Jennifer Lawrence trúlofuð

Óskarsverðlaunaleikkonan Jennifer Lawrence og Cooke Maroney eru trúlofuð en þetta hefur hún sjálf staðfest í fjölmiðlum ytra.

Jennifer Lawrence sást í New York í síðustu viku með hring sem gaf ákveða vísbendingu um að hún væri trúlofuð. 

Maroney er 34 ára listsali en Lawrence er ein vinsælasta leikkona heims  og vann hún Óskarinn fyrir hlutverk sitt í kvikmyndinni Silver Linings Playbook árið 2012.

Ekki er ljóst hvenær sjálft brúðkaupið fer fram en parið kynntist á síðasta ári.