Innlent

Kvöldfréttir Stöðvar 2

Erla Björg Gunnarsdóttir skrifar
Sindri Sindrason verður með ykkur í fréttatíma kvöldsins.
Sindri Sindrason verður með ykkur í fréttatíma kvöldsins.

Vont veður og erfiðar aðstæður við Þingvallavatn valda því að ólíklega verður hægt að hífa flugvélina sem fannst í gær upp úr vatninu fyrr en seint í næstu viku. Til skoðunar er þó hvort hægt verði að sækja þá látnu úr brakinu fyrr. Rætt verður við Odd Árnason yfirlögregluþjón í kvöldfréttum.

Þá verður rætt við 68 ára rafeindavirkja sem Isavia ANS sagði upp vegna aldurs. Hann fagnar því að kærunefnd jafnréttismála hafi staðfest brot félagsins gegn sér en hann myndi gjarnan vilja fá að vinna lengur.

Í kvöldfréttum verður fjallað um björgunaraðgerðir í Marokkó við að ná fimm ára dreng úr brunni og ítarleg umfjöllun verður um sérfræðiaðgerðir á Íslandi sem ekki eru niðurgreiddar, og þá sérstaklega í tilfelli Jóns Ívars Einarssonar læknis sem er sérfræðingur í endómetríósu - en konur fá ekki niðugreiddar aðgerðir hjá honum.

Einnig hittum við tæplega níræðan kúabónda sem hefur mjólkað í áttatíu ár. Geri aðrir betur. Þetta og margt fleira í kvöldfréttum á samtengdum rásum Stöðvar 2 og Bylgjunnar.

Kvöldfréttirnar eru í lokaðri dagskrá en áskrifendur geta horft á þær hér á stod2.is. Einnig er hægt að hlusta á fréttirnar á Bylgjunni hér í spilaranum fyrir ofan.

Kvöldfréttir Stöðvar 2
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið