Sport

Masvidal vill ekki að Gunnar keli við lærin sín

Henry Birgir Gunnarsson skrifar
Masvidal heldur áfram að forðast Gunnar eins og heitan eldinn.
Masvidal heldur áfram að forðast Gunnar eins og heitan eldinn. vísir/getty

Gunnar Nelson hefur oftar en einu sinni reynt að fá bardaga gegn Jorge Masvidal en án árangurs. Það er líklega ekkert að fara að breytast.

Masvidal hefur ekki barist síðan hann tapaði gegn Stephen Thompson í nóvember árið 2017. Hann vill fá bardaga fljótlega en alls ekki gegn Gunnari.

„Gunnar myndi bara hnoðast á mér og kela við lærin mín. Það er ekkert gaman að því. Ég myndi samt rota hann. Ég vil fá mann sem er til í að standa og berjast,“ sagði Masvidal sem er í níunda sæti á styrkleikalista UFC en Gunnar er í tólfta sæti.

Gunnar er að reyna að fá bardaga í London í mars og er helst nefnt að hann berjist við Englendinginn Leon Edwards þar.





Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.