Íslenski boltinn

Arnór Gauti fór illa með gömlu liðsfélagana úr Eyjum

Óskar Ófeigur Jónsson skrifar
Arnór Gauti Ragnarsson (númer 19)  í leik með ÍBV gegn Blikum á þar síðasta tímabili. Nú var hann aftur á móti í grænum búningi og fór á kostum.
Arnór Gauti Ragnarsson (númer 19) í leik með ÍBV gegn Blikum á þar síðasta tímabili. Nú var hann aftur á móti í grænum búningi og fór á kostum. vísir/eyþór

Arnór Gauti Ragnarsson skoraði þrennu þegar Breiðablik vann 4-0 sigur á ÍBV í Fífunni í Kópavogi en liðið mættust þarna í A-riðli á Fótbolta.net mótinu.

Viktor Karl Einarsson skoraði eina mark fyrri hálfleiksins á 21. mínútu og staðan var því 1-0 í hálfleik.

Gott hjá Viktori Karli að minna á sig en hann er að koma heim í Breiðablik eftir atvinnumennsku í Hollandi og Svíþjóð.

Í síðari hálfleik náði Arnór Gauti Ragnarsson síðan ótrúlegum þrettán mínútna kafla frá 62. til 75. mínútu þar sem hann skoraði þrennu.

Arnór Gauti Ragnarsson er uppalinn Bliki en lék með ÍBV sumarið 2017 og varð meðal annars bikarmeistari með Eyjamönnum.

Arnór Gauti fór illa með sína gömlu liðsfélaga og skoraði á 62., 73. og 75. mínútu leiksins og Blikar unnu því sannfærandi 4-0 sigur í þessum fyrsta leik liðanna í Fótbolta.net mótinu.  

Blikar mæta næst nágrönnum sínum í HK í Kórnum á föstudaginn kemur en ÍBV spilar næst við Grindavík í Reykjaneshöllinni.

Upplýsingar um markaskorara eru frá Fótbolta.net.




Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.