Brenndu þorpsbúa lifandi í Búrma Samúel Karl Ólason skrifar 9. desember 2021 09:15 Blóðslettur nærri brenndum líkum þorpsbúa í Done Taw í Búrma. AP Hermenn í Búrma hafa verið sakaðir um grimmilegt ódæði í norðvesturhluta landsins. Hermennirnir bundu ellefu almenna borgara og brenndu þá lifandi. Ófæðið er sagt vera hefnd vegna árásar á bílalest hersins á svæðinu. AP fréttaveitan hefur eftir vitnum og sjálfstæðum fjölmiðlum í Búrma, sem einnig er þekkt sem Mjanmar, að hermenn hafi ráðist á þorpið Done Taw í Sagaing-héraði og smalað saman ellefu íbúum þess inn í kofa. Þetta fólk var svo bundið saman og kveikt í þeim en í hópnum voru táningar. Myndir og myndbönd af brenndum líkum fólksins hafa verið í dreifingu á samfélagsmiðlum og hafa valdið mikilli reiði í Búrma, þar sem herinn tók völd í febrúar. Í kjölfarið hefur herinn verið sakaður um fjölmörg ódæði í landinu en AP segir þau virðast fara versnandi samhliða harðari mótspyrnu gegn herstjórninni. Vitni sem AP ræddi við sagði um fimmtíu hermenn hafa ráðist á þorpið á þriðjudaginn og handsamað alla þá sem tókst ekki að flýja. Önnur vitni sem vísað er í í þarlendum fjölmiðlum segja fórnarlömbin hafa tilheyrt nokkurskonar varnarsveit þorpsins sem íbúar hafi skipulagt sjálfir. Uppreisnarmenn hafa ráðist á hermenn í Sagaing-héraði og öðrum í norðvesturhluta landsins að undanförnu. Eftir að herinn tók völdin í landinu fóru fram umfangsmikil mótmæli víða um landið. Herinn mætti þeim af mikilli hörku og voru borgarar stráfelldir af hernum. Sjá einnig: Blóðbaðið í „Búrma“ heldur áfram Forsvarsmenn mannréttindasamtakanna Human Rights Watch kalla eftir því að alþjóðasamfélagið gangi úr skugga um að þeim herforingjum sem gáfu skipanir vegna ódæðisins verði refsað. Þá verði aðgengi herforingjastjórnarinnar að fjármagni takmarkað. „Heimildarmenn okkar segja þetta hafa verið drengi og ungt fólk sem var á röngum stað á röngum tíma,“ hefur AP eftir Manny Maung, talskonu HRW. Hún sagði fregnir hafa borist af sambærilegum ódæðum að undanförnu en í þetta sinn hafi það náðst á myndavélar. Herforingjastjórn Búrma hefur beitt mikilli hörku gegn mótmælendum eftir valdarán hersins. Fjölmargir liggja í valnum og þúsundir hafa verið handteknir.AP Maung segir augljóst að ódæðið hafi átt að uppgötvast. Markmið hersins sé að hræða fólk. Herinn framdi valdarán á þeim grundvelli að umfangsmikið kosningasvindl hafi átt sér stað í kosningum í Búrma í fyrra. Lýðræðisflokkur Aung San Suu Kyi (NLD) vann mikinn sigur í kosningunum en hún var nýverið dæmd í fangelsi fyrir að kynda undir mótmælum gegn herforingjastjórninni. Sjá einnig: Stytta refsingu Suu Kyi um helming Horforingjarnir sem stjórna Búrma hafa aldrei opinberað nokkurs konar sannanir um hið meinta kosningasvindl. Þá höfðu þeir einnig heitið því að halda nýjar kosningar í landinu en hafa ekki gert það. Ríkið með tvö nöfn Búrma gengur í raun undir tveimur nöfnum. Það hét lengi, og er víða enn kallað, Búrma. Árið 1989, eftir að þáverandi herstjórn landsins barði niður hreyfingu mótmælenda sem vildu lýðræðisumbætur, með miklu ofbeldi, breytti herstjórnin nafni landsins í skyndi. Herinn sagði þá að Búrma væri nafn sem tengdist nýlendutíma ríkisins og skildi aðra þjóðflokka landsins útundan. Nafnið Búrma er sama nafn og stærsti þjóðflokkur landsins ber. Heiti ríkisins var ekki breytt í landinu sjálfu. Á burmnesku heitir Mjanmar enn formlega Búrma, samkvæmt samantekt PBS. Á heimsvísu var ákveðin tregða til að notast við Mjanmar en það hafði breyst á undanförnum árum, með aukinni hreyfingu í átt að lýðræði í landinu og minni áhrifum hersins. Hernaður Mannréttindi Mjanmar Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Hryllingur í Rafah eftir hefndaraðgerðir Erlent Fluttur slasaður frá Selfossi með þyrlu Landhelgisgæslunnar Innlent Dæmi um að börn þori ekki út í frímínútur Innlent Tveir bílar skullu saman á Reykjanesbraut Innlent Forsetavaktin 2024: Hver verður sjöundi forseti lýðveldisins? Innlent Fundu loks heitt vatn í Tungudal Innlent Fólk sem ætlar að kjósa gegn Katrínu gæti lent í vandræðum Innlent Segja þrjá hafa kastast út úr rútunni Innlent Segir veginn ekki hafa gefið sig Innlent Segir Enok hafa setið fyrir manni sem stakk hann hálfu ári áður Innlent Fleiri fréttir Hryllingur í Rafah eftir hefndaraðgerðir Átta á sjúkrahúsi eftir mikla ókyrrð 700 talin af vegna aurskriðu í Papúa Nýju-Gíneu Hamas skaut eldflaugum í átt að Tel Aviv Flytja hjálpargögn til Gasa í gegnum Kerem Shalom Tólf látin og tugir særð eftir árás á byggingavöruverslun Fjölda saknað eftir loftárás á byggingavöruverslun Halda áfram árásum á Rafah Hafnaði beiðni Baldwin um frávísun „Við munum vinna þennan slag“ Vilja banna snjallsíma fyrir yngri en 16 ára Segja Pútín vilja vopnahlé sem miðist við núverandi víglínur Sá sem át ekkert nema McDonalds í mánuð er fallinn frá Ísrael eigi að láta af öllum hernaðaraðgerðum í Rafah „Þetta setti af stað dómínó-áhrif út um allan heim“ Óttast um afdrif ríflega hundrað eftir aurskriðu Allsherjarsigur gegn Hamas ólíklegur Segir yfirlýsingar um að FBI hafi mátt skjóta Trump stórhættulegar Segir samstöðu lykilinn að jarðgangagerð Færeyinga Fjórir látnir eftir að bygging hrundi á Majorku Munu þurfa að afplána í Kósovó Skoða að leyfa árásir í Rússlandi með bandarískum vopnum Segja fiskiolíu geta aukið líkurnar á gáttatifi og heilablóðfalli Kínverjar æfa innrás á Taívan Níu létust á framboðsfundi Fjölskyldur birta myndskeið af blóðugum gíslum Hamas-liða Annar umdeildur fáni hékk við annað hús dómara Höfða mál gegn hundrað lögregluþjónum vegna árásarinnar í Uvalde Boðar til kosninga í Bretlandi í sumar Saka Rússa um að skapa ótta á Eystrasalti Sjá meira
Ófæðið er sagt vera hefnd vegna árásar á bílalest hersins á svæðinu. AP fréttaveitan hefur eftir vitnum og sjálfstæðum fjölmiðlum í Búrma, sem einnig er þekkt sem Mjanmar, að hermenn hafi ráðist á þorpið Done Taw í Sagaing-héraði og smalað saman ellefu íbúum þess inn í kofa. Þetta fólk var svo bundið saman og kveikt í þeim en í hópnum voru táningar. Myndir og myndbönd af brenndum líkum fólksins hafa verið í dreifingu á samfélagsmiðlum og hafa valdið mikilli reiði í Búrma, þar sem herinn tók völd í febrúar. Í kjölfarið hefur herinn verið sakaður um fjölmörg ódæði í landinu en AP segir þau virðast fara versnandi samhliða harðari mótspyrnu gegn herstjórninni. Vitni sem AP ræddi við sagði um fimmtíu hermenn hafa ráðist á þorpið á þriðjudaginn og handsamað alla þá sem tókst ekki að flýja. Önnur vitni sem vísað er í í þarlendum fjölmiðlum segja fórnarlömbin hafa tilheyrt nokkurskonar varnarsveit þorpsins sem íbúar hafi skipulagt sjálfir. Uppreisnarmenn hafa ráðist á hermenn í Sagaing-héraði og öðrum í norðvesturhluta landsins að undanförnu. Eftir að herinn tók völdin í landinu fóru fram umfangsmikil mótmæli víða um landið. Herinn mætti þeim af mikilli hörku og voru borgarar stráfelldir af hernum. Sjá einnig: Blóðbaðið í „Búrma“ heldur áfram Forsvarsmenn mannréttindasamtakanna Human Rights Watch kalla eftir því að alþjóðasamfélagið gangi úr skugga um að þeim herforingjum sem gáfu skipanir vegna ódæðisins verði refsað. Þá verði aðgengi herforingjastjórnarinnar að fjármagni takmarkað. „Heimildarmenn okkar segja þetta hafa verið drengi og ungt fólk sem var á röngum stað á röngum tíma,“ hefur AP eftir Manny Maung, talskonu HRW. Hún sagði fregnir hafa borist af sambærilegum ódæðum að undanförnu en í þetta sinn hafi það náðst á myndavélar. Herforingjastjórn Búrma hefur beitt mikilli hörku gegn mótmælendum eftir valdarán hersins. Fjölmargir liggja í valnum og þúsundir hafa verið handteknir.AP Maung segir augljóst að ódæðið hafi átt að uppgötvast. Markmið hersins sé að hræða fólk. Herinn framdi valdarán á þeim grundvelli að umfangsmikið kosningasvindl hafi átt sér stað í kosningum í Búrma í fyrra. Lýðræðisflokkur Aung San Suu Kyi (NLD) vann mikinn sigur í kosningunum en hún var nýverið dæmd í fangelsi fyrir að kynda undir mótmælum gegn herforingjastjórninni. Sjá einnig: Stytta refsingu Suu Kyi um helming Horforingjarnir sem stjórna Búrma hafa aldrei opinberað nokkurs konar sannanir um hið meinta kosningasvindl. Þá höfðu þeir einnig heitið því að halda nýjar kosningar í landinu en hafa ekki gert það. Ríkið með tvö nöfn Búrma gengur í raun undir tveimur nöfnum. Það hét lengi, og er víða enn kallað, Búrma. Árið 1989, eftir að þáverandi herstjórn landsins barði niður hreyfingu mótmælenda sem vildu lýðræðisumbætur, með miklu ofbeldi, breytti herstjórnin nafni landsins í skyndi. Herinn sagði þá að Búrma væri nafn sem tengdist nýlendutíma ríkisins og skildi aðra þjóðflokka landsins útundan. Nafnið Búrma er sama nafn og stærsti þjóðflokkur landsins ber. Heiti ríkisins var ekki breytt í landinu sjálfu. Á burmnesku heitir Mjanmar enn formlega Búrma, samkvæmt samantekt PBS. Á heimsvísu var ákveðin tregða til að notast við Mjanmar en það hafði breyst á undanförnum árum, með aukinni hreyfingu í átt að lýðræði í landinu og minni áhrifum hersins.
Hernaður Mannréttindi Mjanmar Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Hryllingur í Rafah eftir hefndaraðgerðir Erlent Fluttur slasaður frá Selfossi með þyrlu Landhelgisgæslunnar Innlent Dæmi um að börn þori ekki út í frímínútur Innlent Tveir bílar skullu saman á Reykjanesbraut Innlent Forsetavaktin 2024: Hver verður sjöundi forseti lýðveldisins? Innlent Fundu loks heitt vatn í Tungudal Innlent Fólk sem ætlar að kjósa gegn Katrínu gæti lent í vandræðum Innlent Segja þrjá hafa kastast út úr rútunni Innlent Segir veginn ekki hafa gefið sig Innlent Segir Enok hafa setið fyrir manni sem stakk hann hálfu ári áður Innlent Fleiri fréttir Hryllingur í Rafah eftir hefndaraðgerðir Átta á sjúkrahúsi eftir mikla ókyrrð 700 talin af vegna aurskriðu í Papúa Nýju-Gíneu Hamas skaut eldflaugum í átt að Tel Aviv Flytja hjálpargögn til Gasa í gegnum Kerem Shalom Tólf látin og tugir særð eftir árás á byggingavöruverslun Fjölda saknað eftir loftárás á byggingavöruverslun Halda áfram árásum á Rafah Hafnaði beiðni Baldwin um frávísun „Við munum vinna þennan slag“ Vilja banna snjallsíma fyrir yngri en 16 ára Segja Pútín vilja vopnahlé sem miðist við núverandi víglínur Sá sem át ekkert nema McDonalds í mánuð er fallinn frá Ísrael eigi að láta af öllum hernaðaraðgerðum í Rafah „Þetta setti af stað dómínó-áhrif út um allan heim“ Óttast um afdrif ríflega hundrað eftir aurskriðu Allsherjarsigur gegn Hamas ólíklegur Segir yfirlýsingar um að FBI hafi mátt skjóta Trump stórhættulegar Segir samstöðu lykilinn að jarðgangagerð Færeyinga Fjórir látnir eftir að bygging hrundi á Majorku Munu þurfa að afplána í Kósovó Skoða að leyfa árásir í Rússlandi með bandarískum vopnum Segja fiskiolíu geta aukið líkurnar á gáttatifi og heilablóðfalli Kínverjar æfa innrás á Taívan Níu létust á framboðsfundi Fjölskyldur birta myndskeið af blóðugum gíslum Hamas-liða Annar umdeildur fáni hékk við annað hús dómara Höfða mál gegn hundrað lögregluþjónum vegna árásarinnar í Uvalde Boðar til kosninga í Bretlandi í sumar Saka Rússa um að skapa ótta á Eystrasalti Sjá meira