Fengu ekki að syrgja eðlilega því dánarbúið var í höndum ókunnugs manns Óttar Kolbeinsson Proppé skrifar 21. september 2021 20:00 María Björk Sverrisdóttir heldur úti vinsælum söngskóla og hefur gert í marga áratugi. vísir/egill Fjölskyldu manns sem missti móður sína úr krabbameini þykir stórfurðulegt að Landsréttur hafi litið fram hjá hinsta vilja hennar í erfðaskrá. Eignir konunnar sátu eftir í höndum nýs eiginmanns sem losaði sig við ýmsa muni hennar án þess að láta fjölskylduna vita. Hæstiréttur hefur nú dæmt syninum í vil og verður dánarbúi hennar skipt á milli þeirra. Konan lést árið 2016 en hún hafði gifst manninum skömmu eftir að hún hafði greinst með krabbamein. Það var vilji hennar að eftirlifandi eiginmaðurinn sæti að óskiptu dánarbúi í þrjú ár eða þar til hann hæfi sambúð með annarri konu. Það fórst þó fyrir að láta fyrrnefnda atriðið í erfðaskrána. „Þetta voru bara algjör mistök hjá þeim sem gerði erfðaskrána af því að hann vissi ekki betur en að þetta stæðist ekki lög og breytir þessu. En hún veit ekki af þessum breytingum og skrifar undir. Og hún er orðin mjög veik þegar hún gerir það,“ segir María Björk Sverrisdóttir, tengdadóttir hinnar látnu. Lögmaðurinn hefur sjálfur gengist við þessum mistökum fyrir dómi. Hafa ekki farið inn á heimilið eftir andlátið Konan lét meðal annars eftir sig íbúð í Kópavogi og hús í Þorlákshöfn. Eftirlifandi eiginmaður hennar hefur haft yfirráð yfir öllum hennar eigum síðan hún lést og meðal annars losað sig við mikið af hennar persónulegu munum. Hann lét fjölskyldu einkasonarins þó ekki vita af því og hefur ekki gefið henni tækifæri á að fara í gegn um dót hennar, að sögn Maríu. „Það sem okkur fannst svo skrýtið var að þetta var náttúrulega einkasonur hennar. Og hann fær ekki að fara yfir neina persónulega muni, hann fær ekki að fara og kíkja á fötin og bara þefa af þeim. Eitthvað sem að er svona partur af því að syrgja og klára málið... Fá þarna barnamyndir af sér og bara svona æskuna sína. Þessu var bara öllu eytt,“ segir María Björk. Þau hafi ekki einu sinni komið inn í hús móðurinnar eftir andlátið. Henni finnst undarlegt hve mikil völd sá fær sem ræður yfir óskiptu búi. „Ef þetta er einhver óviðkomandi maður, því í okkar augum er þetta það, þá er það skrýtið að það sé hægt að hafa þessi völd. Að við getum ekki farið og skoðað neitt hjá henni eftir andlátið.“ Óvænt niðurstaða Landsréttar Þegar þrjú ár voru liðin frá andláti konunnar fór einkasonur hennar fram á það við manninn að hann léti skipta búinu eins og móðir hans hafi viljað. Hann varð þó ekki við því. Síðar komst fjölskyldan að því að maðurinn væri kominn í sambúð með konu í Svíþjóð og taldi þá ljóst að forsendur fyrir því að hann sæti á óskiptu búi væru brostnar. Því var farið með málið fyrir héraðsdóm þar sem maðurinn neitaði að vera í sambúð með sænsku konunni - hann væri aðeins að leigja af henni íbúð. Héraðsdómur taldi þó að sýnt hefði verið fram á að maðurinn væri í sambúð með konunni úti og féllst á kröfuna um að búinu yrði skipt. Hann áfrýjaði þessu til Landsréttar sem sneri dómnum við á allt öðrum og heldur óvæntum forsendum, að mati Maríu. Dómurinn taldi nefnilega að konan hafi yfir höfuð ekki mátt hafa ákvæði í erfðaskrá sinni um að skipta skildi búinu ef maðurinn færi í sambúð með annarri konu. Fölsuð gögn fyrir dómi María Björk furðar sig mjög á þessari niðurstöðu Landsréttar og telur hann hunsa algjörlega hinsta vilja hins látna sem var skýr í erfðaskrá. Á meðal þess sem lögmaður fjölskyldunnar benti á í málinu var að sterkar vísbendingar væru um að eftirlifandi eiginmaðurinn hefði lagt fram fölsuð gögn til að reyna að sýna fram á að hann væri að leigja íbúð af sænsku konunni en væri ekki í sambúð með henni. „Hvergi kemur fram neitt nafn á skjölunum, hvorki reikningseigandi né reikningsmóttakandi. Útbúinn hefur verið reitur fyrir miðju skjalsins sem er hvítur, og ritað inn í hann eftir á, mánuðirnir maí, júní, ágúst og september. Eins og framlögð skjöl fyrir Landsrétti á bls. 210-x sanna, er um að ræða annað letur í hvíta dálkinum heldur en í skjalinu sjálfu,“ segir í greinargerð lögmannsins til Hæstaréttar síðar í ferlinu, sem taldi það rétt að gögnin sýndu engan vegin fram á að maðurinn væri að leigja íbúðina. Fordæmisgefandi mál Fjölskyldan fór með málið til Hæstaréttar sem samþykkti að taka það fyrir því það gæti verið fordæmisgefandi. Dómur Hæstaréttar. Dómurinn taldi túlkun Landsréttar á málinu ranga og benti á að það væri grundvallarregla í erfðalögum að virða vilja þess látna í erfðaskrá eins og unnt væri. Þannig hafi konan mátt hafa sambúðarákvæðið inni enda ljóst að vilji hennar hafi staðið til að hleypa einkasyni sínum að búinu án þess að það skiptist líka til barna sem eftirlifandi eiginmaðurinn átti einn. María telur tíma til kominn að breyta erfðalögum til að aðlaga þau að breyttum fjölskyldumynstrum. „Því ef þetta hefði verið bara maður sem kannski ól soninn upp þá hefði þetta aldrei komið upp. En þarna er kominn maður sem er ekkert samband við og við vitum hvernig brotnar fjölskyldur geta verið. Þær eru alls konar í dag og það heyrir eiginlega bara til undantekningar ef að fólk sem á börn saman heldur óslitnu sambandi til dauðadags,“ segir hún. Hún hvetur fólk til að huga sjálft að erfðaskrám sínum og hvernig það vilji haga sínum málum eftir andlát. „Þetta eru mál sem við verðum að hafa á hreinu því við vitum auðvitað aldrei hvenær við föllum frá.“ Dómsmál Fjölskyldumál Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Hundrað milljarða fjárfesting í uppnámi Innlent Beðnir um að senda börnin sín með net vegna flugnafaraldurs Innlent Forsetavaktin 2024: Hver verður sjöundi forseti lýðveldisins? Innlent Bréf Eggerts kom flatt upp á bæjarstjórnarmenn Innlent Forsætisráðherra Slóvakíu í lífshættu eftir skotárás Erlent Halla þótti standa sig best Innlent Gjörbreytt bílpróf en segja hvergi slegið af kröfum Innlent „Köld vatnsgusa“ framan í skólasamfélagið í Laugardal Innlent Þetta er vitað um árásarmanninn Erlent Hæstiréttur segir tíma í flugvél vera vinnutíma Innlent Fleiri fréttir Meinleysisgrey sem séu lífríkinu afar mikilvæg Sjö smáskjálftar við Sýlingarfell og Veðurstofan fylgist vel með „Þetta reddast“ voru fyrstu orðin sem hann lærði Lögreglan þurfi nauðsynlega auknar rannsóknarheimildir Mikill meirihluti hlynntur dánaraðstoð Fátt ef nokkuð stöðvar eldislaxinn Segir seinlæti First Water stórfurðulegt Hæstiréttur segir tíma í flugvél vera vinnutíma Vill ræða brottvísun til Nígeríu í nefnd: „Skelfileg ásýnd á þessu máli“ Gjörbreytt bílpróf en segja hvergi slegið af kröfum Fagna framfaraskrefi ráðherra en vilja afnema tilvísanakerfið Þórdís í sendinefnd til Georgíu vegna umdeildra laga Maðurinn fannst heill á húfi Hundaskítur fyrir utan kosningamiðstöð Baldurs vekur spurningar Skilur uppnám skólasamfélagsins í Laugardal en horfa þurfi á staðreyndir Bréf Eggerts kom flatt upp á bæjarstjórnarmenn Flugvél Icelandair þurfti að snúa við Píratar hafa áhyggjur af skorti á eftirliti með lögreglu Úr 256 pakkningum á mánuði upp í sex þúsund Útlendingalög, tilvísanir og skólabygging í Laugardal Fólk setji símana á akstursstillingu til að koma í veg fyrir slys Hundrað milljarða fjárfesting í uppnámi Beðnir um að senda börnin sín með net vegna flugnafaraldurs „Nú verður þú bara að spyrja Bjarna“ Halla þótti standa sig best Ísland hástökkvari á Regnbogakortinu Stefni í endurtekningu á síðasta vori Nýir fatasöfnunargámar á leið til landsins Forsetaframbjóðendur mæta í kappræður á Stöð 2 og Vísi Munu lappa upp á vatnspóstinn í Aðalstræti Sjá meira
Konan lést árið 2016 en hún hafði gifst manninum skömmu eftir að hún hafði greinst með krabbamein. Það var vilji hennar að eftirlifandi eiginmaðurinn sæti að óskiptu dánarbúi í þrjú ár eða þar til hann hæfi sambúð með annarri konu. Það fórst þó fyrir að láta fyrrnefnda atriðið í erfðaskrána. „Þetta voru bara algjör mistök hjá þeim sem gerði erfðaskrána af því að hann vissi ekki betur en að þetta stæðist ekki lög og breytir þessu. En hún veit ekki af þessum breytingum og skrifar undir. Og hún er orðin mjög veik þegar hún gerir það,“ segir María Björk Sverrisdóttir, tengdadóttir hinnar látnu. Lögmaðurinn hefur sjálfur gengist við þessum mistökum fyrir dómi. Hafa ekki farið inn á heimilið eftir andlátið Konan lét meðal annars eftir sig íbúð í Kópavogi og hús í Þorlákshöfn. Eftirlifandi eiginmaður hennar hefur haft yfirráð yfir öllum hennar eigum síðan hún lést og meðal annars losað sig við mikið af hennar persónulegu munum. Hann lét fjölskyldu einkasonarins þó ekki vita af því og hefur ekki gefið henni tækifæri á að fara í gegn um dót hennar, að sögn Maríu. „Það sem okkur fannst svo skrýtið var að þetta var náttúrulega einkasonur hennar. Og hann fær ekki að fara yfir neina persónulega muni, hann fær ekki að fara og kíkja á fötin og bara þefa af þeim. Eitthvað sem að er svona partur af því að syrgja og klára málið... Fá þarna barnamyndir af sér og bara svona æskuna sína. Þessu var bara öllu eytt,“ segir María Björk. Þau hafi ekki einu sinni komið inn í hús móðurinnar eftir andlátið. Henni finnst undarlegt hve mikil völd sá fær sem ræður yfir óskiptu búi. „Ef þetta er einhver óviðkomandi maður, því í okkar augum er þetta það, þá er það skrýtið að það sé hægt að hafa þessi völd. Að við getum ekki farið og skoðað neitt hjá henni eftir andlátið.“ Óvænt niðurstaða Landsréttar Þegar þrjú ár voru liðin frá andláti konunnar fór einkasonur hennar fram á það við manninn að hann léti skipta búinu eins og móðir hans hafi viljað. Hann varð þó ekki við því. Síðar komst fjölskyldan að því að maðurinn væri kominn í sambúð með konu í Svíþjóð og taldi þá ljóst að forsendur fyrir því að hann sæti á óskiptu búi væru brostnar. Því var farið með málið fyrir héraðsdóm þar sem maðurinn neitaði að vera í sambúð með sænsku konunni - hann væri aðeins að leigja af henni íbúð. Héraðsdómur taldi þó að sýnt hefði verið fram á að maðurinn væri í sambúð með konunni úti og féllst á kröfuna um að búinu yrði skipt. Hann áfrýjaði þessu til Landsréttar sem sneri dómnum við á allt öðrum og heldur óvæntum forsendum, að mati Maríu. Dómurinn taldi nefnilega að konan hafi yfir höfuð ekki mátt hafa ákvæði í erfðaskrá sinni um að skipta skildi búinu ef maðurinn færi í sambúð með annarri konu. Fölsuð gögn fyrir dómi María Björk furðar sig mjög á þessari niðurstöðu Landsréttar og telur hann hunsa algjörlega hinsta vilja hins látna sem var skýr í erfðaskrá. Á meðal þess sem lögmaður fjölskyldunnar benti á í málinu var að sterkar vísbendingar væru um að eftirlifandi eiginmaðurinn hefði lagt fram fölsuð gögn til að reyna að sýna fram á að hann væri að leigja íbúð af sænsku konunni en væri ekki í sambúð með henni. „Hvergi kemur fram neitt nafn á skjölunum, hvorki reikningseigandi né reikningsmóttakandi. Útbúinn hefur verið reitur fyrir miðju skjalsins sem er hvítur, og ritað inn í hann eftir á, mánuðirnir maí, júní, ágúst og september. Eins og framlögð skjöl fyrir Landsrétti á bls. 210-x sanna, er um að ræða annað letur í hvíta dálkinum heldur en í skjalinu sjálfu,“ segir í greinargerð lögmannsins til Hæstaréttar síðar í ferlinu, sem taldi það rétt að gögnin sýndu engan vegin fram á að maðurinn væri að leigja íbúðina. Fordæmisgefandi mál Fjölskyldan fór með málið til Hæstaréttar sem samþykkti að taka það fyrir því það gæti verið fordæmisgefandi. Dómur Hæstaréttar. Dómurinn taldi túlkun Landsréttar á málinu ranga og benti á að það væri grundvallarregla í erfðalögum að virða vilja þess látna í erfðaskrá eins og unnt væri. Þannig hafi konan mátt hafa sambúðarákvæðið inni enda ljóst að vilji hennar hafi staðið til að hleypa einkasyni sínum að búinu án þess að það skiptist líka til barna sem eftirlifandi eiginmaðurinn átti einn. María telur tíma til kominn að breyta erfðalögum til að aðlaga þau að breyttum fjölskyldumynstrum. „Því ef þetta hefði verið bara maður sem kannski ól soninn upp þá hefði þetta aldrei komið upp. En þarna er kominn maður sem er ekkert samband við og við vitum hvernig brotnar fjölskyldur geta verið. Þær eru alls konar í dag og það heyrir eiginlega bara til undantekningar ef að fólk sem á börn saman heldur óslitnu sambandi til dauðadags,“ segir hún. Hún hvetur fólk til að huga sjálft að erfðaskrám sínum og hvernig það vilji haga sínum málum eftir andlát. „Þetta eru mál sem við verðum að hafa á hreinu því við vitum auðvitað aldrei hvenær við föllum frá.“
Dómsmál Fjölskyldumál Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Hundrað milljarða fjárfesting í uppnámi Innlent Beðnir um að senda börnin sín með net vegna flugnafaraldurs Innlent Forsetavaktin 2024: Hver verður sjöundi forseti lýðveldisins? Innlent Bréf Eggerts kom flatt upp á bæjarstjórnarmenn Innlent Forsætisráðherra Slóvakíu í lífshættu eftir skotárás Erlent Halla þótti standa sig best Innlent Gjörbreytt bílpróf en segja hvergi slegið af kröfum Innlent „Köld vatnsgusa“ framan í skólasamfélagið í Laugardal Innlent Þetta er vitað um árásarmanninn Erlent Hæstiréttur segir tíma í flugvél vera vinnutíma Innlent Fleiri fréttir Meinleysisgrey sem séu lífríkinu afar mikilvæg Sjö smáskjálftar við Sýlingarfell og Veðurstofan fylgist vel með „Þetta reddast“ voru fyrstu orðin sem hann lærði Lögreglan þurfi nauðsynlega auknar rannsóknarheimildir Mikill meirihluti hlynntur dánaraðstoð Fátt ef nokkuð stöðvar eldislaxinn Segir seinlæti First Water stórfurðulegt Hæstiréttur segir tíma í flugvél vera vinnutíma Vill ræða brottvísun til Nígeríu í nefnd: „Skelfileg ásýnd á þessu máli“ Gjörbreytt bílpróf en segja hvergi slegið af kröfum Fagna framfaraskrefi ráðherra en vilja afnema tilvísanakerfið Þórdís í sendinefnd til Georgíu vegna umdeildra laga Maðurinn fannst heill á húfi Hundaskítur fyrir utan kosningamiðstöð Baldurs vekur spurningar Skilur uppnám skólasamfélagsins í Laugardal en horfa þurfi á staðreyndir Bréf Eggerts kom flatt upp á bæjarstjórnarmenn Flugvél Icelandair þurfti að snúa við Píratar hafa áhyggjur af skorti á eftirliti með lögreglu Úr 256 pakkningum á mánuði upp í sex þúsund Útlendingalög, tilvísanir og skólabygging í Laugardal Fólk setji símana á akstursstillingu til að koma í veg fyrir slys Hundrað milljarða fjárfesting í uppnámi Beðnir um að senda börnin sín með net vegna flugnafaraldurs „Nú verður þú bara að spyrja Bjarna“ Halla þótti standa sig best Ísland hástökkvari á Regnbogakortinu Stefni í endurtekningu á síðasta vori Nýir fatasöfnunargámar á leið til landsins Forsetaframbjóðendur mæta í kappræður á Stöð 2 og Vísi Munu lappa upp á vatnspóstinn í Aðalstræti Sjá meira