að því að byggja upp nýjar herdeildir fyrir frekari átök þegar vorið nálgast. Úkraínumenn segja vopnasendingar þeim gífurlega mikilvægar og því fyrr sem þeir fái vopn því betra. Úkraínumenn hafa sérstaklega vonast eftir því að fá Leopard 2 skriðdreka sem framleiddir eru í Þýskalandi. Þeir eru víða notaðir í Evrópu og hafa ráðamenn í nokkrum ríkjum sagst tilbúnir til að senda skriðdreka. Þjóðverjar þurfa þó að gefa leyfi fyrir því, þar sem þeir eru framleiddir þar. Það hafa Þjóðverjar ekki viljað gera og segja að Bandaríkjamenn þurfi einnig að senda M1 Abrams skriðdreka til Úkraínu. Leopard skriðdrekarnir þykja þó hentugri fyrir Úkraínumenn en Abrams skriðdrekar Bandaríkjamanna, þar sem þeir síðarnefndu ganga fyrir flugvélaeldsneyti, þurfa meira viðhald og umfangsmeira birgðanet en Leopard 2 skriðdrekar, sem ganga fyrir hefðbundinni dísilolíu. Sjá einnig: Á að ákveða hvort Úkraína fái vestræna skriðdreka Ráðamenn í Þýskalandi hafa gefið í skyn að þeir óttist stigmögnun í átökunum í Úkraínu. Mateusz Morawiecki, forsætisráðherra Póllands, sagði í gær að taki Þjóðverjar ekki ákvörðun á komandi dögum, gætu Pólverjar gripið til aðgerða og sent Leopoard skriðdreka til Úkraínu án leyfis frá Berlín. „Við munum annað hvort komast fljótt að samkomulagi eða við munum sjálfir gera það sem er rétt,“ sagði Morawiecki. Bretar riðu á vaðið Bretar ætla að senda fjórtán Challenger 2 skriðdreka til Úkraínu en þeir eru eldri en Leopard 2 skriðdrekarnir. Á blaði eru báðir skriðdrekarnir þó betri en skriðdrekarnir sem bæði Rússar og Úkraínumenn hafa til afnota. Úkraínumenn hafa fengið mikinn fjölda skriðdreka sem framleiddir voru á tímum Sovétríkjanna frá ríkjum Austur-Evrópu. Þegar Úkraínumenn segjast þurfa vestræna skriðdreka vísa þeir meðal annars til þess að skotfæri í gömlu sovésku skriðdrekana eru af skornum skammti og lítið af þeim framleidd á Vesturlöndum. Peskóv sagði við blaðamenn í morgun að Rússar teldu ekki líklegt að sendingar vestrænna skriðdreka myndu hafa nokkur áhrif og myndu ekki koma í veg fyrir að Rússar næðu markmiðum sínum í Úkraínu, samkvæmt RIA fréttaveitunni, sem er í eigu rússneska ríkisins. Hann sagði þar að auki að sendingarnar myndu eingöngu auka á vandræði Úkraínumanna varðandi það að þjónusta þessa skriðdreka. Funda um aukna aðstoð Erindrekar bandalagsríkja Úkraínu funda nú í Þýskalandi um hernaðaraðstoð til Úkraínu. Við upphaf fundarins í Ramstein í morgun sagði Lloyd Austin, varnarmálaráðherra Bandaríkjanna, að rússar væru að fylkja saman liði og byggja upp hersveitir. Hann sagði að bakhjarlar Úkraínu þyrftu að standa þétt við bakið á Úkraínumönnum og ekki missa móðinn. Halda á blaðamannafund um niðurstöðu fundarins seinna í dag. Í aðdraganda fundarins hafa forsvarsmenn margra ríkja þó opinberað hvað sent verður til Úkraínu á næstu vikum og mánuðum. Þær sendingar innihalda meðal annars marga tugi bryndreka, brynvarðra farartækja, mikið af skotfærum og stórskotaliðsvopnakerfi. Danir ákváðu til að mynda að senda öll sín nítján Ceasar skotfæraliðsvopn til Úkraínu. Þá eru Svíar að senda Archer stórskotaliðsvopn til Úkraínu. Bandaríkin ætla samkvæmt tilkynningu frá því í gær að senda nokkur loftvarnarkerfi, skotfæri í slík kerfi, 59 Bradley bryndreka og mikið magn skotfæra, 90 Stryker bryndreka, sem hannaðir eru til að flytja hermenn, 53 farartæki sem hönnuð eru til að þola jarðsprengjur, 350 HMMWV jeppa, tuttugu þúsund 155 mm sprengikúlur fyrir stórskotalið og 600 sérstaklega nákvæmar 155 mm sprengikúlur. þeir ætla einnig að senda 95 þúsund 105 mm sprengikúlur, tæplega tólf þúsund sprengjur í sprengjuvörpur og skotfæri fyrir HIMARS eldflaugakerfi. Þar að auki ætla Bandaríkjamenn að senda sérstaka flutningabíla fyrir skotfæri til Úkraínu, auk sex færanlegra stjórnstöðva og 22 bíla til að flytja fallbyssur. Þá senda þeir rúmlega þrjár milljónir byssuskota, nætursjónauka og eldflaugar sem hannaðar eru til að elta upp ratsjár og granda þeim, auk annars búnaðar. Eistar standa öðrum framar Meðal annarra tilkynntu Eistar líka nýja vopnasendingu til Úkraínu en hún er sú stærsta frá þeim hingað til. Hernaðaraðstoð Eista til Úkraínu samsvarar nú meira en einu prósenti af vergri landsframleiðslu Eistlands. Kaja Kallas, forsætisráðherra, sagði frá sendingunni í gær og sagði að hún innihéldi stórskotaliðsvopn, sprengjuvörpur og skotfæri. Hún sagði einni að allir vildu binda enda á stríðið í Úkraínu en að Rússar hefðu sent skýr skilaboð að þeir myndu ekki láta af árásarstríði þeirra. Þrátt fyrir mikið mannfall ættu Rússar enn mikið magn hergagna í vöruskemmum og enn gætu þeir kvatt hundruð þúsundir manna í herinn. Þá hafi Rússar lagt mikið púður í hergagnaframleiðslu. Kallas sagði að þetta væri ástæðan fyrir því að Vesturlönd þyrftu að gera meira og auka aðstoð við Úkraínu til að tryggja sigur Úkraínumanna. Hún sagði árás Rússa á Úkraínu kosta alla Evrópu. Á meðan önnur ríki borguðu þann kostnað í Evrum, væru Úkraínumenn að borga hann með mannslífum. Russian aggression has a price to all of us a price we pay in euros but Ukraine pays in human lives.That price would be much-much higher for the whole world if aggression paid off.More information about Estonia s military aid package: https://t.co/xRAMDK4b8r 5/— Kaja Kallas (@kajakallas) January 19, 2023 Þá hefur vakið athygli að Wopke Hoekstra, utanríkisráðherra Hollands, sagði í gær að til greina kæmi að senda F-16 orrustuþotur til Úkraínu. Taki Úkraínumenn þá ákvörðun að biðja um orrustuþotur yrði það skoðað og ekkert væri útilokað í þeim málum. Þá hefur NL Times eftir Kajsa Ollongren, varnarmálaráðherra Hollands, að ríkið væri tilbúið til að borga fyrir Leopard 2 skriðdreka sem sendir yrðu frá öðrum löndum til Úkraínu. Hollendingar hafa þegar, með Bandaríkjunum, greitt fyrir uppfærslu á um þrjú hundruð T-72 skriðdrekum sem senda á frá Tékklandi til Úkraínu. Þeir skriðdrekar eru frá tímum Sovétríkjanna. Vólódímír Selenskí, forseti Úkraínu, kallaði eftir því í morgun að Úkraínumenn fengju F-16 orrustuþotur og langdrægari eldflaugar. #RamsteinThe war started by RF doesn t allow delays.I can thank you hundreds of times but hundreds of "thank you are not hundreds of tanks.We must speed up! Time must become our common weapon, just like air defense, artillery, armored vehicles & tanks.The Kremlin must lose pic.twitter.com/wieu6fkMBn— (@ZelenskyyUa) January 20, 2023 Úkraína Innrás Rússa í Úkraínu Rússland NATO Þýskaland Danmörk Svíþjóð Eistland Pólland Hernaður Holland Tékkland Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Mun ekki halla mér aftur og leyfa deyjandi sjónvarpsstöð að ráðast á mig“ Erlent Vilja svör um möguleg „óþægileg hagsmunatengsl“ borgar og RÚV Innlent Katrín efst en Jón hrynur í nýrri könnun Innlent „Fann það þegar ég vaknaði í morgun að þetta var lúmskt áfall“ Innlent Horfði á þegar vinur hans réðst á manninn sem braut á dóttur hans Innlent Kolbeinn Sigþórsson ákærður fyrir brot gegn barnungri stúlku Innlent „Helvíti fínt“ að komast aftur á Papa's Pizza Innlent Hárgreiðslustóll ekki hættulegt tæki og konan fær engar bætur Innlent Ætlar ekki að þröngva sér upp á fólk Innlent Halla vill skikka ungmenni í samfélagsþjónustu Innlent Fleiri fréttir „Mun ekki halla mér aftur og leyfa deyjandi sjónvarpsstöð að ráðast á mig“ Segir fólk eiga rétt til mótmæla en ekki til óreiðu Umfangsmikil mótmæli vegna „rússneskra“ laga í Georgíu Enn í basli með skemmdir á hitaskildi Orion Vornanen kastað úr þingflokknum Hafa engin varnarvirki til að hörfa í Yfirstandandi kosningar á Englandi prófsteinn fyrir Íhaldsflokkinn Viðbrögð Hamas við vopnahléstillögunum „neikvæð“ Hundruð lögreglumanna í viðbragðsstöðu vegna mótmæla í UCLA Vilja endurupptöku í máli Weinstein Þrjú hundruð handtekin í Columbia-háskóla Stuðningur við dönsku ríkisstjórnina aldrei verið minni Mótmælendur og gagnmótmælendur tókust á Trump sektaður um meira en milljón króna Rússar sagðir nota skotflaugar frá Norður-Kóreu Þrettán ára drengur stunginn til bana með sverði Særði minnst fimm með sverði í Lundúnum Íslendingur sem lúbarði lögreglumenn í Varsjá þarf að borga brúsann Fjórir lögreglumenn skotnir til bana í Charlotte Rostungur sem fannst í fyrra drapst af völdum fuglaflensu Hvetur Hamas til að ganga að rausnarlegum tillögum Ísrael Flugvöllur Færeyinga fær að taka við stærri þotum Yousaf segir af sér sem ráðherra og formaður Skoska þjóðarflokksins Sánchez hættir við að segja af sér Grafið undan fjölmiðlafrelsinu víða í Evrópu Vopnahlé í sjónmáli? Tveir látnir eftir að bíll hafnaði í sjónum við Stokkhólm Fjölmenn mótmæli vegna ofbeldisbylgju í Ástralíu Vasaúr ríkasta manns Titanic seldist á 210 milljónir Þúsundir hvöttu Sánchez til að segja ekki af sér Sjá meira
Eftir langvarandi þrátefli á víglínunum vinna bæði Rússar og Úkraínumenn að því að byggja upp nýjar herdeildir fyrir frekari átök þegar vorið nálgast. Úkraínumenn segja vopnasendingar þeim gífurlega mikilvægar og því fyrr sem þeir fái vopn því betra. Úkraínumenn hafa sérstaklega vonast eftir því að fá Leopard 2 skriðdreka sem framleiddir eru í Þýskalandi. Þeir eru víða notaðir í Evrópu og hafa ráðamenn í nokkrum ríkjum sagst tilbúnir til að senda skriðdreka. Þjóðverjar þurfa þó að gefa leyfi fyrir því, þar sem þeir eru framleiddir þar. Það hafa Þjóðverjar ekki viljað gera og segja að Bandaríkjamenn þurfi einnig að senda M1 Abrams skriðdreka til Úkraínu. Leopard skriðdrekarnir þykja þó hentugri fyrir Úkraínumenn en Abrams skriðdrekar Bandaríkjamanna, þar sem þeir síðarnefndu ganga fyrir flugvélaeldsneyti, þurfa meira viðhald og umfangsmeira birgðanet en Leopard 2 skriðdrekar, sem ganga fyrir hefðbundinni dísilolíu. Sjá einnig: Á að ákveða hvort Úkraína fái vestræna skriðdreka Ráðamenn í Þýskalandi hafa gefið í skyn að þeir óttist stigmögnun í átökunum í Úkraínu. Mateusz Morawiecki, forsætisráðherra Póllands, sagði í gær að taki Þjóðverjar ekki ákvörðun á komandi dögum, gætu Pólverjar gripið til aðgerða og sent Leopoard skriðdreka til Úkraínu án leyfis frá Berlín. „Við munum annað hvort komast fljótt að samkomulagi eða við munum sjálfir gera það sem er rétt,“ sagði Morawiecki. Bretar riðu á vaðið Bretar ætla að senda fjórtán Challenger 2 skriðdreka til Úkraínu en þeir eru eldri en Leopard 2 skriðdrekarnir. Á blaði eru báðir skriðdrekarnir þó betri en skriðdrekarnir sem bæði Rússar og Úkraínumenn hafa til afnota. Úkraínumenn hafa fengið mikinn fjölda skriðdreka sem framleiddir voru á tímum Sovétríkjanna frá ríkjum Austur-Evrópu. Þegar Úkraínumenn segjast þurfa vestræna skriðdreka vísa þeir meðal annars til þess að skotfæri í gömlu sovésku skriðdrekana eru af skornum skammti og lítið af þeim framleidd á Vesturlöndum. Peskóv sagði við blaðamenn í morgun að Rússar teldu ekki líklegt að sendingar vestrænna skriðdreka myndu hafa nokkur áhrif og myndu ekki koma í veg fyrir að Rússar næðu markmiðum sínum í Úkraínu, samkvæmt RIA fréttaveitunni, sem er í eigu rússneska ríkisins. Hann sagði þar að auki að sendingarnar myndu eingöngu auka á vandræði Úkraínumanna varðandi það að þjónusta þessa skriðdreka. Funda um aukna aðstoð Erindrekar bandalagsríkja Úkraínu funda nú í Þýskalandi um hernaðaraðstoð til Úkraínu. Við upphaf fundarins í Ramstein í morgun sagði Lloyd Austin, varnarmálaráðherra Bandaríkjanna, að rússar væru að fylkja saman liði og byggja upp hersveitir. Hann sagði að bakhjarlar Úkraínu þyrftu að standa þétt við bakið á Úkraínumönnum og ekki missa móðinn. Halda á blaðamannafund um niðurstöðu fundarins seinna í dag. Í aðdraganda fundarins hafa forsvarsmenn margra ríkja þó opinberað hvað sent verður til Úkraínu á næstu vikum og mánuðum. Þær sendingar innihalda meðal annars marga tugi bryndreka, brynvarðra farartækja, mikið af skotfærum og stórskotaliðsvopnakerfi. Danir ákváðu til að mynda að senda öll sín nítján Ceasar skotfæraliðsvopn til Úkraínu. Þá eru Svíar að senda Archer stórskotaliðsvopn til Úkraínu. Bandaríkin ætla samkvæmt tilkynningu frá því í gær að senda nokkur loftvarnarkerfi, skotfæri í slík kerfi, 59 Bradley bryndreka og mikið magn skotfæra, 90 Stryker bryndreka, sem hannaðir eru til að flytja hermenn, 53 farartæki sem hönnuð eru til að þola jarðsprengjur, 350 HMMWV jeppa, tuttugu þúsund 155 mm sprengikúlur fyrir stórskotalið og 600 sérstaklega nákvæmar 155 mm sprengikúlur. þeir ætla einnig að senda 95 þúsund 105 mm sprengikúlur, tæplega tólf þúsund sprengjur í sprengjuvörpur og skotfæri fyrir HIMARS eldflaugakerfi. Þar að auki ætla Bandaríkjamenn að senda sérstaka flutningabíla fyrir skotfæri til Úkraínu, auk sex færanlegra stjórnstöðva og 22 bíla til að flytja fallbyssur. Þá senda þeir rúmlega þrjár milljónir byssuskota, nætursjónauka og eldflaugar sem hannaðar eru til að elta upp ratsjár og granda þeim, auk annars búnaðar. Eistar standa öðrum framar Meðal annarra tilkynntu Eistar líka nýja vopnasendingu til Úkraínu en hún er sú stærsta frá þeim hingað til. Hernaðaraðstoð Eista til Úkraínu samsvarar nú meira en einu prósenti af vergri landsframleiðslu Eistlands. Kaja Kallas, forsætisráðherra, sagði frá sendingunni í gær og sagði að hún innihéldi stórskotaliðsvopn, sprengjuvörpur og skotfæri. Hún sagði einni að allir vildu binda enda á stríðið í Úkraínu en að Rússar hefðu sent skýr skilaboð að þeir myndu ekki láta af árásarstríði þeirra. Þrátt fyrir mikið mannfall ættu Rússar enn mikið magn hergagna í vöruskemmum og enn gætu þeir kvatt hundruð þúsundir manna í herinn. Þá hafi Rússar lagt mikið púður í hergagnaframleiðslu. Kallas sagði að þetta væri ástæðan fyrir því að Vesturlönd þyrftu að gera meira og auka aðstoð við Úkraínu til að tryggja sigur Úkraínumanna. Hún sagði árás Rússa á Úkraínu kosta alla Evrópu. Á meðan önnur ríki borguðu þann kostnað í Evrum, væru Úkraínumenn að borga hann með mannslífum. Russian aggression has a price to all of us a price we pay in euros but Ukraine pays in human lives.That price would be much-much higher for the whole world if aggression paid off.More information about Estonia s military aid package: https://t.co/xRAMDK4b8r 5/— Kaja Kallas (@kajakallas) January 19, 2023 Þá hefur vakið athygli að Wopke Hoekstra, utanríkisráðherra Hollands, sagði í gær að til greina kæmi að senda F-16 orrustuþotur til Úkraínu. Taki Úkraínumenn þá ákvörðun að biðja um orrustuþotur yrði það skoðað og ekkert væri útilokað í þeim málum. Þá hefur NL Times eftir Kajsa Ollongren, varnarmálaráðherra Hollands, að ríkið væri tilbúið til að borga fyrir Leopard 2 skriðdreka sem sendir yrðu frá öðrum löndum til Úkraínu. Hollendingar hafa þegar, með Bandaríkjunum, greitt fyrir uppfærslu á um þrjú hundruð T-72 skriðdrekum sem senda á frá Tékklandi til Úkraínu. Þeir skriðdrekar eru frá tímum Sovétríkjanna. Vólódímír Selenskí, forseti Úkraínu, kallaði eftir því í morgun að Úkraínumenn fengju F-16 orrustuþotur og langdrægari eldflaugar. #RamsteinThe war started by RF doesn t allow delays.I can thank you hundreds of times but hundreds of "thank you are not hundreds of tanks.We must speed up! Time must become our common weapon, just like air defense, artillery, armored vehicles & tanks.The Kremlin must lose pic.twitter.com/wieu6fkMBn— (@ZelenskyyUa) January 20, 2023
Úkraína Innrás Rússa í Úkraínu Rússland NATO Þýskaland Danmörk Svíþjóð Eistland Pólland Hernaður Holland Tékkland Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Mun ekki halla mér aftur og leyfa deyjandi sjónvarpsstöð að ráðast á mig“ Erlent Vilja svör um möguleg „óþægileg hagsmunatengsl“ borgar og RÚV Innlent Katrín efst en Jón hrynur í nýrri könnun Innlent „Fann það þegar ég vaknaði í morgun að þetta var lúmskt áfall“ Innlent Horfði á þegar vinur hans réðst á manninn sem braut á dóttur hans Innlent Kolbeinn Sigþórsson ákærður fyrir brot gegn barnungri stúlku Innlent „Helvíti fínt“ að komast aftur á Papa's Pizza Innlent Hárgreiðslustóll ekki hættulegt tæki og konan fær engar bætur Innlent Ætlar ekki að þröngva sér upp á fólk Innlent Halla vill skikka ungmenni í samfélagsþjónustu Innlent Fleiri fréttir „Mun ekki halla mér aftur og leyfa deyjandi sjónvarpsstöð að ráðast á mig“ Segir fólk eiga rétt til mótmæla en ekki til óreiðu Umfangsmikil mótmæli vegna „rússneskra“ laga í Georgíu Enn í basli með skemmdir á hitaskildi Orion Vornanen kastað úr þingflokknum Hafa engin varnarvirki til að hörfa í Yfirstandandi kosningar á Englandi prófsteinn fyrir Íhaldsflokkinn Viðbrögð Hamas við vopnahléstillögunum „neikvæð“ Hundruð lögreglumanna í viðbragðsstöðu vegna mótmæla í UCLA Vilja endurupptöku í máli Weinstein Þrjú hundruð handtekin í Columbia-háskóla Stuðningur við dönsku ríkisstjórnina aldrei verið minni Mótmælendur og gagnmótmælendur tókust á Trump sektaður um meira en milljón króna Rússar sagðir nota skotflaugar frá Norður-Kóreu Þrettán ára drengur stunginn til bana með sverði Særði minnst fimm með sverði í Lundúnum Íslendingur sem lúbarði lögreglumenn í Varsjá þarf að borga brúsann Fjórir lögreglumenn skotnir til bana í Charlotte Rostungur sem fannst í fyrra drapst af völdum fuglaflensu Hvetur Hamas til að ganga að rausnarlegum tillögum Ísrael Flugvöllur Færeyinga fær að taka við stærri þotum Yousaf segir af sér sem ráðherra og formaður Skoska þjóðarflokksins Sánchez hættir við að segja af sér Grafið undan fjölmiðlafrelsinu víða í Evrópu Vopnahlé í sjónmáli? Tveir látnir eftir að bíll hafnaði í sjónum við Stokkhólm Fjölmenn mótmæli vegna ofbeldisbylgju í Ástralíu Vasaúr ríkasta manns Titanic seldist á 210 milljónir Þúsundir hvöttu Sánchez til að segja ekki af sér Sjá meira