Innlent

Braut reglur í flugi WOW og var handtekinn

Kolbeinn Tumi Daðason skrifar
Flugvélar Wow air á Keflavíkurflugvelli.
Flugvélar Wow air á Keflavíkurflugvelli. Vísir/Vilhelm
Farþegi í flugi WOW Air frá Brussel sem lenti á Keflavíkurflugvelli um klukkan 13:30 var handtekinn við komuna til landsins.

Um var að ræða karlmann sem hafði ekki hegðað sér reglum samkvæmt í fluginu og var meðal annars staðinn að því að reykja inni á snyrtingunni. Samkvæmt heimildum Vísis var farþeginn allt annað en hress við handtökuna.

Svana Friðriksdóttir, upplýsingafulltrúi WOW Air, staðfestir handtökun í samtali við Vísi og reykingar á salerni. Lögreglan á Suðurnesjum hafði engar upplýsingar um málið þegar eftir því var leitað.

 




Fleiri fréttir

Sjá meira


×