Dolce & Gabbana í krísustjórnun í Kína Stefán Ó. Jónsson skrifar 23. nóvember 2018 11:17 Domenico Dolce og Stefano Gabbana á góðri stund á tískupallinum í Mílanó á dögunum. Getty/Andreas Rentz Kínverskar netverslanir hafa hætt sölu á vörum Dolce & Gabbana. Tískurisinn hleypti illu blóði í Kínverja með auglýsingaherferð sinni, sem kínverskum neytendum og ráðamönnum þótti lítillækkandi. Stofnefndur fyrirtækisins sendu frá sér myndbandsyfirlýsingu í morgun til kínversku þjóðarinnar í von um að slökkva eldana sem skíðloga í einu stærsta markaðssvæði heims. Í umræddri auglýsingu mátti sjá fyrirsætu basla við það að borða margvíslegan ítalskan mat með prjónum. Má þar nefna pizzu og pasta en ætla má að auglýsingin hafi verið tilraun fyrirtækisins til að leiða saman matarmenningu þjóðanna, en Dolce & Gabbana er ítalskt að upplagi.Auglýsingin fór öfugt ofan í Kínverja sem fannst tískurisinn draga upp heldur einfalda staðalmynd af matarvenjum - og í raun menningu - kínversku þjóðarinnar. Ekki bætti heldur úr skák að maðurinn sem las inn á auglýsinguna þótti dónalegur, allt að því karlrembulegur þegar hann veitti fyrirsætunni ráðleggingar. Til að bæta gráu ofan á svart var annar stofnanda fyrirtækisins, fatahönnuðurinn Stefano Gabbana, sakaður um að tala niður til Kínverja. Skjáskot af því sem virtist vera einkasamtal Gabbana við ónefndan viðtakanda á Instagram fór á mikið flug á kínverska samfélagsmiðlinum Weibo.Skjáskot af hinu meinta skítasamtali hafa fengið mikla dreifingu í Kína.Í samtalinu mátti sjá Gabbana líkja kínversku þjóðinni við illa lyktandi og heimska mafíu, áður en hann bætti svo um betur og notaði kúkatáknið alræmda til að lýsa ríkinu. Fyrirtækið segir að tölvuþrjótar hafi brotist inn á Instagram-reikning Gabbana, samtalið sé ekki til marks um raunverulegar skoðanir hönnuðarins á Kína. Mikil reiði braust út á Weibo sem leiddi meðal annars til þess að Dolce & Gabbana neyddist til að hætta við fyrirhugaða tískusýningu í Sjanghæ, auk þess sem þarlendar vefverslanir eru hættar að bjóða upp á vörur ítalska framleiðandans. Vendingarnar eru mikið reiðarslag fyrir Dolce & Gabbana því kínverskir neytendur kaupa um þriðjung allra hágæðatískuvara sem seldar eru í heiminum á ári hverju. Þar að auki segir í úttekt Reuters að Kínverjar séu í auknum mæli farnir að stunda fataverslun sína í heimabyggð, þ.e. síhækkandi hlutfall lúxus- og tískuvarakaupa þeirra fara fram á kínverskri grundu. Til þess að bjarga því sem bjargað verður ákváðu fyrrnefndur Stefano Gabbana og hinn stofnandi fyrirtækisins, Domenico Dolce, að senda frá sér afsökunarbeiðni til kínversku þjóðarinnar. Í 85 sekúndna löngu myndbandi segist þeir hafa skoðað sín mál vel og vandlega. Þeir séu gríðarlegar miður sín yfir því hvernig málin þróuðust. „Í ljósi þessa menningarlega misskilnings, þá vonum við að við getum öðlast fyrirgefningu ykkar,“ segir Dolce á ítölsku. Gabbana biðst einnig afsökunar. Myndbandinu lýkur svo með því að þeir félagar biðjast afsökunar á mandarín-kínversku. Afsökunarbeiðni þeirra má sjá hér að neðan.Dolce&Gabbana apologizes. pic.twitter.com/eVLoHylnq6— Dolce & Gabbana (@dolcegabbana) November 23, 2018 Mest lesið Sker úr um hvort veitingamaður hafi mátt borga fyrir kókið Viðskipti innlent Ofgreiddar lífeyrisgreiðslur nærri tvöfölduðust á milli ára Viðskipti innlent Ætla að bjóða vaxtalaus lán í aðdraganda mánaðamóta Viðskipti innlent „Ég einfaldlega spurði kennarann: Ertu ekki að djóka?!“ Atvinnulíf Dæla skyrinu af ísvélum á Skálinni Viðskipti innlent Bein útsending: Framtíð EES til umræðu á þrjátíu ára afmæli Viðskipti innlent Heitur pottur og sauna, tvenna sem getur ekki klikkað! Samstarf Muni gera meiri kröfur til áfengiskaupenda en flestir aðrir Viðskipti innlent Vopnfirska kjötsúpan stoltið hjá efnahagsráðgjafa ríkistjórnarinnar Atvinnulíf „Oft sömu aðilar og verða öskureiðir ef þú rangkynjar köttinn þeirra eða hundinn“ Atvinnulíf Fleiri fréttir Dagar Workplace eru taldir Rauf sátt vegna Max-málsins og gæti átt yfir höfði sér refsimál Apple biðst afsökunar á auglýsingu fyrir nýjan iPad Rannsaka hvort Tesla hafi blekkt neytendur og fjárfesta Taka bóluefni AstraZeneca úr sölu vegna dvínandi eftirspurnar Tekjur Apple drógust saman enn eina ferðina Stofnandi Binance dæmdur fyrir peningaþvætti Sagðir vilja frekar loka TikTok en selja Sækjast eftir fangelsisdómi yfir rafmyntakóngi Mikill samdráttur á hagnaði Tesla Ný kynslóð vélmenna vekur óhug Ólígarkar unnu mál vegna refsiaðgerða fyrir Evrópudómstól Gervigreind Amazon reyndist þúsund Indverjar Rekja meirihluta heimslosunar til 57 framleiðenda Í basli með viðhald og viðgerðir á olíuvinnslum Taylor Swift meðal 265 nýliða á milljarðamæringalista Forbes Wow lifir enn góðu lífi í undraheimi Roosevelt Edwards Sjá meira
Kínverskar netverslanir hafa hætt sölu á vörum Dolce & Gabbana. Tískurisinn hleypti illu blóði í Kínverja með auglýsingaherferð sinni, sem kínverskum neytendum og ráðamönnum þótti lítillækkandi. Stofnefndur fyrirtækisins sendu frá sér myndbandsyfirlýsingu í morgun til kínversku þjóðarinnar í von um að slökkva eldana sem skíðloga í einu stærsta markaðssvæði heims. Í umræddri auglýsingu mátti sjá fyrirsætu basla við það að borða margvíslegan ítalskan mat með prjónum. Má þar nefna pizzu og pasta en ætla má að auglýsingin hafi verið tilraun fyrirtækisins til að leiða saman matarmenningu þjóðanna, en Dolce & Gabbana er ítalskt að upplagi.Auglýsingin fór öfugt ofan í Kínverja sem fannst tískurisinn draga upp heldur einfalda staðalmynd af matarvenjum - og í raun menningu - kínversku þjóðarinnar. Ekki bætti heldur úr skák að maðurinn sem las inn á auglýsinguna þótti dónalegur, allt að því karlrembulegur þegar hann veitti fyrirsætunni ráðleggingar. Til að bæta gráu ofan á svart var annar stofnanda fyrirtækisins, fatahönnuðurinn Stefano Gabbana, sakaður um að tala niður til Kínverja. Skjáskot af því sem virtist vera einkasamtal Gabbana við ónefndan viðtakanda á Instagram fór á mikið flug á kínverska samfélagsmiðlinum Weibo.Skjáskot af hinu meinta skítasamtali hafa fengið mikla dreifingu í Kína.Í samtalinu mátti sjá Gabbana líkja kínversku þjóðinni við illa lyktandi og heimska mafíu, áður en hann bætti svo um betur og notaði kúkatáknið alræmda til að lýsa ríkinu. Fyrirtækið segir að tölvuþrjótar hafi brotist inn á Instagram-reikning Gabbana, samtalið sé ekki til marks um raunverulegar skoðanir hönnuðarins á Kína. Mikil reiði braust út á Weibo sem leiddi meðal annars til þess að Dolce & Gabbana neyddist til að hætta við fyrirhugaða tískusýningu í Sjanghæ, auk þess sem þarlendar vefverslanir eru hættar að bjóða upp á vörur ítalska framleiðandans. Vendingarnar eru mikið reiðarslag fyrir Dolce & Gabbana því kínverskir neytendur kaupa um þriðjung allra hágæðatískuvara sem seldar eru í heiminum á ári hverju. Þar að auki segir í úttekt Reuters að Kínverjar séu í auknum mæli farnir að stunda fataverslun sína í heimabyggð, þ.e. síhækkandi hlutfall lúxus- og tískuvarakaupa þeirra fara fram á kínverskri grundu. Til þess að bjarga því sem bjargað verður ákváðu fyrrnefndur Stefano Gabbana og hinn stofnandi fyrirtækisins, Domenico Dolce, að senda frá sér afsökunarbeiðni til kínversku þjóðarinnar. Í 85 sekúndna löngu myndbandi segist þeir hafa skoðað sín mál vel og vandlega. Þeir séu gríðarlegar miður sín yfir því hvernig málin þróuðust. „Í ljósi þessa menningarlega misskilnings, þá vonum við að við getum öðlast fyrirgefningu ykkar,“ segir Dolce á ítölsku. Gabbana biðst einnig afsökunar. Myndbandinu lýkur svo með því að þeir félagar biðjast afsökunar á mandarín-kínversku. Afsökunarbeiðni þeirra má sjá hér að neðan.Dolce&Gabbana apologizes. pic.twitter.com/eVLoHylnq6— Dolce & Gabbana (@dolcegabbana) November 23, 2018
Mest lesið Sker úr um hvort veitingamaður hafi mátt borga fyrir kókið Viðskipti innlent Ofgreiddar lífeyrisgreiðslur nærri tvöfölduðust á milli ára Viðskipti innlent Ætla að bjóða vaxtalaus lán í aðdraganda mánaðamóta Viðskipti innlent „Ég einfaldlega spurði kennarann: Ertu ekki að djóka?!“ Atvinnulíf Dæla skyrinu af ísvélum á Skálinni Viðskipti innlent Bein útsending: Framtíð EES til umræðu á þrjátíu ára afmæli Viðskipti innlent Heitur pottur og sauna, tvenna sem getur ekki klikkað! Samstarf Muni gera meiri kröfur til áfengiskaupenda en flestir aðrir Viðskipti innlent Vopnfirska kjötsúpan stoltið hjá efnahagsráðgjafa ríkistjórnarinnar Atvinnulíf „Oft sömu aðilar og verða öskureiðir ef þú rangkynjar köttinn þeirra eða hundinn“ Atvinnulíf Fleiri fréttir Dagar Workplace eru taldir Rauf sátt vegna Max-málsins og gæti átt yfir höfði sér refsimál Apple biðst afsökunar á auglýsingu fyrir nýjan iPad Rannsaka hvort Tesla hafi blekkt neytendur og fjárfesta Taka bóluefni AstraZeneca úr sölu vegna dvínandi eftirspurnar Tekjur Apple drógust saman enn eina ferðina Stofnandi Binance dæmdur fyrir peningaþvætti Sagðir vilja frekar loka TikTok en selja Sækjast eftir fangelsisdómi yfir rafmyntakóngi Mikill samdráttur á hagnaði Tesla Ný kynslóð vélmenna vekur óhug Ólígarkar unnu mál vegna refsiaðgerða fyrir Evrópudómstól Gervigreind Amazon reyndist þúsund Indverjar Rekja meirihluta heimslosunar til 57 framleiðenda Í basli með viðhald og viðgerðir á olíuvinnslum Taylor Swift meðal 265 nýliða á milljarðamæringalista Forbes Wow lifir enn góðu lífi í undraheimi Roosevelt Edwards Sjá meira