PSG lenti í litlum vandræðum með botnbaráttulið Amiens en frönsku meistararnir unnu öruggan 3-0 sigur í kvöld.

Staðan var markalaus í hálfleik en gestirnir frá París fengu vítaspyrnu á 57. mínútu. Það var Edinson Cavani sem fór á punktinn og skoraði af öryggi.

Þrettán mínútum síðar var staðan orðinn 2-0. Eftir frábæra sendingu Cavani skoraði Kylian Mbappe og níu mínútum síðar skoraði Marquinhos þriðja markið eftir undirbúning Julian Draxler.

PSG er með þrettán stiga forskot á toppi deildarinnar og á tvo leiki til góða á Lille. Ótrúleg einstefna. Amiens er í sautjánda sætinu, tveimur stigum frá fallsæti.