Að minnsta kosti 70 börn frá Marshall-eyjum seld bandarískum pörum Hólmfríður Gísladóttir skrifar 16. janúar 2021 20:01 Majuro er bæði höfuðborg Marshall eyja og eitt fjölda hringrifa sem mynda ríkið. Wikimedia Commons/Christopher Michel Að minnsta kosti 70 börn frá Marshall-eyjum voru seld bandarískum pörum eftir að þungaðar mæður þeirra höfðu verið lokkaðar til að yfirgefa heimili sín og fjölskyldur fyrir 1,3 milljónir króna og loforð um betra líf í Bandaríkjunum. Sá sem hafði milligöngu um „ættleiðingarnar“ fékk allt að 5,2 milljónir greiddar fyrir hvert barn og hefur játað að hafa stundað mansal og fremja önnur tengd brot. „Í áraraðir vörpuðu Bandaríkin kjarnorkusprengjum í bakgarðinum okkar,“ segir blaðamaður frá Majuro í samtali við Guardian. „En þetta; þetta er eins og að sprengja springi heima hjá þér. Í fjölskyldunni þinni. Þetta eyðileggur allt,“ segir hann um afleiðingar mansalsins á feðurna og börnin sem mæðurnar yfirgáfu. Paul Petersen, 45 ára kjörinn embættismaður í Arizona, var í desember síðastliðnum dæmur í 74 mánaða fangelsi vegna málsins og til að greiða 100 milljónir króna í sekt, skaðabætur og málskostnað. Hann sagði í dómsal að honum hefði gengið gott eitt til og harmaði að hann myndi missa af því að ala upp eigin börn vegna fangelsisdómsins. „Ég biðst afsökunar... Ég reyndi að búa til hamingjusamar fjölskyldur en eyðilagði með því mína eigin,“ sagði hann. Snérist um peninga Það var þó lítil hamingja sem Rolson Price upplifði þegar hann snéri heim til Marshall-eyja eftir vinnuferð og komst að því að konan hans og barnsmóðir var horfin. Parið átti von á dóttur, sem Price hefur aldrei hitt. Hún hafði skilið eftir skilaboð; hún var farin til Bandaríkjanna en hafði skilið ungan son þeirra eftir. Fyrst um sinn sendi hún peninga heim og þau ræddu saman í gegnum sameiginlega vini um hvað biði fjölskyldunnar þeirra. En svo ekki meir. Ákæruvaldið segir enga ástæðu til að ætla að pörin sem ættleiddu börnin hafi vitað að um ólölegan gjörning væri að ræða.Unsplash/Gabriel Tovar „Hún vildi peningana. Þess vegna fór hún... af því þeir buðu henni peninga,“ segir Price. „En þeir hugsa ekki um hvað þær skilja eftir. Af hverju myndirðu gera fjölskyldu það? Af hverju tók hann konuna mína og barnið?“ spyr hann. Fyrir ákæruvaldinu í Bandaríkjunum er svarið einfalt: Þetta var leið fyrir Petersen að verða ríkur. Og hvernig var framkvæmdin? Jú, hann smyglaði fátækum konum og ófæddum börnum þeirra frá Marshall-eyjunum til Bandaríkjanna fyrir allra augum og fyrir dágóð umboðslaun. Milliliðurinn gaf sjálfur frá sér tvö börn Petersen kom fyrst til Marshall-eyja árið 1998 og starfaði sem trúboði. Á tveimur árum lærði hann tungumálið og kynntist menningu eyjanna. Þegar hann snéri aftur til Bandaríkjanna setti hann á fót ættleiðingaþjónustu og nýtti sér nýmynduð tengsl til að komast í samband við fátækar verðandi mæður. „Petersen hrósaði sér af því á netinu að geta hjálpað pörum að ættleiða börn án milligöngu hefðbundinna ættleiðingamilliliða eða opinberra stofnana. Hann fékk konu á eyjunum til liðs við sig en hún hafði upp á fátækum þungunð konum og einblíndi meðal annars á þær sem voru ómenntaðar og höfðu starfað við vændi. Lynwood Jennet, sem einnig játaði brot sín, sagðist sjálf hafa látið bandarísk pör fá tvö barna sinna í gegnum Petersen. Jennet vingaðist við konurnar og bauð þeim aðstoð og peninga. Hún útvegaði þeim pappíra til að geta ferðast og flaug með þeim til Bandaríkjanna og kom þeim fyrir á nokkurs konar áfangaheimili. Þar sváfu konurnar oft á gólfinu og í sumum tilvikum voru vegabréfin tekin af þeim til þær gætu ekki flúið. Þá aðstoðaði Jennet konurnar einnig við að komast að hjá sjúkratrygginum (Medicaid) til að hið opinbera stæði undir kostnaðinum við fæðingarnar. Mæðurnar fengu svo einhverjar greiðslur í einn eða tvo mánuði eftir að þær afhentu börnin en voru svo sendar aftur til Marshalleyja eða eitthvert annað í Bandaríkjunum. Petersen á yfir höfði sér fleiri ákærur í tengslum við málið. Marshall-eyjar Réttindi barna Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Kolbeinn Sigþórsson ákærður fyrir brot gegn barnungri stúlku Innlent Katrín efst en Jón hrynur í nýrri könnun Innlent „Það er norskur sigur í dag“ Innlent Halla vill skikka ungmenni í samfélagsþjónustu Innlent Íslendingur í gæsluvarðhaldi vegna Hamraborgarmálsins Innlent Samþykktu verkfallsaðgerðir á Keflavíkurflugvelli Innlent Hárgreiðslustóll ekki hættulegt tæki og konan fær engar bætur Innlent Útimarkaðurinn í Mosó hættir Innlent Betra að fá óþægilegu málin fram fyrr en seinna Innlent Búinn að skila inn undirskriftum eftir „óvenjulegan“ frest Innlent Fleiri fréttir Segir fólk eiga rétt til mótmæla en ekki til óreiðu Umfangsmikil mótmæli vegna „rússneskra“ laga í Georgíu Enn í basli með skemmdir á hitaskildi Orion Vornanen kastað úr þingflokknum Hafa engin varnarvirki til að hörfa í Yfirstandandi kosningar á Englandi prófsteinn fyrir Íhaldsflokkinn Viðbrögð Hamas við vopnahléstillögunum „neikvæð“ Hundruð lögreglumanna í viðbragðsstöðu vegna mótmæla í UCLA Vilja endurupptöku í máli Weinstein Þrjú hundruð handtekin í Columbia-háskóla Stuðningur við dönsku ríkisstjórnina aldrei verið minni Mótmælendur og gagnmótmælendur tókust á Trump sektaður um meira en milljón króna Rússar sagðir nota skotflaugar frá Norður-Kóreu Þrettán ára drengur stunginn til bana með sverði Særði minnst fimm með sverði í Lundúnum Íslendingur sem lúbarði lögreglumenn í Varsjá þarf að borga brúsann Fjórir lögreglumenn skotnir til bana í Charlotte Rostungur sem fannst í fyrra drapst af völdum fuglaflensu Hvetur Hamas til að ganga að rausnarlegum tillögum Ísrael Flugvöllur Færeyinga fær að taka við stærri þotum Yousaf segir af sér sem ráðherra og formaður Skoska þjóðarflokksins Sánchez hættir við að segja af sér Grafið undan fjölmiðlafrelsinu víða í Evrópu Vopnahlé í sjónmáli? Tveir látnir eftir að bíll hafnaði í sjónum við Stokkhólm Fjölmenn mótmæli vegna ofbeldisbylgju í Ástralíu Vasaúr ríkasta manns Titanic seldist á 210 milljónir Þúsundir hvöttu Sánchez til að segja ekki af sér Skoða að færa Mónu Lísu í eigið herbergi Sjá meira
Sá sem hafði milligöngu um „ættleiðingarnar“ fékk allt að 5,2 milljónir greiddar fyrir hvert barn og hefur játað að hafa stundað mansal og fremja önnur tengd brot. „Í áraraðir vörpuðu Bandaríkin kjarnorkusprengjum í bakgarðinum okkar,“ segir blaðamaður frá Majuro í samtali við Guardian. „En þetta; þetta er eins og að sprengja springi heima hjá þér. Í fjölskyldunni þinni. Þetta eyðileggur allt,“ segir hann um afleiðingar mansalsins á feðurna og börnin sem mæðurnar yfirgáfu. Paul Petersen, 45 ára kjörinn embættismaður í Arizona, var í desember síðastliðnum dæmur í 74 mánaða fangelsi vegna málsins og til að greiða 100 milljónir króna í sekt, skaðabætur og málskostnað. Hann sagði í dómsal að honum hefði gengið gott eitt til og harmaði að hann myndi missa af því að ala upp eigin börn vegna fangelsisdómsins. „Ég biðst afsökunar... Ég reyndi að búa til hamingjusamar fjölskyldur en eyðilagði með því mína eigin,“ sagði hann. Snérist um peninga Það var þó lítil hamingja sem Rolson Price upplifði þegar hann snéri heim til Marshall-eyja eftir vinnuferð og komst að því að konan hans og barnsmóðir var horfin. Parið átti von á dóttur, sem Price hefur aldrei hitt. Hún hafði skilið eftir skilaboð; hún var farin til Bandaríkjanna en hafði skilið ungan son þeirra eftir. Fyrst um sinn sendi hún peninga heim og þau ræddu saman í gegnum sameiginlega vini um hvað biði fjölskyldunnar þeirra. En svo ekki meir. Ákæruvaldið segir enga ástæðu til að ætla að pörin sem ættleiddu börnin hafi vitað að um ólölegan gjörning væri að ræða.Unsplash/Gabriel Tovar „Hún vildi peningana. Þess vegna fór hún... af því þeir buðu henni peninga,“ segir Price. „En þeir hugsa ekki um hvað þær skilja eftir. Af hverju myndirðu gera fjölskyldu það? Af hverju tók hann konuna mína og barnið?“ spyr hann. Fyrir ákæruvaldinu í Bandaríkjunum er svarið einfalt: Þetta var leið fyrir Petersen að verða ríkur. Og hvernig var framkvæmdin? Jú, hann smyglaði fátækum konum og ófæddum börnum þeirra frá Marshall-eyjunum til Bandaríkjanna fyrir allra augum og fyrir dágóð umboðslaun. Milliliðurinn gaf sjálfur frá sér tvö börn Petersen kom fyrst til Marshall-eyja árið 1998 og starfaði sem trúboði. Á tveimur árum lærði hann tungumálið og kynntist menningu eyjanna. Þegar hann snéri aftur til Bandaríkjanna setti hann á fót ættleiðingaþjónustu og nýtti sér nýmynduð tengsl til að komast í samband við fátækar verðandi mæður. „Petersen hrósaði sér af því á netinu að geta hjálpað pörum að ættleiða börn án milligöngu hefðbundinna ættleiðingamilliliða eða opinberra stofnana. Hann fékk konu á eyjunum til liðs við sig en hún hafði upp á fátækum þungunð konum og einblíndi meðal annars á þær sem voru ómenntaðar og höfðu starfað við vændi. Lynwood Jennet, sem einnig játaði brot sín, sagðist sjálf hafa látið bandarísk pör fá tvö barna sinna í gegnum Petersen. Jennet vingaðist við konurnar og bauð þeim aðstoð og peninga. Hún útvegaði þeim pappíra til að geta ferðast og flaug með þeim til Bandaríkjanna og kom þeim fyrir á nokkurs konar áfangaheimili. Þar sváfu konurnar oft á gólfinu og í sumum tilvikum voru vegabréfin tekin af þeim til þær gætu ekki flúið. Þá aðstoðaði Jennet konurnar einnig við að komast að hjá sjúkratrygginum (Medicaid) til að hið opinbera stæði undir kostnaðinum við fæðingarnar. Mæðurnar fengu svo einhverjar greiðslur í einn eða tvo mánuði eftir að þær afhentu börnin en voru svo sendar aftur til Marshalleyja eða eitthvert annað í Bandaríkjunum. Petersen á yfir höfði sér fleiri ákærur í tengslum við málið.
Marshall-eyjar Réttindi barna Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Kolbeinn Sigþórsson ákærður fyrir brot gegn barnungri stúlku Innlent Katrín efst en Jón hrynur í nýrri könnun Innlent „Það er norskur sigur í dag“ Innlent Halla vill skikka ungmenni í samfélagsþjónustu Innlent Íslendingur í gæsluvarðhaldi vegna Hamraborgarmálsins Innlent Samþykktu verkfallsaðgerðir á Keflavíkurflugvelli Innlent Hárgreiðslustóll ekki hættulegt tæki og konan fær engar bætur Innlent Útimarkaðurinn í Mosó hættir Innlent Betra að fá óþægilegu málin fram fyrr en seinna Innlent Búinn að skila inn undirskriftum eftir „óvenjulegan“ frest Innlent Fleiri fréttir Segir fólk eiga rétt til mótmæla en ekki til óreiðu Umfangsmikil mótmæli vegna „rússneskra“ laga í Georgíu Enn í basli með skemmdir á hitaskildi Orion Vornanen kastað úr þingflokknum Hafa engin varnarvirki til að hörfa í Yfirstandandi kosningar á Englandi prófsteinn fyrir Íhaldsflokkinn Viðbrögð Hamas við vopnahléstillögunum „neikvæð“ Hundruð lögreglumanna í viðbragðsstöðu vegna mótmæla í UCLA Vilja endurupptöku í máli Weinstein Þrjú hundruð handtekin í Columbia-háskóla Stuðningur við dönsku ríkisstjórnina aldrei verið minni Mótmælendur og gagnmótmælendur tókust á Trump sektaður um meira en milljón króna Rússar sagðir nota skotflaugar frá Norður-Kóreu Þrettán ára drengur stunginn til bana með sverði Særði minnst fimm með sverði í Lundúnum Íslendingur sem lúbarði lögreglumenn í Varsjá þarf að borga brúsann Fjórir lögreglumenn skotnir til bana í Charlotte Rostungur sem fannst í fyrra drapst af völdum fuglaflensu Hvetur Hamas til að ganga að rausnarlegum tillögum Ísrael Flugvöllur Færeyinga fær að taka við stærri þotum Yousaf segir af sér sem ráðherra og formaður Skoska þjóðarflokksins Sánchez hættir við að segja af sér Grafið undan fjölmiðlafrelsinu víða í Evrópu Vopnahlé í sjónmáli? Tveir látnir eftir að bíll hafnaði í sjónum við Stokkhólm Fjölmenn mótmæli vegna ofbeldisbylgju í Ástralíu Vasaúr ríkasta manns Titanic seldist á 210 milljónir Þúsundir hvöttu Sánchez til að segja ekki af sér Skoða að færa Mónu Lísu í eigið herbergi Sjá meira