Erlent

Sautján látnir eftir eldsvoða á hóteli í Delí

Kjartan Kjartansson skrifar
Viðbragðsaðilum tókst að koma um 35 manns út úr hótelinu.
Viðbragðsaðilum tókst að koma um 35 manns út úr hótelinu. Vísir/EPA

Kona og barn eru sögð á meðal þeirra sautján sem fórust þegar eldur kviknaði í hóteli í Delí á Indlandi í morgun. Vitni segja að konan hafi reynt að hoppa út um glugga til að bjarga lífi sínu og barnsins.

Breska ríkisútvarpið BBC hefur eftir yfirvöldum á staðnum að 35 manns hafi verið bjargað úr Arpit Palace-hótelinu í Karol Bagh-hverfi. Fjöldi manna eru sagður hafa reynt að forða sér með því að stökkva út um glugga.

Orsök eldsvoðans liggja ekki fyrir að svo stöddu. Yfirvöld telja að flestir þeirra sem fórust hafi kafnað. Eldsvoðar eru ekki óalgengir í borgum Indlands þar sem byggingaverktakar láta sér öryggisstaðla sér í léttu rúmi liggja.

Þannig hefur komið fram að fimmta hæðin hafi verið byggð ofan á Arpit Palace-hótelið með eldhúsi og verönd þrátt fyrir að eigendurnir hefðu aðeins leyfi til að reisa fjögurra hæða hús.

Að neðan má sjá myndefni frá fréttamiðlum í Indlandi.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.