Erlent

Höfundur Gaia-kenningarinnar er látinn

Bjarki Sigurðsson skrifar
James Lovelock á Gamlingja-verðlaununum í London árið 2017.
James Lovelock á Gamlingja-verðlaununum í London árið 2017. Getty/Yui Mok

Breski vísindamaðurinn James Lovelock sem þekktastur er fyrir Gaia-kenninguna lést í gær. Hann fæddist þann 26. júlí árið 1908 og lést því á 103 ára afmælisdaginn.

Samkvæmt The Guardian lést Lovelock eftir slæm veikindi eftir slæmt fall fyrir sex mánuðum síðan. Hann lést á heimili sínu umkringdur fjölskyldu sinni.

Lovelock er þekktastur fyrir Gaia-kenninguna sem fjallar um að Jörðin sé öll lifandi heild.

„Nánar tiltekið segir kenningin að lífið á Jörðinni sé ekki til komið af tilviljun einni (háðri heppilegri staðsetningu hnattarins í sólkerfinu) heldur stuðli lífmassinn allur að því, með virkum hætti, að hin heppilegu skilyrði til lífs á Jörðinni haldist sem lengst,“ segir í svari Þorsteins G. Berghreinssonar um Gaia-kenninguna á Vísindavefnum.

Lovelock var mikill umhverfissinni og hélt því fram síðustu ár að aðeins eitt prósent lífhvolsins sé eftir.

Lovelock var þó ansi umdeildur um langt skeið, þá sérstaklega þar sem hann talaði um kjarnorku sem umhverfisvænan orkugjafa. Í dag eru þó flestir sammála þessari kenningu hans.

Andlát Bretland Umhverfismál Vísindi
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið