Ian Rush: Salah er enginn svindlari

Mo Salah, framherji Liverpool, hefur mátt þola mikla gagnrýni upp á síðkastið enda þykir hann fara allt of auðveldlega niður í teignum.

Liverpool-goðsögnin Ian Rush er ekki ánægð með þessa umræðu og tekur upp hanskann fyrir sinn mann.

„Mo Salah er enginn svindlari og dýfir sér ekki. Hann er heiðarlegur atvinnumaður og fer ekki viljandi í grasið,“ sagði Rush ákveðinn. „Staðreyndin er sú að hann fær harkalega meðferð frá varnarmönnum deildarinnar. Hann er of fljótur fyrir þá og þá brjóta þeir á honum.“

Gagnrýnin sem Salah hefur fengið fer í taugarnar á Rush.

„Mér finnst þessi gagnrýni á hann mjög ósanngjörn. Sjáið hvað gerðist í Bournemouth. Þá var brotið illa á honum en hann stóð í lappirnar því hann vildi svo innilega reyna að skora.“