Innlent

Einn greindist með kórónuveiruna innanlands

Kristín Ólafsdóttir skrifar
Frá sýnatöku hjá heilsugæslu höfuðborgarsvæðisins.
Frá sýnatöku hjá heilsugæslu höfuðborgarsvæðisins. Vísir/vilhelm

Einn greindist með kórónuveiruna innanlands í gær. Viðkomandi var í sóttkví við greiningu. Enginn greindist með veiruna á landamærum. Þetta kemur fram í uppfærðum tölum á Covid.is.

Átján eru nú í einangrun á landinu en voru sautján í gær. Þá fækkar í sóttkví milli daga; voru 194 í gær en eru nú 170. Einn er á sjúkrahúsi og er sú tala óbreytt milli daga.

Alls voru um 1.500 sýni tekin í gær, þar af 193 við fyrri og seinni landamæraskimun. 1102 eru í skimunarsóttkví.

Síðustu daga hafa fjórir greinst utan sóttkvíar hér á landi. Þeir voru allir með breska afbrigði veirunnar.

Nýgengi innanlandssmita, þ.e. fjöldi smitaðra á hverja 100 þúsund íbúa undanfarnar tvær vikur, er nú 1,9 en var 1,6 í gær. Nýgengi landamærasmita er 3,5.

Fréttin hefur verið uppfærð.

Faraldur kórónuveiru (COVID-19)
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið