Telur að fasta rútan hafi greitt götu björgunarsveita Kjartan Kjartansson skrifar 10. janúar 2023 09:01 Rúta Hópabíla þveraði þjóðveginn um tíma á jóladag. Fyrirtækið réði Benedikt Bragason (t.h.) til að koma henni til bjargar og fylgja á Hótel Dyrhólaey. Samsett Bóndi í Vestur-Skaftafellssýslu sem aðstoðaði rútu sem festi sig í tvígang í ófærð á jóladag segir að björgunarsveitir hafi átt greiðari leið með fólk í skjól vegna þess að eigendur rútunnar fengu hann til hjálpar. Lögreglurannsókn á málinu stendur yfir. Rúta með þrjátíu erlendum ferðamönnum um borð á vegum Hópbíla festi sig og þveraði þjóðveginn við Pétursey, austan við Sólheimasand, á jóladag. Henni hafði þá verið ekið fram hjá lokunarpósti við Markarfljót. Þjóðvegurinn á milli Víkur og Kirkjubæjarklausturs hafði verið lokaður vegna ófærðar frá því um morguninn. Framkvæmdastjóri Hópbíla sagði Vísi að bílstjórinn og fararstjórinn hefðu ekki séð lokunarpósta. Síðar sama dag festi rútan sig aftur, nú á afleggjaranum að Hótel Dyrhólaey. Í tilkynningu frá Landsbjörg á jóladag kom fram að rútan þveraði veginn en björgunarsveitarfólk kæmist þó fram hjá henni. Lögreglan á Suðurlandi rannsakar nú atvikið. Skýrslan hefur verið tekin af ökumanninum sem nýtur réttarstöðu sakbornings við rannsóknina. Það voru ekki björgunarsveitir sem komu rútunni til bjargar heldur Benedikt Bragason, bóndi á Ytri-Sólheimum. Hópbílar höfðu samband við hann um að koma á stórri dráttarvél með skóflu til að losa rútuna eftir að viðbragðsaðilar bentu fyrirtækinu á að hafa samband við ferðaþjónustufyrirtæki með stóra jeppa til að koma fólkinu í skjól. „Ég fór nú og aðstoðaði kallagreyin á rútunni. Það var svo sem bara ósköp lítið mál að kippa rútunni upp við Pétursey þar sem hún var föst,“ segir Benedikt í samtali við Vísi. Samskiptavandræði þegar rútan kom á afleggjarann Benedikt telst til að um fjörutíu bílar hafi setið fastir á svæðinu þar sem rútan festi sig fyrst. Íslenskur leiðsögumaður rútunnar hafi beðið sig um að fylgja henni að Hótel Dyrhólaey til að koma hópnum í var. Hann segist hafa ekið á undan rútunni og skafið snjó alveg niður í malbik þannig að engin hætta hafi verið á að hún festist. Viðurkennir hann að hafa ekki haft neitt leyfi til að fara með rútuna inni á lokuðu svæðinu en að hann hafi talið það langbestu leiðina að fjarlægja hana af þjóðveginum. Þegar að afleggjaranum að Hótel Dyrhólaey var komið var ætlunin að rútan biði á meðan Benedikt mokaði veginn svo ferðamennirnir gætu gengið að því. Benedikt segir að aldrei hafi staðið til að rútan keyrði veginn þar sem hann liggi upp svolitla brekku sem sé erfið viðureignar við aðstæður eins og voru á jóladag. Samskiptavandræði á milli hans og bílstjóra rútunnar, sem er erlendur og talar ekki íslensku og takmarkaða ensku, urðu til þess að rútubílstjórinn ók á eftir Benedikt og festi sig þá aftur. „Ég svona reyndi að fara aftur til baka til að kippa honum niður úr festunni en fann ekki leið fram hjá,“ segir Benedikt. Benedikt Bragason, bóndi á Ytri-Sólheimum.Aðsend Telur sig hafa greitt leið björgunarsveitar Eftir að Benedikt ráðfærði sig við hótelstjórann fór hann aftur að rútunni og náði að moka hana út. Hann ruddi veginn oft þá um daginn þar sem þá var enn eftir að koma fólki og farangri upp á hótelið og leggja rútunni út í kant svo hún væri ekki fyrir. Vegurinn hafi aldrei verið ófær og björgunarsveitir, sem ferjuðu fólk úr einkabílum sem sátu fastir á þjóðveginum upp á hótelið, hafi átt greiða leið fram hjá. „Sennilega greiðari aðgang vegna þess að rútan var þarna og hún borgaði mér laun við að halda veginum opnum upp að hótelinu. Ég leit svo á að rútan hefði bjargað þeim með því að moka veginn upp,“ segir Benedikt. Ber ekki í bætifláka fyrir þá sem hunsa lokanir Hann tekur þó fram að hann dragi ekki úr alvarleika þess að keyra inn á lokað svæði, teppa vegi og valda vandræðum. „Ég er ekkert að bera í bætifláka fyrir það,“ segir Benedikt sem bendir engu að síður á að enginn hafi verið í hættu og aðgerðir björgunarsveita hafi ekki tafist. Benedikt segist ekki hafa spurt ökumanninn eða fararstjórann hvers vegna þeir óku fram hjá lokunarpósti. „Ég var búinn að skamma þá. Ég gaf þeim engan séns á að ræða það neitt. Ég var ekki ánægður með það. Menn eiga nú að hafa vit á því að gera ekki svona hluti,“ segir hann. Björgunarsveitir Umferð Mýrdalshreppur Veður Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Ræða mögulega við rútubílstjórann í dag Innlent Grunaður um kynferðisbrot gegn stjúpdóttur sinni Innlent „Þessi iðnaður er með meira eða minna allt niður um sig“ Innlent Allir um borð í rútunni Íslendingar Innlent Tók myndir af fólki á skemmtistað í leyfisleysi Innlent Tólf látin og tugir særð eftir árás á byggingavöruverslun Erlent Forsetavaktin 2024: Hver verður sjöundi forseti lýðveldisins? Innlent Auglýst eftir ungum og efnilegum hökkurum Innlent Óttast eyðileggingu íslenskrar brimbrettamenningar Innlent Um 18 stig á Norðausturlandi í dag Veður Fleiri fréttir Áfengissala, forsetakosningar og neytendamál Ræða mögulega við rútubílstjórann í dag Tók myndir af fólki á skemmtistað í leyfisleysi Grunaður um kynferðisbrot gegn stjúpdóttur sinni „Þessi iðnaður er með meira eða minna allt niður um sig“ Auglýst eftir ungum og efnilegum hökkurum Allir um borð í rútunni Íslendingar Óttast eyðileggingu íslenskrar brimbrettamenningar Geir og Jóhanna lýsa yfir stuðningi við Höllu Hrund Bregst við áhyggjum af áfengissölu og áhyggjur brimbrettakappa Sjö fluttir með þyrlu eftir rútuslys á Suðurlandi Lögreglan náði lausum grís Enginn kemst sjálfkrafa í könnunarhóp Prósents Afmælisstemming hjá Eldstó á Hvolsvelli Líst illa á áfengissölu Hagkaups: „Ég tel bara að það þurfi að fara að lögum“ Þrjátíu og fimm kílómetrar í kjörstað Enginn einn frambjóðandi augljós keppinautur Katrínar „Þetta er bara strangheiðarleg jarðskjálftahrina“ Segir fyrirhugaða áfengissölu Hagkaups lögbrot og jarðskjálftahrina í Hengli Bjarkey kemur starfsfólki matvælaráðuneytisins til varnar Málþing um stöðluð greiningar- og meðferðarferli Spá goslokum á Sundhnúksgígaröð í lok júlí Sagður hafa slegið eiginkonu sína ítrekað með steikarpönnu „Það er svo ótrúlega erfitt að vera synjað um að hitta börnin sín” Sex handteknir í átaki gegn ólöglegri atvinnustarfsemi Segir Enok hafa setið fyrir manni sem stakk hann hálfu ári áður Svipað og frekar róleg haustlægð Yrði stærsta lýðheilsuslys Íslandssögunnar Veita viðtal um Hamraborgarmálið í fyrsta sinn: Viðvörunarkerfi í bílnum hefði getað gert illt verra Rúta brann til kaldra kola við Sóltún Sjá meira
Rúta með þrjátíu erlendum ferðamönnum um borð á vegum Hópbíla festi sig og þveraði þjóðveginn við Pétursey, austan við Sólheimasand, á jóladag. Henni hafði þá verið ekið fram hjá lokunarpósti við Markarfljót. Þjóðvegurinn á milli Víkur og Kirkjubæjarklausturs hafði verið lokaður vegna ófærðar frá því um morguninn. Framkvæmdastjóri Hópbíla sagði Vísi að bílstjórinn og fararstjórinn hefðu ekki séð lokunarpósta. Síðar sama dag festi rútan sig aftur, nú á afleggjaranum að Hótel Dyrhólaey. Í tilkynningu frá Landsbjörg á jóladag kom fram að rútan þveraði veginn en björgunarsveitarfólk kæmist þó fram hjá henni. Lögreglan á Suðurlandi rannsakar nú atvikið. Skýrslan hefur verið tekin af ökumanninum sem nýtur réttarstöðu sakbornings við rannsóknina. Það voru ekki björgunarsveitir sem komu rútunni til bjargar heldur Benedikt Bragason, bóndi á Ytri-Sólheimum. Hópbílar höfðu samband við hann um að koma á stórri dráttarvél með skóflu til að losa rútuna eftir að viðbragðsaðilar bentu fyrirtækinu á að hafa samband við ferðaþjónustufyrirtæki með stóra jeppa til að koma fólkinu í skjól. „Ég fór nú og aðstoðaði kallagreyin á rútunni. Það var svo sem bara ósköp lítið mál að kippa rútunni upp við Pétursey þar sem hún var föst,“ segir Benedikt í samtali við Vísi. Samskiptavandræði þegar rútan kom á afleggjarann Benedikt telst til að um fjörutíu bílar hafi setið fastir á svæðinu þar sem rútan festi sig fyrst. Íslenskur leiðsögumaður rútunnar hafi beðið sig um að fylgja henni að Hótel Dyrhólaey til að koma hópnum í var. Hann segist hafa ekið á undan rútunni og skafið snjó alveg niður í malbik þannig að engin hætta hafi verið á að hún festist. Viðurkennir hann að hafa ekki haft neitt leyfi til að fara með rútuna inni á lokuðu svæðinu en að hann hafi talið það langbestu leiðina að fjarlægja hana af þjóðveginum. Þegar að afleggjaranum að Hótel Dyrhólaey var komið var ætlunin að rútan biði á meðan Benedikt mokaði veginn svo ferðamennirnir gætu gengið að því. Benedikt segir að aldrei hafi staðið til að rútan keyrði veginn þar sem hann liggi upp svolitla brekku sem sé erfið viðureignar við aðstæður eins og voru á jóladag. Samskiptavandræði á milli hans og bílstjóra rútunnar, sem er erlendur og talar ekki íslensku og takmarkaða ensku, urðu til þess að rútubílstjórinn ók á eftir Benedikt og festi sig þá aftur. „Ég svona reyndi að fara aftur til baka til að kippa honum niður úr festunni en fann ekki leið fram hjá,“ segir Benedikt. Benedikt Bragason, bóndi á Ytri-Sólheimum.Aðsend Telur sig hafa greitt leið björgunarsveitar Eftir að Benedikt ráðfærði sig við hótelstjórann fór hann aftur að rútunni og náði að moka hana út. Hann ruddi veginn oft þá um daginn þar sem þá var enn eftir að koma fólki og farangri upp á hótelið og leggja rútunni út í kant svo hún væri ekki fyrir. Vegurinn hafi aldrei verið ófær og björgunarsveitir, sem ferjuðu fólk úr einkabílum sem sátu fastir á þjóðveginum upp á hótelið, hafi átt greiða leið fram hjá. „Sennilega greiðari aðgang vegna þess að rútan var þarna og hún borgaði mér laun við að halda veginum opnum upp að hótelinu. Ég leit svo á að rútan hefði bjargað þeim með því að moka veginn upp,“ segir Benedikt. Ber ekki í bætifláka fyrir þá sem hunsa lokanir Hann tekur þó fram að hann dragi ekki úr alvarleika þess að keyra inn á lokað svæði, teppa vegi og valda vandræðum. „Ég er ekkert að bera í bætifláka fyrir það,“ segir Benedikt sem bendir engu að síður á að enginn hafi verið í hættu og aðgerðir björgunarsveita hafi ekki tafist. Benedikt segist ekki hafa spurt ökumanninn eða fararstjórann hvers vegna þeir óku fram hjá lokunarpósti. „Ég var búinn að skamma þá. Ég gaf þeim engan séns á að ræða það neitt. Ég var ekki ánægður með það. Menn eiga nú að hafa vit á því að gera ekki svona hluti,“ segir hann.
Björgunarsveitir Umferð Mýrdalshreppur Veður Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Ræða mögulega við rútubílstjórann í dag Innlent Grunaður um kynferðisbrot gegn stjúpdóttur sinni Innlent „Þessi iðnaður er með meira eða minna allt niður um sig“ Innlent Allir um borð í rútunni Íslendingar Innlent Tók myndir af fólki á skemmtistað í leyfisleysi Innlent Tólf látin og tugir særð eftir árás á byggingavöruverslun Erlent Forsetavaktin 2024: Hver verður sjöundi forseti lýðveldisins? Innlent Auglýst eftir ungum og efnilegum hökkurum Innlent Óttast eyðileggingu íslenskrar brimbrettamenningar Innlent Um 18 stig á Norðausturlandi í dag Veður Fleiri fréttir Áfengissala, forsetakosningar og neytendamál Ræða mögulega við rútubílstjórann í dag Tók myndir af fólki á skemmtistað í leyfisleysi Grunaður um kynferðisbrot gegn stjúpdóttur sinni „Þessi iðnaður er með meira eða minna allt niður um sig“ Auglýst eftir ungum og efnilegum hökkurum Allir um borð í rútunni Íslendingar Óttast eyðileggingu íslenskrar brimbrettamenningar Geir og Jóhanna lýsa yfir stuðningi við Höllu Hrund Bregst við áhyggjum af áfengissölu og áhyggjur brimbrettakappa Sjö fluttir með þyrlu eftir rútuslys á Suðurlandi Lögreglan náði lausum grís Enginn kemst sjálfkrafa í könnunarhóp Prósents Afmælisstemming hjá Eldstó á Hvolsvelli Líst illa á áfengissölu Hagkaups: „Ég tel bara að það þurfi að fara að lögum“ Þrjátíu og fimm kílómetrar í kjörstað Enginn einn frambjóðandi augljós keppinautur Katrínar „Þetta er bara strangheiðarleg jarðskjálftahrina“ Segir fyrirhugaða áfengissölu Hagkaups lögbrot og jarðskjálftahrina í Hengli Bjarkey kemur starfsfólki matvælaráðuneytisins til varnar Málþing um stöðluð greiningar- og meðferðarferli Spá goslokum á Sundhnúksgígaröð í lok júlí Sagður hafa slegið eiginkonu sína ítrekað með steikarpönnu „Það er svo ótrúlega erfitt að vera synjað um að hitta börnin sín” Sex handteknir í átaki gegn ólöglegri atvinnustarfsemi Segir Enok hafa setið fyrir manni sem stakk hann hálfu ári áður Svipað og frekar róleg haustlægð Yrði stærsta lýðheilsuslys Íslandssögunnar Veita viðtal um Hamraborgarmálið í fyrsta sinn: Viðvörunarkerfi í bílnum hefði getað gert illt verra Rúta brann til kaldra kola við Sóltún Sjá meira
Veita viðtal um Hamraborgarmálið í fyrsta sinn: Viðvörunarkerfi í bílnum hefði getað gert illt verra