Hræðilegar lýsingar á því sem fram fór á vistheimilinu Arnarholti Sunna Kristín Hilmarsdóttir skrifar 11. nóvember 2020 07:30 Frá Arnarholti á Kjalarnesi. Vísir/Vilhelm Fárveikt fólk sem dvaldi á vistheimilinu Arnarholti á Kjalarnesi til ársins 1971 var sett í einangrun í litlum fangaklefa, jafnvel vikum saman, í refsingarskyni, að því er fram kemur í vitnaleiðslum yfir starfsfólki heimilisins sem fjallað var ítarlega um í fréttum RÚV í gærkvöldi. Ekki verður annað sagt en að lýsingar starfsfólks á því sem fram fór á vistheimilinu og fjallað var um í frétt RÚV séu hræðilegar. Í vitnaleiðslunum lýsti starfsfólk meðal annars vanrækslu sem leiddi til andláts og órannsökuðum andlátum heimilismanna. Frá Arnarholti á Kjalarnesi. Arnarholt var opnað árið 1945 og var rekið af Reykjavíkurborg. Í greinargerð borgarlæknis frá árinu 1971 kom fram að í Arnarholti byggju Reykvíkingar sem ekki gætu séð um sig sjálfir og ættu almennt ekki samleið með borgarbúum af ýmsum ástæðum. Vistmenn væru með margvísleg vanheilindi, oftast af geðrænum toga. Arnarholt var á þessum tíma ekki viðurkennd sjúkrastofnun heldur var vistun á heimilinu í höndum félagsmálastofnunar Reykjavíkur. Sögðu engar sannanir fyrir ásökunum Í október 1970 samþykkti borgarstjórn Reykjavíkur að rannsókn skyldi fara fram á starfsemi Arnarholts. Var það að frumkvæði Steinunnar Finnbogadóttur, ljósmóður og borgarfulltrúa Samtaka frjálslyndra og vinstrimanna, en systir hennar, Guðrún Finnbogadóttir, hafði þá unnið á heimilinu frá því árinu áður. Borgarstjórn fól heilbrigðisráði Reykjavíkur að láta fara fram nákvæma athugun á starfsemi Arnarholts. Í febrúar 1971 skipaði ráðið nefnd þriggja lækna sem falið var að rannsaka málið. Nefndin ræddi við 24 þáverandi og fyrrverandi starfsmenn Arnarholts og skilaði niðurstöðum sínum í apríl 1971. Að mati nefndarinnar höfðu engar sannanir fundist fyrir ásökunum sem komið höfðu fram varðandi framkomu við heimilismenn, aðbúnað þeirra og meðferð. Taldi nefndin því ekki ástæðu til frekari aðgerða. Átti ekki orð til að lýsa hugarstríði pilts sem sætti einangrun svo vikum skipti Borgarstjórn ákvað engu að síður að grípa til aðgerða vegna Arnarholts, þvert á niðurstöðu læknanefndarinnar. Að því er segir í frétt RÚV var það vegna þeirra lýsinga sem fram komu í vitnaleiðslunum yfir starfsmönnunum 24 en RÚV hefur vitnaleiðslurnar undir höndum. Í vitnaleiðslunum er því meðal annars lýst hvernig heimilismönnum var refsað með því að neita þeim um mat. Þá virðast þeir einnig hafa verið læstir úti í hvaða veðri sem er, einnig undir formerkjum refsingar. Algengasta refsingin var hins vegar að heimilismenn voru látnir í einangrun í litlum klefa sem var með einum litlum glugga sem búið var að setja járnrimla fyrir. Að því er fram kemur í frétt RÚV varðaði einhver skelfilegasta lýsingin á klefanum tvítugan heimilismann sem starfsmaður sagði vera með þroska á við átta til níu ára barn. Pilturinn átti það til að strjúka og fara þá til móður sinnar í Reykjavík. Lýsti starfsmaðurinn því í vitnaleiðslum hvernig pilturinn var eitt sinn settur í klefann fyrir að strjúka til mömmu. Var hann lokaður inni í klefanum vikum saman og sagðist starfsmaðurinn ekki eiga orð til þess að lýsa hugarstríði og líðan drengsins. Fannst látin í flæðarmálinu Þá virðast andlát heimilismanna í Arnarholti hafa verið nokkuð tíð á þessum tíma og er þeim lýst í vitnaleiðslunum í nokkrum tilvikum. Þannig sögðu starfsmenn frá því þegar það uppgötvaðist dag einn að kona sem bjó á heimilinu væri týnd. Leit að henni hófst þó ekki strax og fannst hún stuttu síðar, látin í flæðarmálinu. Í kjölfar umfjöllunar borgarstjórnar um málefni Arnarholts sumarið 1971 var ákveðið að heimilið skyldi fært undir geðdeild Borgarspítalans og tók sú breyting gildi þann 1. september sama ár. Í febrúar 1972 viðurkenndi heilbrigðis- og tryggingamálaráðuneytið Arnarholt sem hjúkrunarheimili í fyrsta sinn. Var Arnarholt starfrækt sem sjúkrastofnun til ársins 2005. Eins og áður segir var Arnarholt vistheimili á vegum Reykjavíkurborgar. Rætt var við Dag B. Eggertsson, borgarstjóra, á mbl í gærkvöldi þar sem hann var inntur eftir viðbrögðum. Sagði hann fréttirnar nísta í hjartað og að málið yrði án efa rætt í borgarstjórn. „Þetta er auðvitað nýkomið fram núna en við munum fara yfir þetta þó að það sé ekki komið á hreint hvernig það verður. Það er ótrúlega sárt að lesa þetta, þó að nokkuð sé um liðið.“ Þá verður málið tekið til skoðunar hjá velferðarráði Reykjavíkurborgar strax í dag að því er fram kom í viðtali mbl við Heiðu Björgu Hilmisdóttur, formann ráðsins, í gær. Félagsmál Reykjavík Vistheimili Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Vísbending um að flutningaskip hafi hvolft bátnum Innlent Fólk muni ekki borga 200 þúsund fyrir „heimili sem það notar sem sumarbústað“ Innlent Forsetavaktin 2024: Hver verður sjöundi forseti lýðveldisins? Innlent Miklar breytingar á fylgi fyrir kappræður Stöðvar 2 í kvöld Innlent „Blaut tuska í andlit Félags eldri borgara í Reykjavík“ Innlent Skikkar lögreglu til að rannsaka stjórn aðventista Innlent Leigan fyrir 100 fermetra hús í Grindavík 62.500 á mánuði Innlent Fékk sting í hjartað þegar hann sá nafnið á bátnum Innlent Ágreiningur innan stjórnarinnar brýst upp á yfirborðið Erlent Skipstjórinn og tveir stýrimenn handteknir vegna sjóslyssins Innlent Fleiri fréttir Viktor hvetur forsetaframbjóðendur til að sniðganga Stöð 2 Skipstjórinn og tveir stýrimenn handteknir vegna sjóslyssins Óvinnufær eftir harkalegt fall þegar strappur slitnaði Skipuð aðstoðarlögreglustjóri á höfuðborgarsvæðinu Valdimar Hermannsson nýr sveitarstjóri Vopnafjarðarhrepps Bjarni ætlar að geta Katrínar í formálanum Þórey í Konukoti hlaut mannréttindaverðlaun Reykjavíkur Nafnið Hroði of hroðalegt Fékk sting í hjartað þegar hann sá nafnið á bátnum Um 920 mál óafgreidd hjá kærunefnd útlendingamála Færa almannavarnastig niður á óvissustig vegna vatnslagnarinnar Fólk muni ekki borga 200 þúsund fyrir „heimili sem það notar sem sumarbústað“ Vísbending um að flutningaskip hafi hvolft bátnum Skikkar lögreglu til að rannsaka stjórn aðventista Sjóslys, Þórkatla og framtíð Play Kvikusöfnunin áfram stöðug Tóku niður íslenska svikasíðu með FBI Hafna tilboðum í áætlunarflug milli Reykjavíkur og Hornafjarðar Segir rangt að gjaldskylda á nagladekk sé í skoðun „Blaut tuska í andlit Félags eldri borgara í Reykjavík“ Vilja sinna Íslendingum á Spáni betur Dregið úr hrinunni við Sýlingarfell Slapp við meiðsli á höfði og hrygg Leigan fyrir 100 fermetra hús í Grindavík 62.500 á mánuði Manni bjargað úr sjónum í nótt eftir að bátur hans sökk Um 800 börn bíða eftir leikskólaplássi í Reykjavík Meinleysisgrey sem séu lífríkinu afar mikilvæg Sjö smáskjálftar við Sýlingarfell og Veðurstofan fylgist vel með „Þetta reddast“ voru fyrstu orðin sem hann lærði Lögreglan þurfi nauðsynlega auknar rannsóknarheimildir Sjá meira
Fárveikt fólk sem dvaldi á vistheimilinu Arnarholti á Kjalarnesi til ársins 1971 var sett í einangrun í litlum fangaklefa, jafnvel vikum saman, í refsingarskyni, að því er fram kemur í vitnaleiðslum yfir starfsfólki heimilisins sem fjallað var ítarlega um í fréttum RÚV í gærkvöldi. Ekki verður annað sagt en að lýsingar starfsfólks á því sem fram fór á vistheimilinu og fjallað var um í frétt RÚV séu hræðilegar. Í vitnaleiðslunum lýsti starfsfólk meðal annars vanrækslu sem leiddi til andláts og órannsökuðum andlátum heimilismanna. Frá Arnarholti á Kjalarnesi. Arnarholt var opnað árið 1945 og var rekið af Reykjavíkurborg. Í greinargerð borgarlæknis frá árinu 1971 kom fram að í Arnarholti byggju Reykvíkingar sem ekki gætu séð um sig sjálfir og ættu almennt ekki samleið með borgarbúum af ýmsum ástæðum. Vistmenn væru með margvísleg vanheilindi, oftast af geðrænum toga. Arnarholt var á þessum tíma ekki viðurkennd sjúkrastofnun heldur var vistun á heimilinu í höndum félagsmálastofnunar Reykjavíkur. Sögðu engar sannanir fyrir ásökunum Í október 1970 samþykkti borgarstjórn Reykjavíkur að rannsókn skyldi fara fram á starfsemi Arnarholts. Var það að frumkvæði Steinunnar Finnbogadóttur, ljósmóður og borgarfulltrúa Samtaka frjálslyndra og vinstrimanna, en systir hennar, Guðrún Finnbogadóttir, hafði þá unnið á heimilinu frá því árinu áður. Borgarstjórn fól heilbrigðisráði Reykjavíkur að láta fara fram nákvæma athugun á starfsemi Arnarholts. Í febrúar 1971 skipaði ráðið nefnd þriggja lækna sem falið var að rannsaka málið. Nefndin ræddi við 24 þáverandi og fyrrverandi starfsmenn Arnarholts og skilaði niðurstöðum sínum í apríl 1971. Að mati nefndarinnar höfðu engar sannanir fundist fyrir ásökunum sem komið höfðu fram varðandi framkomu við heimilismenn, aðbúnað þeirra og meðferð. Taldi nefndin því ekki ástæðu til frekari aðgerða. Átti ekki orð til að lýsa hugarstríði pilts sem sætti einangrun svo vikum skipti Borgarstjórn ákvað engu að síður að grípa til aðgerða vegna Arnarholts, þvert á niðurstöðu læknanefndarinnar. Að því er segir í frétt RÚV var það vegna þeirra lýsinga sem fram komu í vitnaleiðslunum yfir starfsmönnunum 24 en RÚV hefur vitnaleiðslurnar undir höndum. Í vitnaleiðslunum er því meðal annars lýst hvernig heimilismönnum var refsað með því að neita þeim um mat. Þá virðast þeir einnig hafa verið læstir úti í hvaða veðri sem er, einnig undir formerkjum refsingar. Algengasta refsingin var hins vegar að heimilismenn voru látnir í einangrun í litlum klefa sem var með einum litlum glugga sem búið var að setja járnrimla fyrir. Að því er fram kemur í frétt RÚV varðaði einhver skelfilegasta lýsingin á klefanum tvítugan heimilismann sem starfsmaður sagði vera með þroska á við átta til níu ára barn. Pilturinn átti það til að strjúka og fara þá til móður sinnar í Reykjavík. Lýsti starfsmaðurinn því í vitnaleiðslum hvernig pilturinn var eitt sinn settur í klefann fyrir að strjúka til mömmu. Var hann lokaður inni í klefanum vikum saman og sagðist starfsmaðurinn ekki eiga orð til þess að lýsa hugarstríði og líðan drengsins. Fannst látin í flæðarmálinu Þá virðast andlát heimilismanna í Arnarholti hafa verið nokkuð tíð á þessum tíma og er þeim lýst í vitnaleiðslunum í nokkrum tilvikum. Þannig sögðu starfsmenn frá því þegar það uppgötvaðist dag einn að kona sem bjó á heimilinu væri týnd. Leit að henni hófst þó ekki strax og fannst hún stuttu síðar, látin í flæðarmálinu. Í kjölfar umfjöllunar borgarstjórnar um málefni Arnarholts sumarið 1971 var ákveðið að heimilið skyldi fært undir geðdeild Borgarspítalans og tók sú breyting gildi þann 1. september sama ár. Í febrúar 1972 viðurkenndi heilbrigðis- og tryggingamálaráðuneytið Arnarholt sem hjúkrunarheimili í fyrsta sinn. Var Arnarholt starfrækt sem sjúkrastofnun til ársins 2005. Eins og áður segir var Arnarholt vistheimili á vegum Reykjavíkurborgar. Rætt var við Dag B. Eggertsson, borgarstjóra, á mbl í gærkvöldi þar sem hann var inntur eftir viðbrögðum. Sagði hann fréttirnar nísta í hjartað og að málið yrði án efa rætt í borgarstjórn. „Þetta er auðvitað nýkomið fram núna en við munum fara yfir þetta þó að það sé ekki komið á hreint hvernig það verður. Það er ótrúlega sárt að lesa þetta, þó að nokkuð sé um liðið.“ Þá verður málið tekið til skoðunar hjá velferðarráði Reykjavíkurborgar strax í dag að því er fram kom í viðtali mbl við Heiðu Björgu Hilmisdóttur, formann ráðsins, í gær.
Félagsmál Reykjavík Vistheimili Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Vísbending um að flutningaskip hafi hvolft bátnum Innlent Fólk muni ekki borga 200 þúsund fyrir „heimili sem það notar sem sumarbústað“ Innlent Forsetavaktin 2024: Hver verður sjöundi forseti lýðveldisins? Innlent Miklar breytingar á fylgi fyrir kappræður Stöðvar 2 í kvöld Innlent „Blaut tuska í andlit Félags eldri borgara í Reykjavík“ Innlent Skikkar lögreglu til að rannsaka stjórn aðventista Innlent Leigan fyrir 100 fermetra hús í Grindavík 62.500 á mánuði Innlent Fékk sting í hjartað þegar hann sá nafnið á bátnum Innlent Ágreiningur innan stjórnarinnar brýst upp á yfirborðið Erlent Skipstjórinn og tveir stýrimenn handteknir vegna sjóslyssins Innlent Fleiri fréttir Viktor hvetur forsetaframbjóðendur til að sniðganga Stöð 2 Skipstjórinn og tveir stýrimenn handteknir vegna sjóslyssins Óvinnufær eftir harkalegt fall þegar strappur slitnaði Skipuð aðstoðarlögreglustjóri á höfuðborgarsvæðinu Valdimar Hermannsson nýr sveitarstjóri Vopnafjarðarhrepps Bjarni ætlar að geta Katrínar í formálanum Þórey í Konukoti hlaut mannréttindaverðlaun Reykjavíkur Nafnið Hroði of hroðalegt Fékk sting í hjartað þegar hann sá nafnið á bátnum Um 920 mál óafgreidd hjá kærunefnd útlendingamála Færa almannavarnastig niður á óvissustig vegna vatnslagnarinnar Fólk muni ekki borga 200 þúsund fyrir „heimili sem það notar sem sumarbústað“ Vísbending um að flutningaskip hafi hvolft bátnum Skikkar lögreglu til að rannsaka stjórn aðventista Sjóslys, Þórkatla og framtíð Play Kvikusöfnunin áfram stöðug Tóku niður íslenska svikasíðu með FBI Hafna tilboðum í áætlunarflug milli Reykjavíkur og Hornafjarðar Segir rangt að gjaldskylda á nagladekk sé í skoðun „Blaut tuska í andlit Félags eldri borgara í Reykjavík“ Vilja sinna Íslendingum á Spáni betur Dregið úr hrinunni við Sýlingarfell Slapp við meiðsli á höfði og hrygg Leigan fyrir 100 fermetra hús í Grindavík 62.500 á mánuði Manni bjargað úr sjónum í nótt eftir að bátur hans sökk Um 800 börn bíða eftir leikskólaplássi í Reykjavík Meinleysisgrey sem séu lífríkinu afar mikilvæg Sjö smáskjálftar við Sýlingarfell og Veðurstofan fylgist vel með „Þetta reddast“ voru fyrstu orðin sem hann lærði Lögreglan þurfi nauðsynlega auknar rannsóknarheimildir Sjá meira