Fótbolti

Liechtensteinar vilja ráða Helga sem landsliðsþjálfara

Ástrós Ýr Eggertsdóttir skrifar
Helgi Kolviðsson kom inn í landsliðsteymið í kringum EM 2016 þegar hann mætti færandi hendi með ísbað frá Austurríki til Frakklands.
Helgi Kolviðsson kom inn í landsliðsteymið í kringum EM 2016 þegar hann mætti færandi hendi með ísbað frá Austurríki til Frakklands. Vísir/Vilhelm
Helgi Kolviðsson, fyrrum aðstoðarþjálfari íslenska karlalandsliðsins í fótbolta, gæti tekið við landsliði Liechtenstein samkvæmt frétt Fótbolta.net.

Rene Pauritsch lét af störfum sem landsliðsþjálfari Leichtenstein þegar keppni í Þjóðadeildinni lauk nú í vetur og tók við starfi yfirmanns knattspyrnumála hjá knattspyrnusambandinu þar í landi. Áhugi er fyrir því að Helgi taki við af Pauritsch.

Helgi var aðstoðarþjálfari Heimis Hallgrímssonar en hætti í því starfi þegar Erik Hamrén tók við íslenska liðinu í sumar. Hann hefur ekkert starfað við þjálfun síðan þá en Helgi hefur þjálfað í bæði Þýskalandi og Austurríki á ferlinum.

Liechtenstein drógst í riðil með Ítalíu, Bosníu og Hersegóvínu, Finnlandi, Grikklandi og Armeníu í riðli í undankeppni EM 2020 en liðið er í 173. sæti styrkleikalista FIFA.


Tengdar fréttir

Helgi Kolviðs hættur hjá KSÍ

Helgi Kolviðsson verður ekki áfram hluti af þjálfarateymi íslenska karlalandsliðsins í knattspyrnu.




Fleiri fréttir

Sjá meira


×