Mathöll í Pósthúsið: „Þetta verður veisla og nautn fyrir öll skynfærin“ Ása Ninna Pétursdóttir skrifar 27. apríl 2021 14:42 Hönnuðurinn og athafnamaðurinn Leifur Welding talar um draum sinn um glæsilegustu mathöll landsins sem hann segir nú loksins verða að veruleika. Aðsend mynd/THG Arkitekar „Við erum búnir að vera í viðræðum við húseigendur í yfir þrjú ár og núna loksins er þetta að verða að veruleika,“ segir athafnamaðurinn og hönnuðurinn Leifur Welding í viðtali við Vísi. Vinsældir mathalla hafa sjaldan verið meiri og hafa þær sprottið upp eins og gorkúlur síðustu misseri. Næsta vetur mun opna ný mathöll í hjarta miðbæjarins í húsnæði Pósthússins að Pósthússtræti 5 og segir Leifur hugmyndina af þessu verkefni hafa verið lengi í gerjun. Ætla að bjóða upp á magnaða upplifun „Þetta ferli hefur tekið þónokkurn tíma og tafist eðlilega aðeins vegna heimfaraldursins, en núna er allt komið á fullt og við erum á fullu í viðræðum við mögulega rekstraraðila.“ Í heildina verður mathöllin sjálf um 860 fermetrar og verður byggð 140 fermetra glerbygging í porti gömlu lögreglustöðvarinnar sem verður partur af svæðinu. Aðspurður um hvers vegna þetta húsnæði hafi orðið fyrir valinu segir hann staðsetninguna sjálfa auðvitað hafa verið lykilatriði. Saga hússins er líka svo heillandi og arkitektúrinn passar svo vel í það concept sem við ætlum að vinna með. Framkvæmdir eru nú þegar hafnar á gamla Pósthúsinu og mun mathöllin rísa fyrir jól. Við hverju getur fólk búist varðandi þessa mathöll í Pósthúsinu, er eitthvað sérstakt sem mun aðgreina hana frá öðrum mathöllum bæjarins? „Já, algjörlega. En án þess að gefa of mikið upp strax þá munum við leggja alveg ofboðslega mikið upp úr upplifun gesta okkar. Stemningin er okkur mjög mikilvæg og þetta verður svo mikið meira en bara hádegisstemning eða staður til að droppa inn til að grípa sér bita. Við ætlum að bjóða fólki upp á magnaða upplifun og stað sem það langar til að sækja í góðra vina hópi til þess að njóta, borða góðan mat eða fá sér drykk í umhverfi sem gleður augað. Þetta verður veisla og nautn fyrir öll skynfærin, “ segir Leifur og hlær. Leifur var einn af forsprökkum mathallarinnar við Hlemm og hefur hann komið víða við á ferli sínum sem hönnuður og hugmyndasmiður. Hann hefur meðal annars hannað mörg af glæsilegustu hótelum og veitingahúsum landsins eins og Hótel Geysi, Apótekið, Grillmarkaðinn, Kol, Kopar, Fiskifélagið og ótal sumarhús í svokölluðum „lodge“ stíl svo eitthvað sé nefnt. Sjálfur segist hann sjaldan hafa verið spenntur eins og fyrir þessu verkefni og drauminn um glæsilegustu mathöll landsins hafa fengið að krauma og þróast í kollinum í mörg ár. Gríðarlegur áhugi rekstraraðila Þessa dagana segir Leifur eigendur vera í því ferli að taka á móti umsóknum og hugmyndum frá áhugasömum aðilum sem vilja tryggja sér pláss. „Við finnum fyrir ofboðslegum áhuga en við viljum endilega fá sem flesta að borðinu til þess að geta valið vel inn. Við leggjum mikið upp úr gæðum og því að hafa sem fjölbreyttasta framboðið af stöðum.“ Það mun enginn veitingastaður fara þarna inn sem er í öðrum mathöllum í dag. Við erum sjálfir búnir að leggja línurnar um það hvernig staði við viljum fá inn og erum að leita eftir einhverju frábæru sem passar við okkar hugmyndir, þó að við séum að sjálfsögðu opnir fyrir öllum góðum hugmyndum. Í kjallara hússins mun verða starfsmannaaðstaða, kælar og geymslur en einnig verður sérinnangur í bakarí sem að sögn Leifs mun verða eitt það glæsilegasta í bænum. „Það er algjörlega þörf á því að fá gott bakarí á þetta svæði. Stíllinn verður eins og aldrei hefur sést á Íslandi áður, svolítið franskur stíll og mikil gúrmé stemning. Mathöllin sjálf mun svo opna klukkan ellefu og verða opin fram eftir kvöldi. Þetta verður algjör gleðisprengja!“ Þrívíddarteikning af glerbyggingunni sem mun rísa í portinu. THG Arkitekar Búast við sprengju í veitingageiranum í haust Stefnt er að því að opna mathöllina fyrir jólin ef öll plön ganga eftir og eru framkvæmdir nú þegar hafnar. Aðspurður út í áhrif heimsfaraldursins á veitingareksturinn segist Leifur vera mjög bjartsýnn fyrir framtíðinni. „Auðvitað hefur þetta haft áhrif á allt en við erum fullkomlega sannfærðir um það að þegar faraldurinn er yfirstaðinn þá verður algjör sprengja hérna í þessum geira. Ég held að holskeflan byrji bara núna næsta vetur.“ Ásamt Leifi eru eigendurnir þeir Ingvar Svendsen, Hermann Svendsen og Þórður Axel Þórisson og munu þeir sjálfir sjá um rekstur kokteilbarsins sem mun verða staðsettur í glerbyggingunni. Leifur bendir áhugasömum rekstraraðilum að senda tölvupóst á info@posthusmatholl.is. Veitingastaðir Tíska og hönnun Hús og heimili Reykjavík Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Vopnfirska kjötsúpan stoltið hjá efnahagsráðgjafa ríkistjórnarinnar Atvinnulíf „Oft sömu aðilar og verða öskureiðir ef þú rangkynjar köttinn þeirra eða hundinn“ Atvinnulíf Merkum áfanga fagnað í verslun BYKO á Selfossi Samstarf Algjör óvissa með Dragon Dim Sum Viðskipti innlent „Gátum ekki setið og beðið endalaust“ Neytendur Hægir á verðhækkunum matvöru Neytendur Ingu Tinnu hjá Dineout gjörsamlega ofboðið Viðskipti innlent Vilja koma fleirum en Kynnisferðum inn í BSÍ Viðskipti innlent „Ég var pæja sem vildi ekki vera með ljótan gulan hatt á hausnum“ Atvinnulíf Landsbankinn telur skilmála sína nógu skýra Viðskipti innlent Fleiri fréttir Vilja koma fleirum en Kynnisferðum inn í BSÍ Algjör óvissa með Dragon Dim Sum Landsbankinn telur skilmála sína nógu skýra Orðalag þurfi að vera nægilega skýrt fyrir sæmilega upplýstan neytanda Ráðinn markaðsstjóri Bílabúðar Benna Fetar í fótspor forverans og vildi einn lækka vexti Bein útsending: Efnahagsráðstefna í Reykjavík Kaupsamningum fjölgar en mikið ójafnvægi á leigumarkaði Hætta við hlutafjárútboð og skráningu Íslandshótela Hátt verð fæli ferðamanninn frá Íslandi Deilan um boltann fer alla leið í Hæstarétt AGS leggur til skattahækkanir Gerður ráðin til BBA//Fjeldco Þjóðin hafi tekið rétta ákvörðun í Icesave málinu Úr tveggja milljarða tekjum í fimm en töpuðu þrjátíu Ingu Tinnu hjá Dineout gjörsamlega ofboðið Eignast Securitas að fullu Netflix, Stöð2+, Prime og Disney greiði til menningar Segja markaðstorg blóðmjólka fyrirtæki Há laun og dýr bjór séu vandamál ÁTVR Hnífjöfn atkvæðagreiðsla sem gæti endað fyrir dómi Segir arðgreiðslur ÁTVR hafa lækkað um 400 milljónir vegna netsölu Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Sjá meira
Vinsældir mathalla hafa sjaldan verið meiri og hafa þær sprottið upp eins og gorkúlur síðustu misseri. Næsta vetur mun opna ný mathöll í hjarta miðbæjarins í húsnæði Pósthússins að Pósthússtræti 5 og segir Leifur hugmyndina af þessu verkefni hafa verið lengi í gerjun. Ætla að bjóða upp á magnaða upplifun „Þetta ferli hefur tekið þónokkurn tíma og tafist eðlilega aðeins vegna heimfaraldursins, en núna er allt komið á fullt og við erum á fullu í viðræðum við mögulega rekstraraðila.“ Í heildina verður mathöllin sjálf um 860 fermetrar og verður byggð 140 fermetra glerbygging í porti gömlu lögreglustöðvarinnar sem verður partur af svæðinu. Aðspurður um hvers vegna þetta húsnæði hafi orðið fyrir valinu segir hann staðsetninguna sjálfa auðvitað hafa verið lykilatriði. Saga hússins er líka svo heillandi og arkitektúrinn passar svo vel í það concept sem við ætlum að vinna með. Framkvæmdir eru nú þegar hafnar á gamla Pósthúsinu og mun mathöllin rísa fyrir jól. Við hverju getur fólk búist varðandi þessa mathöll í Pósthúsinu, er eitthvað sérstakt sem mun aðgreina hana frá öðrum mathöllum bæjarins? „Já, algjörlega. En án þess að gefa of mikið upp strax þá munum við leggja alveg ofboðslega mikið upp úr upplifun gesta okkar. Stemningin er okkur mjög mikilvæg og þetta verður svo mikið meira en bara hádegisstemning eða staður til að droppa inn til að grípa sér bita. Við ætlum að bjóða fólki upp á magnaða upplifun og stað sem það langar til að sækja í góðra vina hópi til þess að njóta, borða góðan mat eða fá sér drykk í umhverfi sem gleður augað. Þetta verður veisla og nautn fyrir öll skynfærin, “ segir Leifur og hlær. Leifur var einn af forsprökkum mathallarinnar við Hlemm og hefur hann komið víða við á ferli sínum sem hönnuður og hugmyndasmiður. Hann hefur meðal annars hannað mörg af glæsilegustu hótelum og veitingahúsum landsins eins og Hótel Geysi, Apótekið, Grillmarkaðinn, Kol, Kopar, Fiskifélagið og ótal sumarhús í svokölluðum „lodge“ stíl svo eitthvað sé nefnt. Sjálfur segist hann sjaldan hafa verið spenntur eins og fyrir þessu verkefni og drauminn um glæsilegustu mathöll landsins hafa fengið að krauma og þróast í kollinum í mörg ár. Gríðarlegur áhugi rekstraraðila Þessa dagana segir Leifur eigendur vera í því ferli að taka á móti umsóknum og hugmyndum frá áhugasömum aðilum sem vilja tryggja sér pláss. „Við finnum fyrir ofboðslegum áhuga en við viljum endilega fá sem flesta að borðinu til þess að geta valið vel inn. Við leggjum mikið upp úr gæðum og því að hafa sem fjölbreyttasta framboðið af stöðum.“ Það mun enginn veitingastaður fara þarna inn sem er í öðrum mathöllum í dag. Við erum sjálfir búnir að leggja línurnar um það hvernig staði við viljum fá inn og erum að leita eftir einhverju frábæru sem passar við okkar hugmyndir, þó að við séum að sjálfsögðu opnir fyrir öllum góðum hugmyndum. Í kjallara hússins mun verða starfsmannaaðstaða, kælar og geymslur en einnig verður sérinnangur í bakarí sem að sögn Leifs mun verða eitt það glæsilegasta í bænum. „Það er algjörlega þörf á því að fá gott bakarí á þetta svæði. Stíllinn verður eins og aldrei hefur sést á Íslandi áður, svolítið franskur stíll og mikil gúrmé stemning. Mathöllin sjálf mun svo opna klukkan ellefu og verða opin fram eftir kvöldi. Þetta verður algjör gleðisprengja!“ Þrívíddarteikning af glerbyggingunni sem mun rísa í portinu. THG Arkitekar Búast við sprengju í veitingageiranum í haust Stefnt er að því að opna mathöllina fyrir jólin ef öll plön ganga eftir og eru framkvæmdir nú þegar hafnar. Aðspurður út í áhrif heimsfaraldursins á veitingareksturinn segist Leifur vera mjög bjartsýnn fyrir framtíðinni. „Auðvitað hefur þetta haft áhrif á allt en við erum fullkomlega sannfærðir um það að þegar faraldurinn er yfirstaðinn þá verður algjör sprengja hérna í þessum geira. Ég held að holskeflan byrji bara núna næsta vetur.“ Ásamt Leifi eru eigendurnir þeir Ingvar Svendsen, Hermann Svendsen og Þórður Axel Þórisson og munu þeir sjálfir sjá um rekstur kokteilbarsins sem mun verða staðsettur í glerbyggingunni. Leifur bendir áhugasömum rekstraraðilum að senda tölvupóst á info@posthusmatholl.is.
Veitingastaðir Tíska og hönnun Hús og heimili Reykjavík Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Vopnfirska kjötsúpan stoltið hjá efnahagsráðgjafa ríkistjórnarinnar Atvinnulíf „Oft sömu aðilar og verða öskureiðir ef þú rangkynjar köttinn þeirra eða hundinn“ Atvinnulíf Merkum áfanga fagnað í verslun BYKO á Selfossi Samstarf Algjör óvissa með Dragon Dim Sum Viðskipti innlent „Gátum ekki setið og beðið endalaust“ Neytendur Hægir á verðhækkunum matvöru Neytendur Ingu Tinnu hjá Dineout gjörsamlega ofboðið Viðskipti innlent Vilja koma fleirum en Kynnisferðum inn í BSÍ Viðskipti innlent „Ég var pæja sem vildi ekki vera með ljótan gulan hatt á hausnum“ Atvinnulíf Landsbankinn telur skilmála sína nógu skýra Viðskipti innlent Fleiri fréttir Vilja koma fleirum en Kynnisferðum inn í BSÍ Algjör óvissa með Dragon Dim Sum Landsbankinn telur skilmála sína nógu skýra Orðalag þurfi að vera nægilega skýrt fyrir sæmilega upplýstan neytanda Ráðinn markaðsstjóri Bílabúðar Benna Fetar í fótspor forverans og vildi einn lækka vexti Bein útsending: Efnahagsráðstefna í Reykjavík Kaupsamningum fjölgar en mikið ójafnvægi á leigumarkaði Hætta við hlutafjárútboð og skráningu Íslandshótela Hátt verð fæli ferðamanninn frá Íslandi Deilan um boltann fer alla leið í Hæstarétt AGS leggur til skattahækkanir Gerður ráðin til BBA//Fjeldco Þjóðin hafi tekið rétta ákvörðun í Icesave málinu Úr tveggja milljarða tekjum í fimm en töpuðu þrjátíu Ingu Tinnu hjá Dineout gjörsamlega ofboðið Eignast Securitas að fullu Netflix, Stöð2+, Prime og Disney greiði til menningar Segja markaðstorg blóðmjólka fyrirtæki Há laun og dýr bjór séu vandamál ÁTVR Hnífjöfn atkvæðagreiðsla sem gæti endað fyrir dómi Segir arðgreiðslur ÁTVR hafa lækkað um 400 milljónir vegna netsölu Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Sjá meira