Innlent

Konur fæddar 1967 eða síðar geta valið Pfizer fram yfir AstraZeneca

Kolbeinn Tumi Daðason skrifar
Það er heldur betur straumur af fólki í bólusetningu í Laugardalshöll í dag. Þessi mynd var tekin um klukkan tíu. Reiknað er með að um 30 þúsund manns fái sprautu í Laugardalshöll í vikunni og tíu þúsund til viðbótar á landsbyggðinni.
Það er heldur betur straumur af fólki í bólusetningu í Laugardalshöll í dag. Þessi mynd var tekin um klukkan tíu. Reiknað er með að um 30 þúsund manns fái sprautu í Laugardalshöll í vikunni og tíu þúsund til viðbótar á landsbyggðinni. Vísir/Vilhelm

Þeir sem voru bólusettir með fyrri skammt af bóluefni AstraZeneca í febrúar hafa fengið boð um að koma í bólusetningu á fimmtudag til að fá seinni skammtinn.

Konur fæddar árið 1967 eða síðar hafa þó val um hvort þær þiggi bóluefni AstraZeneca í þessari viku eða bóluefni Pfizer í næstu viku.

Þetta kemur fram í tilkynningu á vef Heilsugæslunnar á höfuðborgarsvæðinu. Þar kemur fram að í boðun fyrir bólusetningar í þessari viku hafi ekki verið möguleiki á að sleppa því að boða þessar konur nú á fimmtudaginn.

Þær hafa hins vegar val um að sleppa því að mæta í boðaða bólusetningu með AstraZeneca á fimmtudaginn eða mæta þess í stað í Laugardalshöll þriðjudaginn 11. maí og fá Pfizer. Konurnar þurfa ekki að láta vita hvort þær velja, aðeins mæta á réttum degi miðað við hvort bóluefnið þær velja. Þær mega eiga von á nýju boði í SMS-skilaboðum.

Vikuna 3. – 9. maí verða 40 þúsund einstaklingar bólusettir hér á landi. Samtals 14 þúsund fá Pfizer bóluefnið, bæði fyrri og seinni bólusetningu. Einnig fara samtals 6.500 skammtar af Janssen bóluefninu í dreifingu, um 15.000 manns fá bóluefni Astra Zeneca og á höfuðborgarsvæðinu verða 4.000 einstaklingar bólusettir með Moderna bóluefninu.

Faraldur kórónuveiru (COVID-19) Bólusetningar
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið