Íslenski boltinn

Lillý Rut og Ásgerður til Vals

Arnar Geir Halldórsson skrifar
Ásgerður Stefanía Baldursdóttir hefur verið sigursæl með Stjörnunni undanfarin ár.
Ásgerður Stefanía Baldursdóttir hefur verið sigursæl með Stjörnunni undanfarin ár. Vísir/Eyþór
Kvennalið Vals ætlar sér stóra hluti í Pepsi deild kvenna á næstu leiktíð en þær Lillý Rut Hlynsdóttir og Ásgerður Stefanía Baldursdóttir sömdu við Hlíðarendaliðið í dag.

Lillý Rut kemur til Vals frá Þór/KA þar sem hún hefur verið hluti af sterkum varnarleik Norðankvenna undanfarin ár. Hún gerir þriggja ára samning við Val.

Ásgerður Stefanía kemur til Vals frá Stjörnunni þar sem hún hefur verið í lykilhlutverki undanfarin ár og jafnan gegnt fyrirliðastöðunni hjá Garðbæingum.

Valur hafnaði í 4.sæti Pepsi deildarinnar á síðustu leiktíð en liðið hefur ekki verið á meðal tveggja efstu liða deildarinnar undanfarin fimm ár.




Fleiri fréttir

Sjá meira


×