Innlent

Þriggja til sjö milljón rúmmetra hraun hefur þakið botn Geldingadala

Elísabet Inga Sigurðardóttir skrifar
Eldgos í Geldingadal á Reykjanesi Eldgos í Geldingadölum
Eldgos í Geldingadal á Reykjanesi Eldgos í Geldingadölum Vilhelm Gunnarsson

Níu dagar eru frá því að gos hóst í Geldingadölum. Ekkert lát virðist á gosinu og ef eitthvað er bætir í.

Þetta kemur fram í færslu Eldfjallafræði og náttúruvárhóps Háskóla Íslands sem hefur skoðað eldgosavá á Reykjanesskaga frá árinu 2001. 

Hraun hefur nú þakið botna Geldingadala og er heildarrúmmál þess á bilinu þrír til sjö milljón rúmmetrar. Gígarnir eru nú orðnir tveir og nefnir hópurinn þá Norðra og Suðra til auðkenningar.

„Síðastliðna nótt virðist hraunstreymið hafa verið stöðugt og til norðurs úr Norðra. Eftir það fellur flæðið í stórum og breiðum sveig, fyrst til vesturs og síðan til suðurs yfir í syðsta Geldingadalinn (meðfram gönguleiðinni),“ segir í tilkynningu frá hópnum.

„Jafnframt er það ljóst að þessi taumur sendir líka hraunkviku inn í hraunbunkann sem er í norðurhluta Geldingadala (s.br. glæður á stöku stað í hrauninu) og mjakar honum áfram til norðurs með því að lyfta yfirborðinu jafnt og þétt.“

Eldgos og jarðhræringar Eldgos í Fagradalsfjalli
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið